КДБ устанавіў прафіляктычны нагляд за Андрэем Гайдуковым
За былым палітвязьнем Андрэем Гайдуковым, які 8 траўня выйшаў на волю з папраўчай калёніі “Віцьба-3″ пасьля паўтара года зьняволеньня, устаноўлены прафіляктычны нагляд. “На падставе артыкулу, паводле якога я адбываў пакараньне, нагляд з боку МУС мне даць ня могуць. Але КДБ устанавіў свой прафіляктычны нагляд, афіцыйна азнаёміўшы мяне, што ў дачыненьні да мяне распачатыя прафілактычныя справы, — паведаміў актывіст. — Гэта ім дае легальна ажыцьцяўляць праслухоўваньне, назіраньне за мной, прыходзіць да мяне ў любы час дня і ночы. Ім гэта трэба, каб легалізавацца на выпадак далейшых сваіх дзеяньняў у дачыненьні да мяне”.
Выбух у Віцебску зьдзейсьніла спартоўка-чэмпіёнка
Тацьцяна Вінакурава была адзінай у краіне жанчынай-матагоншчыцай. На судзе калегі ўспаміналі, што на адной руцэ яна падцягваецца 20 разоў. Апошнім часам жанчына працавала паштаркай у прыгарадзе Віцебску. Яе затрымалі перад самым ад’ездам на чэмпіянат Эўропы па матакросе.
Вынесены прысуд па справе аб выбуху каля віцебскага КДБ
44-гадовая жанчына асуджаная на 4,5 гады пазбаўленьня волі з адбыцьцём пакараньня ў папраўчай калёніі ва ўмовах агульнага рэжыму. Яе прызналі вінаватай у “незаконных дзеяньнях у адносінах выбуховых рэчываў” і “асабліва злосным хуліганстве”. Не ўдакладняецца, чаму свой хуліганскі ўчынак жанчына зьдзейсьніла каля будынку КДБ.
Павал Левінаў: Выбух каля віцебскага КДБ можа быць правакацыяй уладаў
Галоўным аргумэнтам на карысьць абвінавачанай жанчыны зьяўляецца адсутнасьць зразумелага матыву злачынства. Такім чынам віцебскі праваабаронца Павал Левінаў пракамэнтаваў прызнаньне віны падазраванай у зьдзяйсьненьні выбуху каля будынку КДБ у Віцебску. «У гэтым выпадку незразумелы матыў злачынства. Што хацела гэтая жанчына даказаць выбухам, і чым ёй насаліў КДБ? Вядома, што яна была судзімая, але наўрад ці яе судзіў КДБ. У такім выпадку яна павінна была быць пакрыўджаная на пракуратуру, на міліцыю, якая сваімі супрацьпраўнымі дзеяньнямі прычыняла ёй пакуты», - лічыць праваабаронца.
Жанчына, якая прызналася ў выбухах у Віцебску: Я хацела пасеяць паніку сярод супрацоўнікаў КДБ
Абвінавачаная ў зьдзяйсьненьні выбуху каля будынку КДБ у Віцебску 42-гадовая мясцовая жыхарка прызнала сваю віну ў судзе і распавяла пра матывы, якія штурхнулі яе на гэты ўчынак. Паводле ейных слоў, такім чынам жанчына хацела пасеяць паніку сярод супрацоўнікаў КДБ, бо лічыла, што яны нядбала паставіліся да пошуку хуліганаў, якія некалькі гадоў таму ўчынілі выбух у пад’езьдзе яе дому.
Павал Севярынец: Лукашэнка ўзяў закладнікаў на кожным фронце
Аляксандар Лукашэнка разьлічвае, што арышт ксяндза Лазара прымусіць Ватыкан «адкрыць» Эўропу беларускаму рэжыму. Такое меркаваньне выказаў палітвязень Павал Севярынец, камэнтуючы абвінавачваньне ксяндза Лазара ў здрадзе дзяржаве: «Для сёньняшняга рэжыму царква ў цэлым - гэта чужая сіла і пагроза. А кошт тых абвінавачаньняў, якія фабрыкуюцца ў турме КДБ, мы добра ведаем і ня верым ні сьледзтву, ні працэсам у духу сталінскіх часоў».
У Віцебскай вобласьці выяўленая буйная падпольная фінансавая кампанія
Супрацоўнікі ўпраўленьня Дэпартамэнту фінансавых расьсьледаваньняў КДК па Віцебскай вобласьці сумесна з УКДБ па Віцебскай вобласьці і АМАП УУС Віцебскага аблвыканкаму ў ходзе правядзеньня апэратыўна-вышуковых мерапрыемстваў затрымалі ўдзельнікаў злачыннай групы ў горадзе Полацку, якія займаліся фінансавымі махінацыямі на тэрыторыі Віцебскага і Менскага рэгіёнаў.
Расьсьледаваньне справы аб выбуху ля Віцебскага КДБ завершанае
Расьсьледаваньне крымінальнай справы аб выбуху ля будынку ўпраўленьня КДБ па Віцебскай вобласьці ў лістападзе 2011 году завершане. “Матэрыялы крымінальнай справы перададзеныя ў пракуратуру Віцебскай вобласьці для накіраваньня ў суд”, - паведаміла афіцыйны прадстаўнік упраўленьня Сьледчага камітэту па Віцебскай вобласьці Іна Гарбачова.
Маці і сястра Ўладзіслава Кавалёва спадзяюцца даведацца пра месца яго пахаваньня праз суд
Любоў Кавалёва і Тацьцяна Козяр – маці і сястра асуджанага да сьмяротнага пакараньня і расстралянага 15 сакавіка 2012 году Ўладзіслава Кавалёва, абіванавачанага ў тэракце ў мэтро ў Менску, зьвярнуліся ў суд Кастрычніцкага раёну сталіцы са скаргай на неправамерныя дзеяньні Дэпартамэнту выкананьня пакараньняў, Міністэрства ўнутраных спраў і Камітэту дзяржбясьпекі. Родныя Кавалёва лічаць, што адмова паведаміць зьвесткі пра месца пахаваньня Ўладзіслава парушае міжнародныя стандарты, а таксама зьвяртаюць увагу на парушэньне Закону “Аб зваротах грамадзян”.
Справа «шпіёна» Гайдукова развалілася?
Старшыня КДБ Валер Вакульчык ня вытрымаў. «Шпіёнская справа», якую з такой радасьцю вёў КДБ у дачыненьні да апэратара наваполацкага «Нафтану» Андрэя Гайдукова, падобна, скончылася. Замест яе будзе нейкае іншая справа. Пра гэта Вакульчык заявіў 19 чэрвеня журналістам.