Па падазрэньні ў карупцыі затрыманыя службовыя асобы Віцебскай бройлернай птушкафабрыкі
Сьледчы камітэт Беларусі расьсьледуе крымінальную справу аб карупцыі ў дачыненьні да шэрагу службовых асобаў зь ліку адміністрацыі ААТ “Віцебская бройлерная птушкафабрыка”, паведамілі ў аддзеле інфармацыі і сувязі з грамадзкасьцю СК.
Жыхар Віцебску пра «Славянскі базар»: Адчуваеш сябе, як у акупаваным горадзе
Жыхары Віцебску скардзяцца на фэстываль «Славянскі базар» і яго гасьцей. У віцебчукоў адно жаданьне: каб хутчэй «гэтая вакханалія» скончылася. Чытач сайту charter97.org Артур Артузорын распавёў пра атмасфэру ў ягоным родным горадзе ў гэтыя дні: «Данялі гэтым мерапрыемствам! У горад ня выйсьці: усюды аўтамабілі абы-дзе калхазаны пакідаюць - і на “зэбры”, і на дзіцячых пляцоўках, двары забітыя металаломам. Шкада ім грошай на паркоўку», - піша ён.
Віцебскія прадпрымальнікі: Будуць душыць праверкамі – адновім страйк
Страйк ІП ва ўсёй Беларусі прыпынены, але можа аднавіцца ў кожны момант. Пра гэта паведаміла каардынатарка аргкамітэту ў стварэньні прафсаюзу прадпрымальнікаў «Разам» Ірына Яскевіч. Яна адзначыла, што пастанова прадпрымальнікаў Віцебску і Гародні аб прыпыненьні страйку зусім ня значыць канец іх барацьбы за свае правы, а толькі яе пераход у іншую форму.
На Пастаўшчыне бракуе вакцыны для прышчэпак маленькім дзеткам
У гарадзкім пасёлку Лынтупы на 15 дзяцей на цяперашні момант выдаткавана толькі 4 вакцыны. Бацькі хвалююцца, бо ўжо мінаюць тэрміны вакцынацыі.
Лукомальскае возера пакрылася дзіўнымі разводамі
На гарачую лінію парталу tut.by зьвярнуліся жыхары гораду Новалукомаль у Віцебскай вобласьці і распавялі пра дзіўную зьяву. Некалькі дзён таму ў вадзе Лукомскага возера (на беразе якога разьмешчаны сам горад і цеплавая электрастанцыя) зьявіліся разводы белага і зялёнага колераў, а частка берагу афарбавалася ў насычаны бірузовы колер.
Віцебская філія ТБМ просіць урад ушанаваць памяць Генадзя Бураўкіна
Віцебская абласная рада грамадзкага аб’яднаньня “Таварыства беларускай мовы імя Францішка Скарыны” зьвярнулася да прэм’ер-міністра Міхаіла Мясьніковіча і кіраўніка адміністрацыі прэзыдэнта Андрэя Кабякова з прапановай ушанаваць памяць Генадзя Бураўкіна.
У Віцебску адзначылі дзень народзінаў Марка Шагала
Традыцыйным сьвятам «У гасьцёх у Марка і Бэлы» 7 ліпеня ў Віцебску адзначылі 127-ю гадавіну з дня нараджэньня знакамітага мастака Марка Шагала. Урачыстасьці, якія праходзілі ў садзе дому-музэю мастака на Пакроўскай вуліцы, адкрыла дачка паэта і старшыні Шагалаўскага камітэту Давіда Сімановіча, які нядаўна пайшоў з жыцьця.
Аршанскія актывісты падалі заяўкі на пікеты
Адразу 3 заяўкі на правядзеньне пікетаў падалі сябры Аршанскай гарадзкой арганізацыі Аб’яднанай грамадзянскай партыі. Мэта мерапрыемстваў - актуалізацыя ў грамадзтве каштоўнасьці незалежнасьці і сувэрэнітэту дзяржавы, выказваньне салідарнасьці з украінскім народам у яго імкненьні захаваць цэласнасьць і незалежнасьць Украіны.
Ва Ўшачах адкрылася мастацкая выстава, прысьвечаная Васілю Быкаву
Выстава арганізаваная па выніках мастацкага пленэру, які нядаўна прайшоў на радзіме пісьменьніка. Адметнасьць гэтага мерапрыемства ў тым, што сёлета яно праводзілася сумесна з раённымі ўладамі. Адкрыцьцё выставы адбылося ў музэі Народнай славы. На ёй прысутнічалі прадстаўнікі раённай улады на чале з кіраўніком раёну Віктарам Родзічам, мастакі, вэтэраны, прадстаўнікі грамадзкасьці.
Доктар Пастноў рыхтуецца адзначыць юбілей Лукашэнкі
Актывіст Ігар Пастноў зьвярнуўся да кіраўніка Кастрычніцкага раёну Віцебску з просьбай дазволіць правесьці ўрачыста «мерапрыемства-пікет» у гонар 60-годзьдзя з дня нараджэньня кіраўніка Беларусі. У акцыі мяркуецца ўдзел толькі яго аднаго. Ніякіх салютаў і нават піратэхнікі ня будзе. Аднак на плякаце, зь якім плянуецца ўрачыстасьць, будуць напісаныя словы падзякі за «шчасьлівае» жыцьцё беларускага народу.