Адміністрацыйныя справы наваполацкіх лекараў скончылася арыштамі і штрафам
Чатырох дактароў Наваполацкай цэнтральнай гарадской лякарні 20 траўня асудзілі да розных тэрмінаў арышту па адміністрацыйных «палітычных» артыкулах, аднаго медыка пакаралі вялікім штрафам. Справы разглядала суддзя г. Наваполацка Зінаіда Балаболава.
Зарапартаваліся. Гарадоцкая газета пераблытала акцябратаў з піянерамі
Імкнучыся асвятляць усе ідэалагічныя мерапрыемствы ў рэгіёне, газета «Гарадоцкі веснік» паведаміла, што ў райцэнтры школьнікаў урачыста прымалі ў акцябраты. Але адбылося гэта ў так званы Дзень піянерскага сяброўства 19 траўня ( у СССР гэтая каляндарная дата лічылася «Днём піянерыі»). І як вынікае з фотарэпартажу, школьнікам у гэты дзень урачыста павязвалі чырвона-зялёныя гальштукі. Між тым «акцябрацкім» сімвалам лічыцца адмысловы значок, які выдаецца вучням пачатковых класаў.
Губернатар Пскоўскай вобласці заявіў аб рэзкім павелічэнні колькасці мерапрыемстваў з удзелам беларускай моладзі
Паводле інфармацыі губернатара Пскоўскай вобласці РФ Міхаіла Ведэрнікава ў 2023 годзе стала больш спроб уцягвання беларускай моладзі ў арбіту расійскіх грамадска-палітычных працэсаў. За 4 месяцы колькасць праведзеных мерапрыемстваў толькі ў Пскове з удзелам маладых беларусаў і беларусак павялічылася ў 2 разы, у параўнанні з мінулым годам. Пра гэта губернатар расказаў пад час двухдзёнага IV Форума маладзёжных выбарчых камісій, у якім прынялі ўдзел беларускія студэнты, у іх ліку і студэнты віцебскіх ВНУ.
Юля Цімафеева – Леаніду Судаленку: "Я ўдзячная за вашу працу і веру ў новую Беларусь"
З нагоды Дня палітвязняў Беларусі “Вясна“ публікуе серыю адкрытых лістоў нашым калегам у турмы. У час, калі для тысячаў зняволеных беларусаў ствараюцца штучныя перашкоды ў ліставанні з роднымі і сябрамі, гэтая акцыя павінна паказаць і беларускаму грамадству, і тым служкам рэжыму, якія выконваюць сваю брудную ролю, што ніводзін з палітвязняў не забыты, што людзі памятаюць пра ўсіх, каго ўлада пазбавіла волі за свае перакананні. Гэтым разам публікуем ліст паэткі і перакладчыцы Юлі Цімафеевай праваабаронцу, старшыні Гомельскага аддзялення ПЦ "Вясна" Леаніду Судаленку, якога асудзілі да трох гадоў пазбаўлення волі ў калоніі агульнага рэжыму.
«Гэтa Захад ваяваў супраць СССР». Расонскія былыя міліцыянты і вайскоўцы выказаліся пра Дзень Перамогі
Газета «Голас Расоншчыны» зноўку дала слова чатыром былым міліцыянтам і вайскоўцам, якіх называе экспертамі ў палітычных пытаннях. Гэтым разам удзельнікі праекта «Слово офицера» разважаюць пра адзначэнне Дня Перамогі і ўласна пра Вялікую Айчынную вайну як фактар выхавання сучаснай моладзі. Пры гэтым некаторыя выказванні з“яўляюцца мэтанакіраванай дэзінфармацыяй, а некаторыя – проста памкненнем трапіць дзяржаўнай ідэалогіі. Рэдакцыя перадае выказванні ўсіх чатырох экспертаў без праўкі, таму іхныя высновы выглядаюць часам малапісьменна, а часам і проста смешна.
Больш за тры тыдні ад зняволенага праваабаронцы Алеся Бяляцкага няма звестак
Вядома, што кіраўніка «Вясны» і нобелеўскага лаўрэата этапавалі ў канцы красавіка ў горацкую калонію № 9. Але нават афіцыйнага падцвярджэння яго знаходжання там дагэтуль няма. Тым не меньш, там пакутваюць разам з Бяляцкім, як мінімум яшчэ 10 палітзэкаў. У свой час, ў калоніі адбыў доўгі тэрмін палітвязень жыхар Віцебску Міхаіл Жамчужны.
Крызісная сітуацыя на «Полацк-Шкловалакно» як вынік "непрацуючых" санкцый
З другога паўгоддзя 2022 года на ААТ "Полацк-Шкловалакно" значна пагоршылася эканамічная сітуацыя. Гэта з-за таго, што прадпрыемства стала ахвярай уведзеных санкцый з боку развітых краін свету і несумленнай канкурэнцыі на расійскім рынку з боку профільных кітайскіх прадпрыемстваў.
Мёршчына не выканала план па замежных турыстах
Як паведамляе сайт мясцовай раёнкі mijory.by, выкананне на Мёршчыне плана па экспарце турыстычных паслуг у 2022 годзе і задачы на сёлета сталі тэмай пасяджэння міжведамаснага каардынацыйнага савета па пытаннях развіцця турызму пры райвыканкаме. Мясцовыя ўлады знаходзяцца зараз у чаканні замежных турыстаў у сувязі з прыцягненнем бязвізу.
На змену ветэранам Вялікай Айчыннай вайны ў выхаваўчай працы выклікаюць «афганцаў»
У Віцебску правялі панэльную дыскусію пра тое, як выхоўваць моладзь на прыкладах подзвігаў старэйшага пакалення. Паколькі ветэраны мінулай вайны сыходзяць, ідэалагічныя работнікі вобласці вырашылі, што цяпер вучнёўская і студэнцкая моладзь павінна сустракацца з былымі воінамі -інтэрнацыяналістамі. Прычым апошнія мусяць не чакаючы запрашэнняў з боку кіраўніцтва навучальных установаў, асабліва ВНУ, самім ініцыяваць сустрэчы з маладымі людзьмі ў межах разнастайных мерапрыемстваў патрыятычнага характару», піша гарадская газета «Витьбичи».
Ідэолагі раіліся, як супрацьстаяць «ідэалагічнай атацы, якая вядзецца на Беларусь ужо 30 гадоў»
У Медыяцэнтры Віцебскай вобласці па ініцыятыве праўладнага грамадскага аб’яднання «Патрыёты Беларусі» прайшоў «круглы стол» на тэму «Інфармацыйная бяспека». У якасці экспертаў былі запрошаны сталічныя журналісты Ксенія Лебедзева, Станіслаў Яскевіч і Юлія Арцюх. Што такога здарылася ў сусветнай палітыцы ў 1993 годзе, ні госці, ні ініцыятары імпрэзы не ўдакладнілі. Але пра ідэалагічныя атакі гаварылася шмат, прычым арганізатары былі вымушаны прызнаць, што ў 2020 годзе ні ўлады, ні праўладныя грамадскія структуры не здолелі кіраваць грамадствам, саступіўшы «ідэалагічным апанентам».