Докшыцы і Глыбокае

Раніцай, 22 ліпеня, у Докшыцах сілавікі прыйшлі з ператрусам да Юрыя Стадольніка. Прычыны зацікаўленасці сілавікоў мясцовым жыхаром пакуль невядомыя.

У Глыбокім Кіру Кісялёву выклікалі ў аддзел крымінальнага вышуку Глыбоцкага РАУС.

Сілавікі правялі ператрус ва ўласным доме ў журналісткі-фрылансера Таццяны Смоткінай. У выніку, у яе забралі тэлефон і сістэмны блок кампутара. Працэсуальныя мерапрыемствы праводзіліся ў межах крымінальнай справы па першай частцы артыкула 130 КК РБ - распальванне рэлігійнай, сацыяльнай няроўнасці і варожасці. Справу вядуць работнікі мясцовай міліцыі.

Полацк

21 ліпеня ператрус адбыўся ў старшыні рэвізійнай камісіі Свабоднага прафсаюза ААТ Полацк-Шкловалакно Віктара Стукава ў Полацку. Сілавікі забралі мабільны тэлефон, але Віктара не затрымлівалі для вытворчасці следчых дзеянняў.

Віцебск

Таксама, 21 ліпеня, сілавымі структурамі былі праведзеныя шэсць ператрусаў у гарадскіх актывістаў грамадзянскай супольнасці, якія, магчыма, бралі ўдзел ў працы мясцовага тэлеграм-канала.

Падрыхтаваў Віталь Кажух