«Гэта наогул анахранізм і абсурд – сумоўе з украінцамі і беларусамі наконт атрыманьня імі статусу носьбітаў расейскай мовы! Беларусы і ўкраінцы складаюць разам з расейцамі адзін вялікі народ, што ня раз пацьвярджалі ў сваіх выказваньнях прэзыдэнты Расеі і Беларусі Пуцін і Лукашэнка», – сказаў Андрэй Герашчанка.
Апроч таго, кіраўнік «Рускага дому» «настойвае на тым, што трыадзінства рускага народу – рускіх, беларусаў і ўкраінцаў» – таксама варта было б запісаць у Канстытуцыю Расеі».
Па словах Герашчанкі, расейская ёсьць роднай і асноўнай мовай як у Беларусі, гэтак і ва Ўкраіне, нягледзячы на ўсе «бандэраўскія фокусы нашай паўднёвай суседкі».
Літаральна тыдзень таму Герашчанка прапаноўваў замяніць у беларускай мове «шкарпэткі» на «наскі», а «гарбату» на «чай». А тых, хто працягвае замаўляць у кавярнях «гарбату» – узяць пад кантроль КДБ і МУС. Сам сябе Герашчанка называе «беларускім пісьменьнікам», ён сябра Саюзу пісьменьнікаў Беларусі.