Жыхара Дуброўна вінавацяць у тым, што ён дапамагаў “палітычным” бегчы за мяжу ад пераследу
Пра затрыманне актывіста Беларускай сацыял-дэмакратычнай партыі «Грамада» і былога мытніка Мікалая Куляшова стала вядома з дяржаўных СМІ. Пра абставіны арышту па ягонай крымінальнай справе нічога не гаворыцца, але прапагандыстамі акцэнтуецца ўвага на тым, што ён дапамагаў ахвотным за грошы незаконна пераходзіць беларуска-літоўскую мяжу.
«Паліто Булаўскага зноў у шафе». Затрымалі віцебскага арт-менеджара
Вядомы віцебскі арт-менеджар і музыка Уладзімір Булаўскі мае ў Telegram акаўнт, які называецца «Паліто Булаўскага». Позна вечарам 14 снежня там з’явіўся допіс «Вітаю шаноўныя. Паліто зноў у шафе». З абмеркаванняў пад гэтым пастом вынікае, што Булаўскага забралі па справе, якую вядзе Дэпартамент фінансавых расследаванняў. Але гэтая інфармацыя ўдакладняецца.
Улады Наваполацка пачалі гуманітарнае супрацоўніцтва з сепаратыстамі з ўсходу Украіны
Упершыню ў Наваполацк 13 снежня прыбылі дзеці з горада Лісічанска, які належыць да не прызнанай міжнароднай супольнасцю самаабвешчанай дзяржавы - Луганскай Народнай Рэспублікі. Паездка арганізавана Наваполацкім гарвыканкамам ва ўзаемадзеянні з дабрачынным фондам імя Аляксея Талая. Тым самым беларускія ўлады на мясцовым узроўні прызналі суб'ектнасць ЛНР, да апошняга часу прызнанай толькі Расійскай Федэрацыі. Курыруе знаходжанне луганчан намеснік старшыні Наваполацкага гарадскога выканаўчага камітэта па сацыяльных пытаннях Андрэй Адзіначкін.
У Віцебску затрымалі траіх чалавек, якія маюць дачыненне да гастрапаба ROK’I PUB
Праваабаронцы паведамляюць пра затрыманне Іллі Кульмана і Паўла Пятруніна, заснавальнікаў паба. Вядома таксама, што сярод затрыманых ёсць чалавек па прозвішчы Ларкоў (імя ўдакладняецца), у якога дома зранку прайшоў ператрус. Жыхары Віцебску выказваюць версію, што адміністрацыю паба затрымалі за правядзенне канцэрта спявачкі, якая выступае пад псеўданімам Iva Sativa. Яе сольны канцэрт прайшоў у ROK’I PUBе 10-га снежня.
Віцебскіх дзетак агітуюць напісаць навагоднія лісты … Міністру ўнутраных справаў
На сайце ўпраўлення МУС Віцебскага аблвыканкама з’явілася паведамленне пра распачатую міністэрствам пераднавагоднюю акцыю «Ліст І.У.Кубракову» Умовы для ўдзелу наступныя: складальніку ліста мусіць быць менш за 14 гадоў, пры гэтым ён павінны быць падпісчыкам усіх сацыяльных сетак МУС. А таксама марыць стаць міліцыянтам. Арганізатары мяркуюць, што з дапамогай такой акцыі яны змогуць палепшыць імідж сілавога ведамства, які заўжды быў невысокі, а пасля рэпрэсій пасля пратэстных падзеяў 2020г. стаў практычна адмоўным.
Замест «пакаянных» відэа ГУБАЗ пачаў рабіць «агітацыйныя»
На віцебскім тэлеграм-канале сілавікоў з’явілася відэа з трыма жыхарамі Браслава, затрыманымі 7-га снежня. Паводле інфармацыі краязнаўцы Канстанціна Шыталя, у той дзень у Браславе было затрымана каля 15 чалавек. Большасць з іх адпусцілі да суду праз 72 гадзіны. Судзіць браслаўчан будуць паводле артыкула 19.11 КаАП за рэпосты з так званых «экстрэмісцкіх рэсурсаў», або наадварот – за допісы ў «экстрэмісцкія Тэлеграм-каналы».
Віцебскія суды адмаўляюцца прымяняць такі від пакарання, як папраўчыя работы
У Віцебскай вобласці за апошнія 5 гадоў колькасць разгледжаных судамі спраў аб адміністрацыйных правапарушэннях скарацілася больш як удвая. Але ў гэты час ва ўладаў пашырыўся арсенал рэпрэсіўных мераў уздзеяння на правапарушальнікаў у выглядзе пакарання ў выглядзе грамадскіх работ. Аднак гэтае пакаранне не носіць масавым характар, і яно не стала альтэрнатыўнай мерай пакарання для арышту ці штрафу.
Аршанскага праваабаронцу і журналіста аб'явілі ў міждзяржаўны вышук
Улады пашырылі тэрыторыю крымінальнага вышуку праваабаронцы і рэдактара рэгіянальнага партала horsha.eu Ігара Казмерчака. У пачатку 2022 года ён быў аб'яўлены ў вышук у межах Беларусі. Цяпер жа сілавікі спадзяюцца яго адшукаць у краінах Садружнасці Незалежных Дзяржаў, якія раней уваходзілі СССР.
У Мёрах судзяць настаўніка і краязнаўцу Вітольда Ермалёнка
Вітольд Антонавіч, настаўнік найвышэйшай катэгорыі, стваральнік некалькіх музеяў, кіраўнік музейнага абʼяднання «Спадчына Міёрскага краю», лаўрэат дзяржаўнай прэміі «За духоўнае адраджэнне», уганараваны ў 2010-м годзе званнем «Чалавек года Віцебшчыны», быў затрыманы 30-га лістапада ў Мёрах. У той дзень пасля ператрусаў было затрымана ад 11 да 13 чалавек. Затрыманні праводзіліся на Мёрскім металапракатным заводзе, а таксама сілавікі прыйшлі да некалькіх жыхароў райцэнтру. Разам з бацькам быў затрыманы і Антон Ермалёнак.
Валянціна Болбат выйшла з-за кратаў, але ў яе праблемы са здароўем і вялікі штраф
Актывістку з Верхнядзвінску затрымалі 22 лістапада, калі па Віцебшчыне пракацілася хваля ператрусаў у прыхільнікаў руху «За Свабоду». У Валянціны Болбат забралі ўсю аргтэхніку – тэлефон і два кампутары, прычым адзін – у непрацоўным стане. У Наваполацкім гарадскім аддзеле міліцыі на яе склалі некалькі адміністрацыйных пратаколаў па арт. 19.11 – за распаўсюд «экстрэмісцкіх матэрыялаў».