Раённыя газеты Віцебшчыны заняліся піярам армейскай службы
Адразу ў некалькіх рэгіянальных выданнях з’явіліся артыкулы пра тое, наколькі сёлетнія навабранцы задаволеныя службай у арміі. «Настрой ва ўсіх хлопцаў выдатны, усім задаволены», - піша бешанковіцкая «Зара» пра маладых жыхароў раёна, якім даводзіцца служыць у 103-й Віцебскай паветрана-дэсантнай брыгадзе. -- «Кожны з іх чакаў прызыву, таму займаюцца ахвотна, імкнуцца засвоіць праграму ў поўным аб’ёме».
Прыжыццёвую мемарыяльную дошку ўсталявалі кіраўніку вайсковага-патрыятычнага клуба ў Оршы
Ды 35-годдзя клуба «Русічы» на будынку аршанскага каледжа прафесіянальна-тэхнічнага каледжа з“явіліся адразу 4 мемарыяльныя дошкі. Адна ў гонар самога клуба, створанага ў 1988 годзе, а тры астатнія – у гонар ініцыятараў яго стварэння, ветэрана Вялікай Айчыннай вайны Васіля Ермалаева, выкладчыка гісторыі , краязнаўцы Аляксандра Кудзіна і ўласна стваральніка «Русічаў» Рыгора Шарая. Апошні з іх кіруе клубам да сённяшняга дня, хаця мясцовых жыхароў вельмі дзівіць тая акалічнасць, ўшто мемарыяльную дошку ўсталявалі жывому чалавеку.
Падлеткаў з Полаччыны на 10 дзён «забралі ў войска». Дзеля выхавання патрыятызму
Выхаванцы вайскова -патрыятычных клубаў «Сокал»( Наваполацк) і «Рубеж» (Полацк) 10 дзён правялі ў адмысловым летніку на базе в/ч 5530. І гэта былі «умовы, максімальна набліжаныя да вайсковай службы», піша наваполацкая «Новая газета», называючы падлеткаў «юнымі патрыётамі». Выданне культывую папулярную сёння ідэалагічную падмену паняццяў: за «патрыятызм» выдаецца ўдзел у занятках па абыходжанні са зброяй і фізічнай падрыхтоўцы. Хаця да сапраўднай любові да Радзімы ўсё гэта мае вельмі ўскоснае дачыненне.
У Віцебскай вобласці стартаваў вясновы вайсковы прызыў. Аднак праблема з “ухілістамі” стала вастрэй
Усяго падчас вясновага прызыву рады Узброеных Сіл і іншых воінскіх фарміраванняў папоўняць каля 1,5 тыс. прадстаўнікоў Віцебшчыны. Плануецца, што з абласнога цэнтра і Віцебскага раёна надзенуць ваенную форму каля 500 прызыўнікоў. Аднак з кожным прызывам расце колькасць маладых людзей, хто не жадае служыць у беларускім войску.
У Віцебскай вобласці пачасціліся выпадкі ўхілення ад прызыву на вайсковую службу
За няпоўныя 3 месяцы бягучага месяца 2023 года судамі Віцебскай вобласці было асуджана не менш за 20 маладых жыхароў рэгіёну па ч.1 арт. 435 (Ухіленне ад мерапрыемстваў па прызыву на вайсковую службу) КК РБ. Нягледзячы на тое, што ў апошнія гады судовая статыстыка па прысудах у дачыненні да "ўхілістаў" не публікуюцца, але як паказвае маніторынг, падобныя спрвы суды разглядаюць прыкметна часцей.
У Глыбокім напярэдадні 23 лютага ўлады стварылі ваенны клуб «Северный»
У Глыбоцкім гарадскім Доме культуры напярэдадні 23 лютага адбылося мерапрыемства, прысвечанае стварэнню ваенна-патрыятычнага клуба "Северный". Як піша “Веснік Глыбоччыны”, гэта быццам моладзевае патрыятычнае фармаванне, але акрамя навучэнцаў устаноў адукацыі горада, туды ўвайшлі іх бацькі, сябры і аднакласнікі, а таксама ваеннаслужачыя кантрактнай службы 2-га асобнага стралковага батальёна в/ч 5524, які абслугоўвае глыбоцкую калонію асаблівага рэжыму №13, на базе якога і створаны гэты клуб. Кіраўніком клуба стаў намеснік камандзіра 2-га асобнага стралковага батальёна па ідэалагічнай працы маёр Расціслаў Сабыніч.
Віцяблян папярэдзілі пра вучэнні на палігоне «Лосвіда». Праз 4 месяцы ад пачатку
З восені мінулага году на палігоне вайсковай часткі 52287 размясціліся падраздзяленні вайскоўцаў з Расеі, якія прыбылі ў Беларусь на супольныя вучэнні. Наяўнасць расейскіх салдат у прыгараднай зоне ўжо даўно не з’яўляецца сакрэтам для віцяблян: людзей у чужой вайсковай форме можна сустрэць у горадзе, яны ходзяць па крамах, звяртаюцца ў мясцовыя паліклінікі, дый практычна любы таксіст раскажа, што вазіў на Лосвіда «у госці» расейскіх сваякоў, якія прыязджаюць адведаць вайскоўцаў.
Крымінальная справа за відэаздымкі вайсковай тэхнікі на Аршанскім вакзале
Аршанскі міжраённы аддзел Следчага камітэту распачаў крымінальную справу супраць 26-гадовага хлопца, які зняў на відэа эшалон вайсковай тэхнікі. Пасля таго, як гэтае відэа з’явілася ў інтэрнэце, жыхара Оршы затрымалі за садзеянне экстрэмісцкай дзейнасці, і паводле ч.1 арт.361-4 Крымінальнага Кодэксу яму пагражае да шасці гадоў пазбаўлення волі. Пра гэты інцыдэнт, не называючы імя фігуранта крымінальнай справы, паведаміла дзяржаўная віцебская гарадская газета «Віцьбічы», надрукаваўшы нататку афіцыйнай прадстаўніцы УСК па Віцебскай вобласці Аксаны Лазько.
За жаданне «адкасіць» ад службы ў войску прызыўнікоў пакаралі штрафамі і пазбаўленнем волі
У кастрычніку суды Віцебскай вобласці асудзілі як мінімум 6 маладых мужчын да розных крымінальных пакаранняў па ч.1 арт. 435 (Ухіленне ад мерапрыемстваў па прызыве на вайсковую службу) КК РБ. Усе асуджаныя прызналі сваю віну ў поўным аб'ёме і раскаяліся ў зробленым.
Сяржант збіў радавога і за гэта суд пазбавіў яго волі на тры гады
Суддзя суда Лепельскага раёна Дзмітрый Васюк 21 кастрычніка ў памяшканні клуба вайсковай часці 71327 (19-й асобнай гвардзейскай механізаванай брыгады) ў адкрытым судовым пасяджэнні вынес прысуд у дачыненні да сяржанта В., які збіў падпарадкаванага яму салдата - радавога Г. Следства кваліфікавала дзеянні малодшага камандзіра ў рамках ч.2 арт.455 (Злоўжыванне ўладай, бяздзейнасць улады або перавышэнне ўлады) КК Рэспублікі Беларусь. Суд палічыў злачынства даказаным і прызначыў В. пакаранне ў выглядзе пазбаўлення волі тэрмінам на 3 гады, а таксама пазбавіў падсуднага воінскага звання "сяржант".