Віцебскія ўлады працягваюць "зачыстку" культурна-асветніцкай прасторы ад недзяржаўных арганізацый
З ініцыятывы Галоўнага ўпраўлення юстыцыі Віцебскага аблвыканкама Віцебскі абласны суд 21 чэрвеня прыняў рашэнне ліквідаваць грамадскае аб'яднанне "Віцебскае музычнае таварыства". Раней улады ліквідаваны грамадскія арганізацыі культурна-асветніцкай накіраванасці: цэнтр урбаністычных праектаў і ініцыятыў «Прастора», сацыяльна-культурная ўстанова "Віцебск для мяне", сацыяльна-асветніцкая ўстанова ў галіне гісторыка-культурнай спадчыны «Уновіс-ФОРУМ», прыватная культурна-асветніцкая ўстановы «Лідар новай эпохі» і «Гендарны адказ».
Супраць затрыманага прадпрымальніка, які прыехаў з Польшчы, распачалі крымінальную справу
Барыс Элькін, затрыманы 1-га жніўня жыхар Віцебску, падаў скаргу на супроць праўныя дзеянні – ён лічыць, што яго затрымалі незаконна. Скаргу разбіраў асабіста старшыня Першамайскага райсуду Андрэй Андрушэнка, і разбор адбываўся на закрытым пасяджэнні. Праваабаронцы мяркуюць, што акалічнасці справы, распачатай супраць Барыса Элькіна, таксама будуць максімальна засакрэчаны, і не выключаюць, што яе распачалі паводле «пратэстнага» артыкула 293 (ч.1) Крымінальнага Кодэксу – «арганізацыя масавых беспарадкаў».
Жыхара Віцебску асудзілі да 4,5 гадоў калоніі за распаўсюд асабістых дадзеных сілавікоў і «масавыя беспарадкі»
У Віцебскім абласным судзе да 4,5 гадоў пазбаўлення волі ва ўмовах узмоцненага рэжыму асудзілі віцябляніна Паўла Нікіценку. У закрытым працэсе суддзя Яўген Буруноў разбіраў справу 35-гадовага супрацоўніка разліковага цэнтру, абвінавачанага адразу па 6-ці артыкулах Крымінальнага кодэксу: ч. 3 арт. 203-1 (парушэнне таямніцы перапіскі, тэлефонных перамоваў, тэлеграфных ці іншых паведамленняў), ч. 3 арт. 293 (навучанне і іншая падрыхтоўка асобаў для ўдзелу ў масавых беспарадках), арт. 342 (актыўны ўдзел у дзеяннях, якія груба парушаюць грамадскі парадак), ч. 1 арт. 361-1 (кіраўніцтва экстрэмісцкім фарміраваннем), арт. 368 (абраза Лукашэнкі) і арт. 369 (абраза прадстаўніка ўлады).
Палітвязня Паўла Вінаградава перавялі ў аршанскую калонію, дзе ўтрымліваюць хворых на сухоты
Жыхар пасёлка Беразіно Менскай вобласці, блогер і актывіст Павел Вінаградаў быў асуджаны да 5-ці гадоў пазбаўлення волі ў калоніі агульнага рэжыму. На пачатку ліпеня 2022 г.яго этапавалі ў ваўкавыскую ПК № 11, але неўзабаве ў палітвязня на рэнтгене знайшлі пляму ў лёгкіх. Ён прайшоў курс антыбіётыкаў, але гэта не прынесла плёну. 28 ліпеня 2022 г. Вінаградава перавялі ў аршанскую калонію № 12, так званую «сухотную». Паводле інфармацыі ад тых, каго там утрымлівалі, умовы ў гэтай калоніі небяспечныя для здароўя.
Працягваецца ціск на палітвязняў з боку адміністрацый калоній
Працягваюцца рэпрэсіі ў дачыненні да жыхароў Віцебскай вобласці, якія актыўна выказвалі сваю пазіцыю пад час пратэстаў 2020-2021 гадоў. Асабліва цяжка даводзіцца тым грамадзянскім актывістам, якія знаходзяцца ў месцах адбыцця пакарання.
Згодна статыстычным дадзеным на Віцебшчыне назіраецца падзенне эканамічных паказчыкаў
За першае паўгоддзе бягучага года практычна ўсе асноўныя эканамічныя паказчыкі Віцебскай вобласці аказаліся ў значнай меры ніжэйшыя, чым за той жа перыяд 2021 года. Гэтую выснову можна зрабіць пасля знаёмства з дадзенымі, апублікаванымі Галоўным статыстычным упраўленнем рэгіёна.
Затрыманы віцебскі прадпрымальнік Барыс Элькін, які ўжо некалькі год жыве ў Польшчы
Час ад часу Барыс Элькін наведваўся на радзіму, дзе ў яго засталіся сваякі. Некалькі дзён таму ён прыехаў у Віцебск. Затрыманне адбылося 1 жніўня, калі прадпрымальнік выходзіў з машыны. Дома ў яго правялі ператрус, а потым забралі і самога. Падставы затрымання дакладна не вядомыя, але Барыса Элькіна ў Віцебску ведаюць як даўняга прыхільніка дэмакратычных пераменаў.
Наваполацкага актывіста Андрэя Галавырына асудзілі чацвёрты раз запар на 15 сутак
У Наваполацкім ЦІПе ён знаходзіцца з 15 чэрвеня.Паводле апошняй пастановы суддзі Зінаіды Балаболавай, ягоны арышт мае расцягнуцца на 2 месяцы – да 14 жніўня. У гарадскім судзе Наваполацку яго чацвёрты раз прызналі вінаватым паводле арт. 19.11 КаАП – за рэпост з «экстрэмісцкага» канала. Праваабаронцам стала вядома, што два ранейшыя арышты актывісту былі прысуджаныя нават не за рэпосты, а толькі за падпіску на «экстрэмісцкія» інфармацыйныя рэсурсы.
Улады прыступілі да ліквідацыі найстарэйшай яўрэйскай грамадскай арганізацыі ў Полацкім рэгіёне
Віцебскі абласны суд 14 чэрвеня прыняў рашэнне ліквідаваць грамадскае аб'яднанне "Полацкі яўрэйскі культурны цэнтр". Без малога 30 гадоў сябры гэтай арганізацыі садзейнічалі развіццю яўрэйскай культуры. Ініцыятарам закрыцця грамадскай арганізацыі стала кіраўніцтва Упраўлення юстыцыі па Віцебскай вобласці. Такім чынам, магчыма, уладамі дадзены старт працэсу разгрому габрэйскага сацыяльна-культурнага асяроддзя на Віцебшчыне.
Жонка палітвязня Мікалая Статкевіча прапануе падтрымаць яго віншаваннямі
Дзень народзінаў у палітзняволенага апазіцыйнага палітыка будзе 12 жніўня. Мікалай Статкевіч вымушаны сустрэць сваё свята ў глыбоцкай калоніі, увогуле ж за кратамі ён знаходзіцца больш к 790 дзён. Ён быў затрыманы 31 траўня 2020 г. па дарозе на Камароўскі рынак у Мінску, дзе ён збіраўся наведаць перадвыбарчы пікет Святланы Ціханоўскай. 14 снежня 2021 г. яго асудзілі на 14 гадоў зняволення ў калоніі асаблівага рэжыму паводле ч. 1 арт. 293 Крымінальнага кодэксу («Арганізацыя масавых беспарадкаў»).