Згодна з пратаколам паступіўшага ў суд з міліцыі, Муравіцкі ў жніўні 2020 года ў Віцебску сфатаграфаваўся побач з аўтамабілем, пафарбаваным у бел-чырвона-белы колер, на якім быў надпіс "Жыве Беларусь". Але для правядзення масавага мерапрыемства ён не меў дазволу ад кіраўніцтва Чашніцкага райвыканкама.

У судзе «правапарушальнік» патлумачыў, што прызнае факт таго, што ён сапраўды зрабіў фота на фоне «жывемабіля» і выклаў яе сваёй асабістай старонцы ў сацыяльнай сетцы «ВКантакце». Пры гэтым ён не меў мэты на правядзенне пікетавання і публічна выказаць свае палітычныя погляды.

Тым не менш суддзя Заруба пагадзілася з версіяй працаўнікоў мясцовага РАУС і палічыла даказанай віна Муравіцкага ў правядзенні недазволенага ўладамі пікету. На гэтай падставе судом была прынята пастанова арыштаваць мужчыну на 15 сутак за ўчыненне ім правапарушэння, прадугледжанага ч.1 арт. 24.23 КаАП.

Тамара Зотава