Падача апеляцыі можа змякчыць прысуд палітвязню
Сярод некаторых сваякоў палітвязняў існуе меркаванне, што апеляцыя можа ўзмацніць пакаранне. Але насамрэч такое магчыма толькі па пратэсту пракурора. Па апеляцыйнай скарзе абвінавачанага ці яго адваката суд можа толькі змякчыць прысуд, а пагоршыць яго палажэнне не можа. І такія выпадкі ёсць нават цяпер – у час прававога дэфолту.
Сябра праваабарончага цэнтра “Вясна” палітвязень Уладзімір Лабковіч святкуе свой Дзень народзінаў за кратамі
Сёння, 22 кастрычніка, палітзняволенаму каардынатару кампаніі "Праваабаронцы за свабодныя выбары" Уладзю Лабковічу спаўняецца 44 гады — гэта ўжо другі Дзень народзінаў, які вясновец вымушаны сустракаць за кратамі. За 15 месяцаў зняволення ў яго моцна пагоршылася здароўе, праваабаронцу перыядычна блакуюць ліставанне, трое яго дзетак гадуюцца без бацькі.
Замежныя палітыкі сталі «хроснымі» у палітвязняў Яны Пінчук і Васіля Бераснева
У межах кампаніі салідарнасці #WeStandBYyou, арганізаванай нямецка-швейцарскай праваабарончай арганізацыяй «Libereco – Партнёрства за правы чалавека», сімвалічныя «хросныя» з’явіліся ў палітзняволенай ураджэнкі Віцебску Яны Пінчук і ў палітвязня з Воршы, прафсаюзнага актывіста Васіля Бераснева. Падтрымаць зняволеных вырашылі прадстаўнікі Вялікабрытаніі і Нямеччыны.
За краты кінулі жонку палітвязня Ігара Лосіка, які адбывае пакаранне ў наваполацкай калоніі
Журналіст Радыё Свабода Ігар Лосік быў затрыманы 25 чэрвеня 2020 г., а ў снежні 2021 г. яго асудзілі паводле ч. 1 арт. 293 Крымінальнага кодэксу («Арганізацыя масавых беспарадкаў») і паводле арт. 130 Крымінальнага кодэксу («Распальванне варожасці ці варажнечы») да 15 гадоў пазбаўлення волі ў калоніі ўзмоцненага рэжыму. Сёлета 18 кастрычніка ў Менску была затрымана ягоная жонка Дар’я. Праз трое сутак яна не выйшла на волю.
У Мінску затрымалі аршанцаў. Іх арыштавалі па адміністрацыйным артыкуле і завялі крымінальную справу
У беларускай сталіцы затрымана пара з Оршы - Марыю Яшчанку і Рамана Цыганкова. У дзень затрымання яны былі арыштаваныя судом на 14 сутак кожны за нібыта адміністрацыйнае правапарушэнне. Цяпер яны знаходзяцца ў Цэнтры ізаляцыі правапарушальнікаў, які размешчаны на вул. Акрэсціна ў Мінску. І Марыя, і Раман маюць хранічныя захворванні, але кіраўніцтва ЦІПа адмовіла сваякам перадаць ім ежу, лекі і цёплыя рэчы.
Праваабаронцы просяць падтрымаць палітвязня Аляксандра Патапава
Яго вінавацяць па крымінальнай справе за абразу Аляксандра Лукашэнкі (арт.368 Крымінальнага Кодэксу) і з 25-га верасня Аляксандра Патапава ўтрымліваюць у віцебскім СІЗА-2. З перапіскі з палітвязнем стала вядома, што падчас ракетнага абстрэлу ў Кіеве загінула ягоная пляменніца. «Мне горка і балюча за тое, што робіцца ва Украіне, дзе гінуць ні ў чым не вінныя людзі і дзеці. Загінула мая пляменніца, а яе трохгадовая дачка засталася калекай», – напісаў Аляксандр Патапаў.
Справа лідэра незалежнага прафсаюза РЭП Васіля Бераснева перададзена ў пракуратуру
Гэта азначае тое, што цягам месяца матэрыялы крымінальнай справы паступяць у суд, а суддзя абавязаны будзе прызначыць дату пачатку працэсу. На лаве падсудных, акрамя Бераснева, будуць знаходзіцца іншыя кіраўнікі незалежных прафсаюзаў Беларусі.
Праваабаронцы прызналі палітвязнямі яшчэ дваіх жыхароў Віцебшчыны
11 кастрычніка праваабарончая супольнасць зрабіла заяву аб прызнанні палітзняволенымі 11-ці чалавек, у тым ліку палітвязнямі абвешчаны віцяблянін Аляксандр Патаваў і жыхарка Наваполацку Настасся Савуляк. Іх звінавацілі ў абразе Аляксандра Лукашэнкі, і праваабаронцы лічаць пераслед і пазбаўленне волі гэтых асобаў палітычна матываваным, звязаным з мірнай рэалізацыяй выказвання меркавання.
Віцебскага блогера і прадзюсара Уладзіслава Савіна чакае новы суд
30 красавіка мінулага году ён быў асуджаны да 8 год зняволення ва ўмовах узмоцненага рэжыму па арт. 342 Крымінальнага кодэксу (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) і ч. 4 арт. 209 Крымінальнага кодэксу (Махлярства, здзейсненае арганізаванай групай альбо ў асабліва буйным памеры). 25 кастрычніка яго зноўку будуць судзіць – цяпер за абразу Аляксандра Лукашэнкі.
Выйшаў на волю палітвязень Арцём Касач
Арцём Касач – жыхар Віцебску, асуджаны на 1,5 года «хіміі» за абразлівы каментар «ВКонтакте» пад пастом пра чыноўніка Сяргея Сташэўскага, які прымушаў сябраў выбарчай камісіі падрабляць пратаколы. Яго прызналі вінаватым паводле па арт. 369 Крымінальнага Кодэксу (абраза прадстаўніка ўлады)Тэрмін зняволення ён адбыў поўнасцю. Прычым спачатку яму прысудзілі паўтара года «хатняй хіміі», аднак пасля пратэсту пракурора Віцебскі абласны суд змяніў пакаранне на паўтара гады зняволення ў папраўчай установе адкрытага тыпу (звычайная «хімія»).