Маці, не пазбаўленая бацькоўскіх правоў, шэсьць гадоў дамагаецца вяртаньня дзяцей у сям’ю
Марыя Сьвятлова-Лебедзева - інвалід другой групы па слыху і зроку. Тым ня менш у яе амаль дваццаць сем гадоў бесьперапыннага працоўнага стажу на адным прадпрыемстве. Але не пра прафэсійную дзейнасьць жанчыны пойдзе гаворка далей. Зьвярнуцца да нас грамадзянку падштурхнулі зусім іншыя акалічнасьці.
Ірына Яскевіч: Стаўшы дэпутатам, буду выступаць за сямігадзінны працоўны дзень для жанчын
Каардынатар аргкамітэту па стварэньні прафсаюзу прадпрымальнікаў “Разам”, сябра АГП і магчымы кандыдат у дэпутаты на маючых адбыцца выбарах у парлямэнт краіны Ірына Яскевіч падзялілася з нашым карэспандэнтам сваімі думкамі наконт цяперашняй выбарчай кампаніі.
Тацяна Караткевіч дапамагала сваім віцебскім прыхільнікам зьбіраць подпісы за вылучэньне іх кандыдатамі ў дэпутаты
Былая кандыдатка у прэзыдэнты краіны Тацяна Караткевіч 9 ліпеня наведала Віцебск. Мэта яе візыту ў паўночную сталіцу – падтрымка мясцовых удзельнікаў грамадзянскай кампаніі «Гавары праўды» падчас збору подпісаў дзеля вылучэньня іх кандыдатамі ў дэпутаты Палаты прадстаўнікоў Нацыянальнага сходу Рэспублікі Беларусь.
У Віцебску гучаў «Магутны Божа»
У перадпачатку «Славянскага базару» вернікі віцебскай Эвангеліцка-Лютэранскай парафіі Сьвятога Лукаша ўнесьлі сваю лепту ў добраўпарадкаваньне гораду над Дзьвіной. Яны зладзілі талаку, каб абнавіць закладны камень царкоўнага будынку. Талака завяршылася кароткім набажэнствам пад адкрытым небам, прыканцы якога ўсе разам памаліліся за Беларусь, прасьпяваўшы вядомы гімн «Магутны Божа».
Суд ня выявіў парушэньняў падчас фармаваньня выбарчых камісіяў
Віцебскі абласны суд адмовіў сябрам Віцебскай абласной арганізацыі партыі «Беларускі народны фронт» у задавальненьні скаргі пра парушэньні заканадаўства падчас фармаваньня выбарчых камісіяў па выбарах дэпутатаў у беларускі парлямэнт – Палату прадстаўнікоў Нацыянальнага сходу Рэспублікі Беларусь.
Гісторык Мікалай Півавар распавёў віцебчукам пра лёсы беларусаў у гады сталінізму
23 чэрвеня ў арт-прасторы «Vzar» віцебскі гісторык Мікалай Півавар прачытаў грамадзкую лекцыю “Лёсы беларусаў у гады сталінізму”. Гэткім чынам ён працягнуў абмеркаваньне тэмы сталінскіх рэпрэсіяў, распачатую дзесяць дзён таму ў гэтай самай залі маскоўскім дасьледчыкам творчасьці Варлама Шаламава Сяргеем Салаўёвым.
Падзея зьдзейсьнілася: У Віцебску адкрылі помнік Аляксандру Неўскаму (фота)
24 чэрвеня ў межах сьвяткаваньня тысяча сорак другой гадавіны заснаваньня Віцебску адбылося ўрачыстае адкрыцьцё помніку Аляксандру Неўскаму, ягонай жонцы віцебскай княгіні Аляксандры і іхнаму сыну Васілю. На плошчы Тысячагодзьдзя а пятнаццатай гадзіне распачалася тэатралізаванае дзея, прымеркаваная да гэтай падзеі.
Лідэр віцебскіх прадпрымальнікаў: Альбо пакіньце нас у спакоі, альбо дайце нам новыя працоўныя месцы
У актавай залі гатэлю «Віцебск» 20 чэрвеня прайшла канфэрэнцыя індывідуальных прадпрымальнікаў зь Віцебску.
Андрусь Кешэнюк: Калі ўжо і ўсталёўваць помнік Неўскаму, то не ў гістарычным цэнтры Віцебску
Пасьля таго, як помнік Аляксандру Неўскаму ў Віцебску ўсё ж усталявалі, наш карэспандэнт пагутарыў з чалавекам, які напярэдадні яго адкрыцьця выступіў супраць разьмяшчэньня яго ў гістарычным цэнтры на плошчы Тысячагодзьдзя.
Байкеры зладзілі акцыю на цэнтральнай плошчы Віцебску (фота)
Днём 18 чэрвеня ў Віцебску на плошчы Перамогі актывісты байкерскага руху дэманстравалі жыхарам «паўночнай сталіцы» сябе і сваю тэхніку. Гэтая акцыя была ініцыяваная віцебскімі матацыклістамі ў межах зьлёту байкераў, які праходзіў у адным з санаторыяў пад Віцебскам.