Катэгорыя: Вясна

Андрэй Навіцкі. Скрын з ютуб-канала мужчыны "Шляхам ісціны" 30 верасня ў судзе Ленінскага раёна Мінска вынеслі прысуд 40-гадоваму Андрэю Навіцкаму. Яго прызналі вінаватым паводле адразу трох артыкулаў Крымінальнага кодэкса — арт.368, арт.295 і арт.342 і прысудзілі да пяці гадоў пазбаўлення волі ў калоніі ўзмоцненага рэжыму: шляхам частковага складання пакаранняў два гады калоніі — паводле арт.342 КК, два гады калоніі — паводле арт.368 КК, тры гады калоніі —  паводле арт.295 КК без штрафа. Сума судовых выдаткаў на экспертызы склала 392 79 капеек. Пазоў Мінсктранса можа быць разгледзены ў асобнай грамадзянскай вытворчасці. 

Катэгорыя: Вясна

Кірыл Чарткоў. Суд Ленінскага раёна Мінска 30 верасня вынес прысуд па крымінальнай справе палітвязня  Кірыла Чарткова, якога абвінавацілі у арганізацыі або актыўным ўдзеле у групавых дзеяннях, што груба парушаюць грамадскі парадак (арт. 342 КК РБ).

Катэгорыя: Вясна

Праваабарончы цэнтр "Вясна" працягвае збіраць факты палітычнага пераследу ў Беларусі за чацвер, 30 верасня. Грамадзян, па-ранейшаму, затрымліваюць, праводзяць ператрусы, ціснуць на палітвязняў і ўжываюць іншыя формы ціску за іх актыўную грамадзянскую пазіцыю і незадаволенасць дзеяннямі ўлады. Калі вас ці вашых блізкіх затрымалі, паведамляйце нам:

Катэгорыя: Вясна

Максім Ялканаў. Першы раз Максім Ялканаў быў асуджаны судом Цэнтральнага раёна Гомеля 18 чэрвеня за арганізацыю групавых дзеянняў, якія груба парушаюць грамадскі парадак, спалучаныя з яўным непадпарадкаваннем патрабаванням прадстаўнікоў улады (арт. 342 КК РБ).

Катэгорыя: Вясна

Суд Савецкага раёну Гомеля 29 верасня разглядае крымінальную справу ў дачыненні да Юрыя Прахарэнкі, якога вінавацяць адразу па трох артыкулах Крымінальнага кодэксу: арт. 369 (абраза прадстаўніка ўлады), арт. 391 (абраза суддзі або народнага заседацеля) і арт. 368 (абраза прэзідэнта Рэспублікі Беларусь).

Катэгорыя: Вясна

Палітзняволенаму Ігару Банцару змянілі рэжым з «хіміі» на папраўчую калонію: 29 верасня яго асудзілі да 1 месяца і 25 дзён калоніі. Такога рашэння дамаглася адміністрацыя папраўчай установы адкрытага тыпу №9 Віцебска, дзе мужчына адбывае пакаранне па арт. 339 Крымінальнага кодэкса з 17 чэрвеня. Суддзя Алексіенка абвінаваціла палітвязня ў парушэнні правілаў адбывання пакарання на «хіміі». Суд быў выязны, праходзіў у будынку папраўчай установы адкрытага тыпу № 9 Віцебска. Паседжанне праходзіла фактычна ў закрытым рэжыме. Дзяржаўнае абвінавачванне падтрымліваў Краўцоў, піша "Радыё Свабода". Суд вырашыў змяніць яму рэжым утрыманьня на больш жорсткі пасля некалькіх парушэнняў. Адміністрацыя выставіла прэтэнзіі Банцару за шэсць эпізодаў. Сярод іх: заснуў на стуле, не пагаліўся, не выканаў каманду «адбой». Адміністрацыя лічыць, што гэтага дастаткова, каб замяніць Банцару абмежаванне волі на пазбаўленне волі. Ігар лічыць прэтэнзіі адміністрацыі палітычным ціскам.

Катэгорыя: Вясна

Роўна год таму, 29 верасня 2020 года, ў Беларусі быў вынесены першы палітычна матываваны прысуд за падзеі, звязаныя з прэзідэнцкай выбарчай кампаніяй. У той дзень у судзе Маладзечанскага раёна Паўла Пяскова і Уладзіслава Еўсцігнеева асудзілі па ч. 2 арт. 363 Крымінальнага кодэкса за супраціў супрацоўнікам АМАПу падчас патасоўкі з сілавікамі на акцыі 19 чэрвеня, на якой АМАПавец дастаў пісталет. Суддзя Вікторыя Паляшчук пакарала іх пазбаўленнем волі ў калоніі агульнага рэжыму: Паўла Пяскова — на тры гады і тры месяцы, а Уладзіслава Еўсцігнеева — на тры гады. Цяпер Павел адбывае пакаранне ў бабруйскай калоніі, а Уладзіслаў — у навапалоцкай. 29 верасня мінулага году колькасць палітзняволеных у Беларусі складала 73 чалавекі, за год гэтая колькасць узрасла амаль у дзесяць разоў. Колькі чалавек асудзілі па крымінальных "пратэсных" артыкулах, колькі адправілі ў калоніі, самыя суровыя прысуды за год — "Вясна" прыводзіць лічбы крымінальнага палітычнага пераследу за год. На працягу гэтага года асноўным відам рэпрэсій стаў крымінальны пераслед грамадзян, якія адкрыта выказалі сваю грамадзянскую пазіцыю і нязгоду з уладай. Дагэтуль штодзённа па ўсёй Беларусі працягваецца хваля затрыманняў па крымінальных справах, распачатых у сувязі з рэалізацыяй грамадзянамі сваіх асноўных правоў і свабод падчас прэзідэнцкай выбарчай кампаніі летась. Усяго, па дадзеных сілавых ведамстваў, са жніўня 2020 года ў Беларусі распачалі 4691 крымінальных справаў у сувязі з падзеямі, звязаных з акцыямі пратэсту.

Катэгорыя: Вясна

У межах кампаніі салідарнасці #WeStandBYyou, арганізаванай нямецка-швейцарскай праваабарончай суполкай Libereco, сімвалічныя "хросныя" з’явіліся ў беларускіх палітвязняў Паўла Мазько, Марыны Золатавай, Уладзіміра і Надзеі Калачоў, Дзмітрыя Панько, Уладзіслава Макавецкага, Пятра і Юлію Марчанак, Алены Талкачовай і Міхаіла Феранца. catherine-ardagh.jpg

Катэгорыя: Вясна

Кірыл Чарткоў. Суд Ленінскага раёна Мінска 29 верасня пачаў разгляд крымінальнай справы Кірыла Чарткова, якога вінавацяць у арганізацыі або актыўным ўдзеле у групавых дзеяннях, што груба парушаюць грамадскі парадак (арт. 342 КК РБ).

Катэгорыя: Вясна

Праваабарончы цэнтр "Вясна" працягвае збіраць факты палітычнага пераследу ў Беларусі за сераду, 29 верасня. Грамадзян, па-ранейшаму, затрымліваюць, праводзяць ператрусы, ціснуць на палітвязняў і ўжываюць іншыя формы ціску за іх актыўную грамадзянскую пазіцыю і незадаволенасць дзеяннямі ўлады. Калі вас ці вашых блізкіх затрымалі, паведамляйце нам: