“Будзе яшчэ горш”. На Віцебшчыне бракуе прызыўнікоў
Ваенны камісар Віцебскай вобласьці палкоўнік Руслан Шкодзін паведаміў, што летась у войска пайшло на 333 чалавека менш, чым было заплянавана. “Сёлета сытуацыя чакаецца яшчэ горш”, – цытуе ваенкома абласная газэта “Витебские вести”.
Павал Левінаў заклікае Лукашэнку амніставаць асуджаных па арт. 328 КК РБ
Прадстаўнік Беларускага Хэльсінскага камітэту на Віцебшчыне праваабаронца Павал Левінаў папрасіў Лукашэнку распаўсюдзіць меркаваную амністыю на асуджаных паводле арт. 328 КК (Незаконны абарот наркатычных рэчываў). У прыватнасьці – вызваліць тых, хто зьдзейсьніў злачынства ў няпоўнагадовым узросьце, і ўдвая скараціць тэрмін тым, хто ўчыніў яго ва ўзросьце да 25 гадоў.
Чыноўнікі Беларусі працягваюць перамовы з Эўразьвязам пра цэнтры для мігрантаў
Праект пагадненьня з ЭЗ пра фінансаваньне цэнтраў для незаконных мігрантаў месяц таму ўхваліў Савет Міністраў Рэспублікі Беларусь. У выніку, калі пагадненьне набудзе моц, Беларусь зможа атрымаць ад Эўропы ў межах пагадненьня 7 мільёнаў эўра, прадугледжаных у якасьці міжнароднай тэхнічнай дапамогі.
Наваполацкі ЛПП ізноў ператвораць у папраўчую калёнію
У мэтах аптымізацыі структуры крымінальна-выканаўчай сыстэмы МУС у Наваполацку ліквідуюць лячэбна-працоўны прафілякторый №8 і створаць на яго базе папраўчую калёнію №1. Адпаведны ўказ №223 апублікаваны на Нацыянальным прававым інтэрнэт-партале.
У Віцебску зьявіцца цэнтар утрыманьня незаконных мігрантаў
Віцебскі цэнтар будзе адной з трох установаў такога кшталту, якія будуць створаныя ў краіне. У цэнтры будуць знаходзіцца іншаземныя грамадзяне, якіх чакае дэпартацыя з тэрыторыі Беларусі.
Генпракуратура патрабуе ад Віцебскага аблвыканкаму ўзмацьніць прафіляктыку правапарушэньняў
Генэральная пракуратура Беларусі і МУС правялі ў жніўні праверку выкананьня заканадаўства аб прафіляктыцы правапарушэньняў у Віцебскай вобласьці. Як паведамілі ў Генпракуратуры, за сем месяцаў 2013 году на тэрыторыі вобласьці практычна ў 2,5 разы ўзрасла колькасьць вымаганьняў, у 2 разы - хуліганстваў, у 1,5 разы - махлярстваў, на 14,3% - забойстваў.
Маці і сястра Ўладзіслава Кавалёва спадзяюцца даведацца пра месца яго пахаваньня праз суд
Любоў Кавалёва і Тацьцяна Козяр – маці і сястра асуджанага да сьмяротнага пакараньня і расстралянага 15 сакавіка 2012 году Ўладзіслава Кавалёва, абіванавачанага ў тэракце ў мэтро ў Менску, зьвярнуліся ў суд Кастрычніцкага раёну сталіцы са скаргай на неправамерныя дзеяньні Дэпартамэнту выкананьня пакараньняў, Міністэрства ўнутраных спраў і Камітэту дзяржбясьпекі. Родныя Кавалёва лічаць, што адмова паведаміць зьвесткі пра месца пахаваньня Ўладзіслава парушае міжнародныя стандарты, а таксама зьвяртаюць увагу на парушэньне Закону “Аб зваротах грамадзян”.
Міністэрства ўнутраных спраў адмовіла віцебскім актывістам у задавальненьні іх просьбы
Кіраўнік абласной структуры руху “За cвабоду” Хрыстафор Жаляпаў зьвярнуўся ў МУС, калі атрымаў ад віцебскіх міліцыянтаў чарговую адмову на абслугоўваньне масавай акцыі. Паводле адпаведнага рашэньня гарвыканкаму, дазвол на акцыі можна атрымаць, толькі маючы такія дамовы: “Нам напісалі зь міліцэйскай управы, што дамову заключаць толькі пасьля таго, як мы атрымаем дазвол зь Першамайскай раённай адміністрацыі. А ў раённай адміністрацыі патрабуюць дамову ад пачатку”.
Рух “За свабоду” просіць МУС абавязаць віцебскую міліцыю выконваць заканадаўства
Абласны каардынатар Руху “За свабоду” Хрыстафор Жаляпаў зьвярнуўся ў Міністэрства ўнутраных спраў з просьбай абавязаць кіраўніцтва мясцовай міліцыі выконваць заканадаўства. “Я прашу абавязаць кіраўніцтва Ўпраўленьня ўнутраных спраў Віцебскага аблвыканкаму надалей няўхільна выконваць патрабаваньні заканадаўства аб арганізацыі масавых мерапрыемстваў і заключыць са мной дамову аб ахове грамадзкага парадку падчас правядзеньня масавага мерапрыемства 25 сакавіка ў Віцебску”, – адзначае мясцовы кардынатар руху.