Катэгорыя: Вясна

23 чэрвеня Прэзідыўм Мінскага гарадскога суда разглядзеў пратэст пракурора Мінска аб змякчэнні прысуду 21-гадоваму палітвязню Антону Лакішыку, якім яго асудзілі на тры гады калоніі за штуршок супрацоўніка АМАПу (арт. 364 Крымінальнага кодэкса) на акцыі 14 чэрвеня. Пракурор прасіў зменшыць тэрмін пазбаўлення волі палітвязню з трох да двух гадоў калоніі. Пратэст у судзе падтрымліваў першы намеснік пракурора горада Мінска Аляксандр Карповіч. Але Прэзідыўм не прыслухаўся да пратэсту пракурора і не задаволіў пратэст. Але ў гэтым жа паседжанні Антону пералічылі тэрмін адбыцця пакарання згодна з апошнімі зменамамі ў Крымінальны кодэкс. Такім чынам, 129 дзён Антона ў СІЗА ператварыліся ў 193,5 дзён у калоніі агульнага рэжыму. Атрымліваецца, што 21-гадовы палітвязень агулам адбыў 328,5 дзён з прысуджаных трох гадоў пазбаўлення волі. Суд Цэнтральнага раёна 18 лістапада асудзіў Антона Лакішыка за напад на АМАПаўца Яўгена Дудкіна 14 ліпеня на Нямізе да трох гадоў калоніі. Хлопец уступіў у патасоўку з АМАПаўцам, калі тыя пачалі выхопліваць і затрымліваць пратэстоўцаў, калі апошнія сталі ў счэпку. Антона затрымалі 23 ліпеня на працы і абралі меру стрымання – утрыманне пад вартай. 21-гадовы хлопец прабыў у СІЗА №1 у Мінску каля двух месяцаў – да 8 верасня. Антона выпусцілі на волю, змяніўшы яму стрымання на падпіску аб нявыездзе. У суд Антон прыходзіў самастойна. Але негледзячы на тое, што супрацоўнік мінскага АМАПу пасля патасоўкі з Антонам не атрымаў цялесных пашкоджанняў і не звяртаўся ў медыцынскія ўстановы, яму кампенсаваная маральная шкода ў тысячу рублёў, хлопец цалкам прызнаў сваю віну, яму прызначылі тое пакаранне, якое прасіў пракурор. Антона арыштавалі ў залі суда.

Катэгорыя: Вясна

У судзе Жодзіна адбыўся разгляд крымінальнай справы аб пратэстных малюнках, нанесеных на прыпынку горада. Абвінавачаным па артыкуле 341 Крымінальнага кодэкса ("Апаганьванне збудаванняў і псаванне маёмасці") мясцовым жыхарам Юрыю Шастко і Яўгену Грыбу прысудзілі буйныя штрафы. Справу разглядаў суддзя Іван Грыневіч, бок дзяржабвінавачання прадстаўляў памочнік пракурора Павел Будзько. "Вясна" з дапамогай валанцёраў вяла маніторынг судовага працэсу. Абвінавачаныя інжынер-тэхнолаг Юрый Шастко і экспедытар Яўген Грыб, якія абодва маюць дваіх дзяцей, да суда знаходзіліся на волі пад падпіскай аб нявыездзе.

Катэгорыя: Вясна

У судзе Ленінскага раёна горада Гродна 22 чэрвеня пачалося разбіральніцтва па крымінальнай справе ў дачыненні да Таццяны Кашко. Яе абвінавачваюць у артыкуле 369 КК РБ (абраза прадстаўніка ўлады) у дачыненні да Віктара Стасюкевіча (намесніка начальніка грамадскай бяспекі УУС Гарадзенскага аблвыканкама). Суддзя Пятрова праігнаравала патрабаванне Таццяны весці працэс на беларускай мове; дзяржабвінаваўца Шчарбіна спрабавала даказаць, што Кашко добра валодае расейскай мовай, а экспертыза абразы праведзеная тым, хто "лічыць беларускую мову недамовай". "Вясна" прыводзіць падрабязнасці першага судовага пасяджэння над Таццянай. У самым пачатку судовага працэсу, падчас устанаўлення судом асобы абвінавачанай Таццяна адразу заявіла, што не разумее рускую мову і хадайнічала аб вядзенні пасяджэння на беларускай.

Катэгорыя: Вясна

Ілюстрацыйны здымак У Гомельскім абласным судзе 22 чэрвеня пачаўся разгляд крымінальнай справы ў дачыненні да Сяргея Цярэшчанкі, якога абвінавачваюць у распальванні іншай сацыяльнай варожасці паводле арт. 130 Крымінальнага кодэкса.

Катэгорыя: Вясна

Будынак суда ў Бабруйску Суд Бабруйскага раёна і г. Бабруйска разгледзеў справу 55-гадовага Сяргея Шашко, якога абвінавачвалі па артыкуле 369 Крымінальнага кодэкса. Суддзя Васіль Галкоўскі спыніў вытворчасць па крымінальнай справе. Прычына – ўступленне ў сіду заканадаўчага акта, які ліквідуе каральнасць дзеі. Грамадзянскі пазоў аб абароне гонару, годнасці і дзелавой рэпутацыі і спагнанні маральнай шкоды суддзя пакінуў без разгляду, у сувязі са спыненнем вытворчасці па крымінальнай справе.

