Сьмецьцевы палігон пад Віцебскам будзе дзейнічаць да 2025 году – як мінімум
Палігон цьвёрдых камунальных адкідаў пад Віцебскам (в. Агароднікі) будзе выкарыстоўвацца яшчэ як мінімум 8 гадоў. Гэта вынікае з адказу ўпраўленьня ЖКГ Віцебскага аблвыканкаму на калектыўны зварот жыхароў Віцебску наконт будаўніцтва сьмецьцесартавальнага заводу на пляцоўцы палігону. Адказ быў дасланы віцебскай актывістцы і каардынатарцы БХД Тацяне Севярынец.
Дзень правоў чалавека ў Віцебску: дыскусія сярод журналістаў
10 сьнежня, у 69-ю гадавіну прыняцьця Генэральнай асамблеяй ААН Сусьветнай дэклярацыі правоў чалавека, у Віцебску распачаўся двухдзённы сэмінар, прысьвечаны бясьпецы журналістаў. Удзельнікі сэмінару – прадстаўнікі ня толькі абласнога цэнтру, але і Аршаншчыны, Полацку, Гарадка – у такі дзень не маглі не закрануць тэму парушэньня правоў чалавека на Беларусі.
Бешанковічы: Талака на папялішчы магла б сабраць больш людзей
Трагедыя, якая напаткала сям’ю вядомага сярод нацыянальна арыентаваных беларусаў прадпрымальніка зь Бешанковічаў Уладзімера Рамановіча, не пакінула абыякавымі грамадзкасьць. Людзі пералічвалі на заяўленыя рахункі грошы і прапаноўвалі іншыя віды дапамогі. А мясцовая ўлада выдзеліла 50 кубамэтраў лесу на корані. А ў нядзелю, 3 сьнежня, усе запрашаліся на талаку...
“Быў! Ёсьць! Буду!” Віцебчукі павіншавалі з народзінамі Ўладзімера Караткевіча
У нядзелю, 26 лістапада, жыхары Віцебску віншавалі з народзінамі славутага беларускага пісьменьніка Ўладзімера Караткевіча. Да помніка паэту ў Віцебску прыходзілі з кветкамі, вершамі і цёплымі словамі падзякі. Ускладаньне кветак здалёк фіксавалі на відэакамэру супрацоўнікі міліцыі ў цывільным, але да Караткевіча не набліжаліся…
Віцебскі гарвыканкам: Будаўніцтва помніка княгіні Вользе плянуецца за кошт пазабюджэтных сродкаў
Віцебскія актывісты атрымалі адказ з гарвыканкаму на электронны зварот, у якім выказалі сумневы наконт мэтазгоднасьці ўсталяваньня ў горадзе помніка княгіні Вользе. Асноўныя аргумэнты грамадзян: праект вымагае вялізных выдаткаў, да таго ж галоўная роля княгіні Вольгі ў заснаваньні Віцебску аспрэчваецца гісторыкамі.
Дыялёг улады з грамадзкасьцю: чыноўнікі сустрэліся з актывістамі БХД
4 кастрычніка ў Віцебскім гарвыканкаме адбылася сустрэча актывістаў з шэрагам кіраўнікоў гарадзкіх службаў, а ня толькі з намесьнікам старшыні Віцебскага гарвыканкаму Сяргеем Саглаевым, да якога яны запісаліся на прыём.
Ці выступіць Віктар Каліна ў Віцебску? Адкажа пракуратура
Як мяркуюць віцябляне, дзейнасьць расейскага артыста супярэчыць нацыянальным інтарэсам РБ і мае ўсе прыкметы распальваньня міжнацыянальнай варажнечы. 4 кастрычніка грамадзяне зьвярнуліся з адпаведнай заявай у пракуратуру. Канцэрт Каліны ў горадзе заплянаваны на 23 кастрычніка.
Праваабаронца распавёў удзельніцам клюбу жаночага лідэрства пра пэнітэнцыярную сыстэму
20 траўня адбылося чарговае паседжаньне міжпартыйнага клюбу жаночага лідэрства Віцебшчыны. Пэнітэнцыярная сыстэма Беларусі, умовы ўтрыманьня, як сябе паводзіць, калі затрымалі – пра гэта распавёў слухачам праваабаронца Леанід Сьвецік.
Улады Віцебскага раёну лічаць несвоечасовым усталяваньне крыжоў у Хайсах
Сустрэча прадстаўнікоў улады з грамадзянамі, якія выказалася за ўсталяваньне памятных крыжоў на месцы масавых пахаваньняў ля вёскі Хайсы і падпісаліся за гэта пад зваротам да старшыні аблвыканкаму, адбылася ў залі Мазалаўскага сельскага выканкаму 31 траўня.
Віцебск: грамадзяне падтрымалі чарговую ініцыятыву БХД
Сябры аргкамітэту па стварэні партыі «Беларуская хрысьціянская дэмакратыя» завяршылі збор подпісаў пад зваротам да гарадзкіх уладаў наконт неабходнасьці пашырэньня паркоўкі ў раёне Віцебскага кардыялягічнага цэнтру.