Таксісты былі затрыманыя ў адным з дамоў на вуліцы Яронькі ў Наваполацку. Падчас агляду ў іх было знойдзенае і канфіскаванае рэчыва вагой 1,95 грамы. Як паказала экспэртыза, гэтае рэчыва зьяўляецца асабліва небясьпечным наркатычным сродкам «Альфа-PVP».
У дачыненьні затрыманых кіроўцаў, аднаму зь якіх 33, а другому – 32 гады, сьледчыя ўжо распачалі крымінальную справу.
«Праводзяцца далейшыя мерапрыемствы з мэтай высьвятленьня каналу пастаўкі наркотыку», – паведамляюць у аддзяленьні інфармацыі і грамадзкіх сувязяў УУС Віцебскага аблвыканкаму.