Катэгорыя: Вясна

Праваабарончы цэнтр "Вясна" 23 чэрвеня працягвае збіраць факты палітычнага пераследу па ўсёй краіне. Грамадзян забіраюць з дома, затрымліваюць на працы і на вуліцы, адбываюцца ператрусы і допыты, заводзяцца новыя палітычна матываваныя крымінальныя справы, працягваецца ціск на палітвязняў. Улады ўзмацняюць розныя формы ціску і рэпрэсій на людзей за іх актыўную грамадзянскую пазіцыю.  Калі вас ці вашых блізкіх затрымалі, паведамляйце нам:

Катэгорыя: Вясна

Cуд Фрунзенскага раёна Мінска 23 чэрвеня вынес прысуд 53-гадоваму Мікалаю Дзенісевіча за падзеі 18 кастрычніка мінулага года ў Мінску на "Партызанскім маршы". Мужчыну абвінавацілі па трох артыкулах Крымінальнага кодэкса: ч. 1 арт. 342 (актыўны ўдзел у дзеяннях, якія груба парушаюць грамадскі парадак); ч. 1 арт. 218 (наўмыснае пашкоджанне маёмасці); арт. 364 (пагроза ўжывання гвалту ў дачыненні да супрацоўніка органаў унутраных спраў). Мікалая абвінавацілі ў закідванні камянямі, кавалкамі асфальту і іншымі прадметамі на Партызанскім праспекце, 81 службовых транспартаў сілавікоў Mercedes-Benz sprinter, у якіх знаходзіліся супрацоўнікі "Алмаза". Гэтыя дзеянні мужчыны кваліфікавалі як пагрозы прымянення гвалту да сілавікоў і пашкоджанне маёмасці на 5 728 беларускіх рублёў. Пацярпелымі па справе выступалі 13 супрацоўнікаў "Алмазу", але на судзе былі дапытаныя толькі трое з іх – у балаклавах і са змененымі прозвішчамі. Дзенісевіч на судзе віну прызнаў у поўным аб'ёме, аднак патлумачыў, што ён зрабіў два сімвалічныя кідкі ў бусы з сілавікамі, якія з'язджалі, каб "прыцягнуць увагу і паказаць узровень свайго абурэння празмерным ужываннем гвалту ў дачыненні да мірных пратэстоўцаў". У выніку суддзя Дзмітрый Лукашэвіч асудзіў мужчыну да чатырох гадоў калоніі агульнага рэжыму. Менавіта такое пакаранне запрашвала памочніца пракурора Валерыя Таратынка. "Вясна" назірала за судом і распавядае абставіны гэтай справы. Мікалая Дзенісевіча затрымалі 23 кастрычніка на 72 гадзіны. Пасля заканчэння тэрміну яго адпусцілі на волю пад падпіску аб нявыездзе. Але 21 красавіка мужчыну зноў затрымалі і заключылі пад варту.

Катэгорыя: Вясна

Палітзняволены праваабаронца "Вясны" Леанід Судаленка ўтрымліваецца за кратамі ў гомельскім СІЗА-3 ужо пяць месяцаў. Папярэдняе следства па ягонай справе скончанае – цяпер ён знаёміцца з 77-томнымі матэрыяламі справы. Леанід распавёў з СІЗА калегам, што яму канкрэтна ставіцца ў віну па частках 1 і 2 артыкула 342 Крымінальнага кодэксу (арганізацыя і фінансаванне дзеянняў, якія груба парушаюць грамадскі парадак), і каментуе абвінавачванні следства ў адносінах да сябе. "Працягваю знаёміцца з матэрыяламі справы, новага для сябе нічога не выявіў, усе сказалі праўду, як усё на самай справе і адбывалася. Памочніцы мае [Таццяна Ласіца і Марыя Тарасенка] таксама нічога не прыупрыгожылі, усё як ёсць. Яны абодва таксама абвінавачаныя. Адна [Таццяна Ласіца] тут, дзе і я, другая [Марыя Тарасенка] – на падпісцы. Абедзве па другой частцы ідуць [ч.2 арт. 342 КК]", – піша праваабаронца.

Катэгорыя: Вясна

Зала Савета па правах чалавека. Фота: un.org 21 чэрвеня ў Жэневе распачалася 47-ая сесія Савета па правах чалавека ААН, якая працягнецца да 9 ліпеня.

Катэгорыя: Вясна

Праваабарончы цэнтр "Вясна" 22 чэрвеня працягвае збіраць факты палітычнага пераследу па ўсёй краіне. Грамадзян забіраюць з дома, затрымліваюць на працы і на вуліцы, адбываюцца ператрусы і допыты, заводзяцца новыя палітычна матываваныя крымінальныя справы. Улады ўзмацняюць розныя формы ціску і рэпрэсій на людзей за іх актыўную грамадзянскую пазіцыю.  Калі вас ці вашых блізкіх затрымалі, паведамляйце нам: