У судовым паседжанні было агучана, што ў Дзяніса ў сацыяльнай сетцы «ВКонтакте», дзе ў раздзеле падпіскі працаўнік аддзела 7-га ўпраўлення ГУБАЗіК выявіў падпіскі на старонку «STOP LUKA», суполку «Наш край» і групу «Анлайн-платформа голас». Гэтыя інфармацыйныя рэсурсы раней судамі былі аднесены да экстрэмісцкіх матэрыялаў.

У судзе "правапарушальнік" прызнаў, што ён сапраўды меў на сваёй старонцы ў СС розныя падпіскі і публікацыі, у тым ліку з рэсурсаў "STOP LUKA", "Наш край" і "Анлайн-платформа голас".

Суддзя Балаболава ўлічыла, што Філітарын прызнаў віну і мае на ўтрыманні двух непаўналетніх дзяцей і кіруючыся ч.2 арт. 19.11 КаАП пастанавіла арыштаваць мужчыну на трое сутак без канфіскацыі прыналежных яму гаджэтаў.

Віталь Ларын