У Глыбокім жыхары 5 гадоў чакаюць абяцанага рамонту дарогі
Вуліца Камарова зусім невялікая, на ёй усяго каля 20-ці дамоў. Палова дарогі ўяўляе сабою даволі круты ўхіл. Штогод дарогу пасыпаюць жвірам, дажджавая вада змывае жвіровае пакрыцьцё, і на ім утвараюцца вялікія вымоіны, небясьпечныя для аўтатранспарту. Апошнія дні ідуць зацяжныя восеньскія дажджы.
Глыбоцкага журналіста аштрафавалі на 805 рублёў
35 базавых велічынь прысудзіў судзьдзя Глыбоцкага райсуду Андрэй Тарасевіч незалежнаму журналісту з Глыбокага Зьмітру Лупачу. Зьмітра судзілі ў новым будынку Глыбоцкага суду, які адкрылі некалькі дзён таму.
Глыбоцкія журналісты наведалі былога вязьня ГУЛАГу Міколу Конана
Мікола Конан атрымаў 10 год лягераў за адмову стаць “сексотам” КДБ. А перасьлед спадара Міколы пачаўся, калі ён, яшчэ ня ведаючы пра існаваньне Саюзу беларускіх патрыётаў, друкаваў для іх прысягу на просьбу сябра Васіля Мядзельца. Гэта адбывалася падчас яго навучаньня ў Глыбоцкай пэдвучэльні.
Глыбоцкае «згушчыва» далучылі да заводу, адкуль усе ўцякаюць
Вядомы на ўсю краіну і за яе межамі Глыбоцкі малочнакансэрвавы камбінат, вытворцу знакамітага глыбоцкага згушчанага малака, далучылі ў якасьці філіялу да менш пасьпяховага і не такога буйнога Глыбоцкага камбікормавага заводу.
Галяндзкія журналісты цікавіліся вучэньнямі, а ў адказ: «Уё... адсюль, бо зараз як стрэльну!»
Галяндзкім журналістам захацелася зьведаць на сабе ўсё тое, з чым даводзіцца сустракацца падчас тэрытарыяльных вучэньняў звычайным людзям у Глыбокім. Да таго ж было цікава зрабіць рэпартаж для газэты: праехаць праз блёк-пост, распытаць у вайскоўцаў пра вучэньні. Як запэўніваў іх Зьміцер Лупач, нічога не атрымаецца. Але калі госьці жадаюць, трэба ж ісьці насустрач і не пакідаць іх у гэтай справе. Паехалі...
У Глыбокім вайскоўцы і ідэоляг забаранялі здымаць рэпэтыцыю прысягі рэзэрвістаў
У Глыбокім 8 верасьня ў цэнтры гораду адбывалася рэпэтыцыя прыняцьця прысягі ваеннаслужачымі запасу, прызванымі на вучэбныя зборы тэрытарыяльных войскаў раёну. Чыноўніца і вайсковец спрабавалі забараніць здымаць гэтае мерапрыемства.
Глыбаччане абураюцца дзеяньнямі ЖКГ
Клапы, каты, птушкі, смурод і антысанітарыя. У Глыбокім жыхары дому 129Б на вуліцы Леніна скардзяцца на гарадзкія службы. Побач зь імі, літаральна за пяцьдзясят мэтраў, стаяць больш за дзесяць кантэйнэраў са сьмецьцем.
Вырак англічаніну Алану Сьміту – 2 гады зьняволеньня
11 ліпеня ў судзе Глыбокага завяршыўся разбор крымінальнай справы пра незаконную міграцыю, у арганізацыі якой абвінавачваліся грамадзянін Вялікай Брытаніі Алан Сьміт і двое грамадзян Беларусі. Судзьдзя перакваліфікаваў абвінавачаньне ў дачыненьні да англічаніна з часткі 2 артыкулу 371¹ КК на больш мяккую частку 1 і прысудзіў яго да двух гадоў зьняволеньня ва ўмовах агульнага рэжыму.
Суд Глыбокага адклаў вынясеньне выраку абвінавачаным у незаконнай міграцыі
29 чэрвеня ў Глыбокім працягнуўся судовы разгляд справы аб арганізацыі незаконнай міграцыі, у якой абвінавачваюць дваіх грамадзян Беларусі і англічаніна Алана Сьміта. Хоць на ранейшым судовым паседжаньні ўжо прагучала апошняе слова падсудных, вырак, абвяшчэньня якога чакалі, аб'яўлены ня быў. Судзьдзя заявіў пра новавыяўленыя акалічнасьці і вярнуў разбор справы на этап судовага сьледзтва.
У Глыбокім завяршаецца судовы разбор справы пра незаконную міграцыю
Кожны з падсудных, англічанін Алан Сьміт і двое грамадзян Беларусі, прамовіў сваё апошняе слова. Перад тым пракурор запатрабаваў для брытанскага падданага 6 гадоў зьняволеньня, для беларускіх грамадзян – па 5 гадоў. Судзьдзя абвясьціў перапынак да 10-й раніцы 29 чэрвеня.