Фотаздымак паштовага паведамленьня пра заказны ліст з крамы «Філятэлія», па якім жыхару Полацку ўручылі падатковае паведамленьне пра неабходнасьць аплаты збору на фінансаваньне дзяржаўных выдаткаў, апублікаванае ў пабліку «Скарга | Полацак і Наваполацак».

4 студзеня ў сваім блогу на livejournal.com віцябчук Сяргей Белязека распавёў наведнікам пра тое, як стаў «дармаедам». «Лісты шчасьця» ад падаткавікоў атрымалі ўжо 250 тысяч беларусаў, але далёка ня ўсе гэтак адкрыта выказаліся наконт іх.

Дачны пасёлак Усход пад Воршай мясцовыя жыхары перайменавалі ў «Далёкі Ўсход». А ўсё таму, што дабрацца да сваіх участкаў уладальнікам досыць складана. Адзіны праезд – праз поле, і той праз масавую забудову прыгараду рызыкуе зьнікнуць. Многія дачнікі – пэнсіянэры – жывуць у загарадных дамох круглы год. Аднак калі што здарыцца – ані хуткая, ані пажарная прыехаць да іх ня могуць.

У адпаведнасьці з рашэньнем Віцебскага райвыканкаму па пляне зносу лядашчага жытла ў 2013-2015 гадох трэба было разбурыць 51 такі дом. Зьнесьлі больш: у 2013 годзе 17, у 2014-м – 28, у 2015-м – 37. На пэрыяд 2016-2017 гадоў вырашана сьцерці з твару зямлі 68 старых дамоў, ужо зьнесена 44.

Крама «Алмі» адкрылася ў Воршы ўжо некалькі гадоў таму. Раней да працы вялікай крамы ў некалькі паверхаў было мала прэтэнзіяў, аднак цяпер адбыўся скандал. Валянтэры зь ліку актывістаў кампаніі «Сьвінкі супраць – Беларусь» наведалі гандлёвы аб'ект і запісалі на відэа шэраг парушэньняў пры продажы тавару.