У Бешанковічах на габрэйскіх могілках урачыста адкрылі сымбалічную браму
11 лютага 1942 году ўсе габрэі бешанковіцкага гета (каля 3 000 чалавек) былі выведзеныя на другі бок Дзьвіны і расстраляныя. 11 лютага 2016 году на месцы расстрэлу адбыўся жалобны мітынг.
Віцебскія прадпрымальнікі працягваюць змагацца за свае правы
Старшыня аргкамітэту па стварэньні прафсаюзу прадпрымальнікаў «Разам» Ірына Яскевіч распавяла, што пасьля мітынгу, які адбыўся 15 лютага на Кастрычніцкай плошчы ў Менску, віцебскі прадпрымальнік Руслан Буракоў занёс у адміністрацыю Лукашэнкі выніковую рэзалюцыю агульнарэспубліканскага сходу ІП, у якой пералічаныя патрабаваньні да ўладаў для разьвязаньня праблем малога бізнэсу.
Рабочыя прадпрыемства ў Воршы дамагліся выплаты мінімальнага заробку праз страйк
Чытачы з Воршы папрасілі напісаць пра сытуацыю на аршанскім прадпрыемстве «Элект», якое належыць Беларускаму таварыству інвалідаў па зроку. 51% работнікаў там – інваліды.
Сельвыканкам прайграў суд
Бабініцкі сельскі выканкам падаў у суд на старэйшыну вёскі Стаўры за пабудаваны навес і прайграў.
Хайсы: Дыялёг уладаў з грамадзкасьцю адбыўся, пытаньні засталіся
Сябры створанай мясцовымі ўладамі камісіі па ўшанаваньні памяці абаронцаў Айчыны і ахвяраў войнаў сустрэліся з грамадзкасьцю. Сустрэча адбылася 12 лютага ў памяшканьні Мазалаўскага сельскага савету. Яна стала рэакцыяй уладаў на калектыўны зварот у выканкам Віцебскага раёну ініцыятараў стварэньня грамадзкага аб'яднаньня «Хайсы».
Пацыентка віцебскага шпіталя: У дзіцяці тэмпэратура 39,5, а ў палаце 10 градусаў цяпла
Свае ўражаньні ад наведваньня Віцебскага інфэкцыйнага шпіталя апісала на старонцы «Укантакце» адна з пацыентак: «Выклікалі хуткую - у дзіцяці тэмпэратура 39.5°. Ехала яна 2 гадзіны, забралі нас у інфэкцыйную больніцу, пра якую шмат чула. Паўтаруся, у дзіцяці тэмпэратура 39.5, а ў палаце +10, коўдры варушацца ад ветру, каля акна стаяць невыносна. Адчуваньне, што рамонту не было з самага адкрыцьця гэтай больніцы», - піша жанчына.
БСДП (Г) Віцебскай вобласьці падтрымае Ігара Маслоўскага
Сапраўдныя шэксьпіраўскія жарсьці кіпелі 7 лютага на паседжаньні Віцебскай абласной рады Беларускай сацыял-дэмакратычнай партыі (Грамада). Складвалася ўражаньне, што яго дэлегаты ідуць у апошні бой. Слоўныя сваркі абвастраліся настолькі, што, здавалася, яшчэ крыху і справа дойдзе да рукапрыкладзтва. Як распавядалі пасьля самі ўдзельнікі падзеяў, такога на іх памяці яшчэ не было.
Полацкія праваабаронцы аб’ядналіся
У Полацку 13 лютага мясцовыя юрысты і праваабаронцы падпісалі дамову аб сумеснай дзейнасьці. Праваабаронцы аб'ядналіся дзеля аказаньня бясплатнай дапамогі жыхарам Полацку. Ва ўмовах эканамічнага спаду грамадзяне ўсё часьцей маюць патрэбу ў юрыдычнай абароне сваіх правоў, але ня маюць дастаткова фінансаў, каб аплаціць паслугі юрыста.
Тацьцяна Караткевіч і Андрэй Дзьмітрыеў заклікалі віцебчукоў падтрымаць палітыку мірных перамен
Былая кандыдатка на пасаду прэзыдэнта Рэспублікі Беларусь Тацьцяна Караткевіч ды кіраўнік яе выбарчага штабу Андрэй Дзьмітрыеў 10 лютага сустрэліся ў Віцебску з актывістамі кампаніі «Гавары праўду» і зацікаўленымі ў мірных пераменах месьцічамі.
Віцебская арганізацыя партыі працы і справядлівасьці рыхтуецца да выбараў у парлямэнт
Восеньню бягучага году ў Беларусі павінны прайсьці чарговыя выбары ў Палату прадстаўнікоў Нацыянальнага сходу краіны. Рыхтуючыся да гэтай падзеі, абласныя партыйныя структуры ажывілі сваю арганізацыйную і агітацыйную працу. Сярод партыяў, якія зьбіраюцца ўдзельнічаць у электаральнай кампаніі, знаходзіцца і Рэспубліканская партыя працы і справядлівасьці.