У Аршанскім раёне сталі больш гвалціць і выкрадаць людзей
Аршанскім райвыканкамам разгледжанае пытаньне наконт рэалізацыі Закону Рэспублікі Беларусь “Аб асновах дзейнасьці па прафіляктыцы правапарушэньняў”. У паседжаньні ўзяў удзел намесьнік генэральнага пракурора Аляксандар Дубаў, паведамілі ў прэс-службе нагляднага органу.
Праваслаўнае брацтва рыхтуе юных «каларадаў»?
У суполцы праваслаўнага вайскова-патрыятычнага брацтва, якое дзейнічае пры друцкім храме Раства Прасьвятой Багародзіцы, зьявіліся фатаздымкі з вучэньняў, якія прайшлі 27–29 кастрычніка ў вайсковай частцы № 71325, што ў вёсцы Заслонава Лепельскага раёну. На фатаздымках — падлеткі ў камуфляжнай форме з «георгіеўскімі стужкамі», павязанымі ў каго на плячы, у каго на рукаве, у каго на грудзёх. Хлопцы 12–16 гадоў, а таксама й некалькі дзяўчат сфатаграфаваліся і ў танку, і падчас знаёмства з тэхнікай МНС, і на турніры па лязэртагу.
Павал Левінаў працягвае выяўляць абсурднасьць рашэньня Віцебскага гарвыканкаму аб масавых мерапрыемствах
Праваабаронца Павал Левінаў праінфармаваў Віцебскі гарвыканкам аб правядзеньні адзінаасобнага вулічнага шэсьця. У якасьці маршруту ён пазначыў дарогу ад свайго дому да крамы “Віцебскія прадукты”. І атрымаў пісьмовую забарону на падставе таго, што ня выканаў патрабаваньняў рашэньня гарвыканкаму “Аб масавых мерапрыемствах у г. Віцебску”.
У Глыбокім і Германавічах прэзэнтавалі фільм «Глыбоцкая змова»
Фільм “Глыбоцкая змова” распавядае пра дзейнасьць Саюзу беларускіх патрыётаў у першыя пасьляваенныя гады ў Глыбокім і Паставах, пра тую жорсткасьць, якую праявіла савецкая дзяржава да гэтых юнакоў і дзяўчат. На сустрэчах выступіла таксама сьпявачка Тацьцяна Грыневіч-Матафонава.
“Вялікі Божа, дай мне сілы”…
Да жыхаркі вёскі Тулава Рагажынскай Марыі Фамінічны мы зь сябрам КХП-БНФ Янам Дзяржаўцавым патрапілі досыць выпадкова, распытваючы ў вясковых мінакоў пра людзей, якія маглі б памятаць падзеі, зьвязаныя са зьнішчэньнем у Ілаўскім рове габрэяў зь Віцебскага гета. Нягледзячы на свой складаны й няпросты лёс, у свае 91 год жанчына паводзіць сябе досыць жвава, шмат чытае, піша вершы, цікава распавядае пра мінулае, добра памятае пра тыя жахлівыя часы.
Віцебскія актывісты добраўпарадкавалі месца пахаваньня ахвяр камунізму ў Паляях
Некалькі гадоў на ўзьлеску каля вёскі Паляі ствараецца самаробны мэмарыял – у памяць пра мірных жыхароў, якіх расстрэльвалі тут у 1930-50 гады. Тут усталявана некалькі крыжоў, і добраўпарадкаваньне гэтага месца стала клопатам віцебскіх актывістаў.
КДК Віцебскай вобласьці ня стаў на просьбу апазыцыянэра караць чыноўнікаў
Віцебскі абласны кіраўнік партыі БНФ Леанід Аўтухоў зьвярнуўся ў Камітэт дзяржкантролю з заявай аб прыцягненьні да адміністрацыйнай адказнасьці шэрагу службовых асоб. На думку Аўтухова, начальнік Гарадоцкага аддзелу занятасьці Галіна Сталярова і начальнік Гарадоцкага вузла паштовай сувязі Людміла Камякова парушылі яго правы і законныя інтарэсы, даўшы яму наўмысна скажоную інфармацыю. КДК распачынаць адміністрацыйны працэс у дачыненьні згаданых службовых асоб адмовіўся…
Інспэктар-мацяршчыньнік з Расонаў звольнены паводле рашэньня суду
З моманту, калі ў сеціве распаўсюдзілася відэа з Полацку, якое выклікала рэзананс, мінуў тыдзень. У ім фігуруе «цывільны» Volkswagen, за стырном якога знаходзіўся апрануты ў форму супрацоўніка ДАІ мужчына. Кіроўца змушае аўтара роліку на Mercedes спыніцца, пасьля чаго падыходзіць і зьвяртаецца да яго ў нецэнзурнай форме. Паводле слоў аўтара роліку Міхаіла, ужо ў мінулую пятніцу адбыўся суд паводле двух артыкулаў КаАП, у якасьці абвінавачанага выступаў інспэктар, які ў выніку страціў сваю пасаду.
Суд падтрымаў yлады, якія забаранілі сход у лазьні
Віцебскі праваабаронца Павал Левінаў паспрабаваў абскардзіць забарону на правядзеньне сходу за здаровы лад жыцьця ў лазьні. Аднак суд Чыгуначнага раёну Віцебску стаў на бок уладаў. Апошнія, згодна з рашэньнем суду, правільна забаранілі сустрэчу ў лазьні, бо арганізатар гэтай сустрэчы не прадставіў дамоваў на абслугоўваньне гэтага «масавага мерапрыемства», заключаныя з ЖКГ, міліцыяй і мэдыкамі. Павал Левінаў лічыць сытуацыю абсурднай.
Помнік Караткевічу ў Віцебску зьбіраюцца перанесьці, каб пашырыць дарогу
Прычына — будоўля новага Паўночнага моста, якая закране раён забудовы вуліцы Чэхава і сквэру каля плошчы Леніна. Пра пэрспэктывы пераносу распавёў Віталь Дубік, галоўны архітэктар Віцебску, адказваючы на пытаньні чытачоў газэты «Віцьбічы».