Паводле абвінавачання, з 5 жніўня 2020 года па ліпень 2021г., падсудны неаднаразова ў сацыяльнай сетцы «Аднакласнікі» размяшчаў зняважлівыя і абразлівыя каментары ў адрас Наталлі Качанавай, Уладзіміра Макея і іншых афіцыйных асоб, і рабіў гэта з выкарыстаннем ненарматыўных формаў моўнага выказвання. Адным з пацярпелых у гэтай справе прызнаў сябе Юрый Караеў, які займаў пасаду  Міністра ўнутраных справаў да 20 кастрычніка 2020г. Ён напісаў заяву ў суд, каб спагнаць з абвінавачанага матэрыяльную кампенсацыю маральнай шкоды памерам 1 000 рублёў.

Таксама ў матэрыялах крымінальнай справы было ўказана, што падсудны падпісаны на розныя пратэсныя чаты і групы, і што ён рабіў рэпосты відэаролікаў у сацыяльных сетках. Але ў апошнім слове Андрэй Патрэбка заявіў, што прызнае сваю віну цалкам, што ніякіх стасункаў з апазіцыяй не меў і падтрымлівае дзяржаўную палітыку. А каментары пісаў пад уздзеяннем эмоцый.

Дзяржабвінаваўца, памочнік пракурора Валерыя Гаралевіч запрасіла для Андрэя Патрэбкі два гады абмежавання волі з накіраванне ва ўстанову адкрытага тыпу. Паколькі 17 траўня 2022 г. ён ужо быў асуджаны на тры гады абмежавання волі без накіравання ва ўстанову адкрытага тыпу, шляхам частковага складання абвінавачанняў канчаткова прызначыць абмежаванне волі ва ўстанове адкрытага тыпу тэрмінам на чатыры гады. Суддзя Уладзімір Бясецкі падтрымаў прапанову  дзяржабвінаваўцы і прысудзіў Андрэю Патрэбку 4 гады «хіміі» з накіраваннем у ПУАТ.

Міхась Хмара