Віцебскія ўлады ліквідавалі чатыры спартыўныя грамадскія аб'яднанні
У маі рашэннем Віцебскага абласнога суда грамадскія аб'яднанне "Віцебскі гарадскі фонд дапамогі ветэранам спорту і перспектыўным спартсменам", "Віцебская абласная федэрацыя хакея", спартыўны клуб "Тыгр" (Полацк) і Віцебскі абласны парусна-маторны клуб "Агра" прымусова ўведзены ў стан ліквідацыі. Ініцыятарам знішчэння аб'яднанняў грамадзян стала кіраўніцтва Упраўлення юстыцыі Віцебскага аблвыканкама.
У Віцебску латышы пратэставалі з-за несправядлівых выбараў прэзідэнта Латвіі
Раніцай, 31 траўня, грамадзяне Латвіі, якія пражываюць і неабыякавыя віцябляне, правялі каля Консульства Латвійскай Рэспублікі ў Віцебску акцыю пратэсту. Падчас пікету, каля 15-ці яго ўдзельнікаў, выказалі незадаволенасць выбарчай сістэмай, якая існуе ў гэтай рэспубліцы. Масавае мерапрыемства прайшло без затрыманняў і складання адміністрацыйных пратаколаў.
Прайшло тры гады з моманту затрымання палітвязня Міколы Статкевіча
Сёння, 31 мая, роўна тры гады, як Мікола Статкевіч быў затрыманы. Ён ехаў на Камароўку на пікет Святланы Ціханоўскай. Амаль чатыры месяцы няма вестачкі ад асуджанага на 14 гадоў палітыка Міколы Статкевіча. Сувязь з палітыкам, які адбывае пакаранне ў глыбоцкай калоніі, перарвалася ў сярэдзіне лютага. Статкевіч паўгода быў у адзіночнай камеры, а потым, і ў ШІЗА.
Пытанні аказання матэрыяльнай дапамогі, больш танныя пуцёўкі ў санаторыі
Такія пытанні хвалюць жыхароў Верхнядзвіншчыны. З імі яны прыйшлі на прававы прыём, які ладзіўся ў "Верхнядзвінскім раённым цэнтры дзяцей і моладзі" 25 траўня.
Мінюст пазбавіў ліцэнзій двух віцебскіх адвакатаў
Кваліфікацыйнай камісіяй па пытаннях адвакацкай дзейнасці 29 траўня разгледзела пытанні спынення ліцэнзій на ажыццяўленне адвакацкай дзейнасці. Сябры камісіі прынялі рашэнне спыніць ліцэнзіі на ажыццяўленне адвакацкай дзейнасці ў дачыненні да адвакатаў Віцебскай абласной калегіі адвакатаў Аляксандра Уласевіча і Святланы Якушавай. Лецензіі спынілі ў сувязі са здзяйсненнем імі правін, не сумяшчальных са званнем адваката. На практыцы гэта амаль заўсёды азначае расправа ўладаў з адвакатамі, якія адважыліся абараніць грамадзян, абвінавачаных па палітычных артыкулах.
“Раёнкі” ўжо пачалі піярыць Андрэйчанку
Праз дзевяць месяцаў адбудуцца выбары ў Палату прадстаўнікоў і мясцовыя саветы дэпутатаў. І ўжо заўважна, шо ўлады пачалі да гэтага рыхтавацца. У раённых газетах “Веснік Глыбоччыны” і “Родныя вытокі” пачалі піярыць цяперашнага кіраўніка так званай Палаты прадстаўнікоў Уладзіміра Андрэйчанку. А ўсё таму, што ён апошнім часам пастаянна балатуецца не ў Мінску, ці нават Віцебску, а менавіта на Докшыцкай выбарчай акрузе №22, у якую ўваходзіць і Глыбоцкі раён.
Аршанец адсядзеў 10 сутак за лозунгі «Жыве Беларусь» і «Слава Украіне»
Суддзя суда Аршанскага раёна і г. Оршы Мікалай Драгуноў 18 траўня пастанавіў арыштаваць на 10 сутак Алега Масальскага за нібыта праведзены пікет. Падчас пікету ён выкрыкваў лозунгі “Жыве Беларусь” і “Слава Украіне”.
Мірсалімава прапануе размясціць на білбордах «российских героев СВО» замест надпісаў па-беларуску
Віцебская апалагетка «русского мира» Эльвіра Мірсалімава лічыць, што беларусаў трэба прыцягваць да вайны ва Ўкраіне «у аблегчаным варыянце». Заявіўшы, што расейскае кіраўніцтва, напэўна, мае свае рэзоны, калі не патрабуе непасрэднага ўдзелу Беларусі ў так званай «СВО» - «Специальной военной операции», яна прапануе мясцовым чыноўнікам ўсё ж такі арганізаваць пэўныя захады, «каб беларускае грамадства не скатвалася ў антырасейскую рыторыку». Ідэя размясціць на білбордах партрэты расейскіх вайскоўцаў, якія ваююць ва Ўкраіне, «замест бясконцых бела-чырвоных арнаментаў і надпісаў «Мама =мова» далёка не адзіная. Але чым далей сягаюць фантазіі Мірсалімавай, тым больш смешна выглядаюць яе спробы прасоўваць «русский мир» у Віцебску.
Пастара з Новалукомля суд паўторна арыштаваў на 15 сутак
Суддзя суда Чашніцкага раёна Ірына Кручыніна 12 траўня разгледзела адміністрацыйную справу ў дачыненні да пастара евангельскай царквы г. Новалукомль Аляксандра Зарэцкага. І за распаўсюд «экстрэмісцкіх» матэрыялаў у сацыяльных сетках, пакарала яго арыштам на 15 сутак. Раней, 21 красавіка, тая ж суддзя арыштавала пастара на той жа тэрмін па ч.2 арт. 19.11 (Распаўсюджванне, інфармацыйнай прадукцыі, якая змяшчае заклікі да экстрэмісцкай дзейнасці) КаАП.
У Віцебску абмяркоўваюць магчымасць дэкамунізацыі мясцовых назваў
Дыскусія распачалася пасля апошняга суботніка, падчас якога было абвешчана добраўпарадкаванне гарадскога Парку імя 30-годдзя ВЛКСМ. Як высветлілася, многія гараджане нават не ведалі, што пляцоўка за басейнам «Камсамолец», засаджаная рэдкімі дрэвамі – гэта і ёсць парк. Ужо не кажучы пра тое, што не ўсе віцябляне-сучаснікі памятаюць, што такое ВЛКСМ. Ідэю добраўпарадкавання землякі ўхвалілі, бо ў так званым парку няма нават лавачак – не тое што забаўляльных атракцыёнаў. Простай магчымасці прагуляцца тут таксама няма: сцежкі з выбоінамі, сходы да Дзвіны вышчарбленыя, а таму гэтае месца даўно стала прывабным для аматараў алкаголю, а не здаровага ладу жыцця. А калі ўжо наводзіць парадак, то ці не пачаць з назвы?