Панядзелак, 23 Кастрычнік 2017

У Мёрах ЖКГ плянуе зьнішчыць 51 дрэва

Ацаніць гэты матэрыял
(0 галасоў)
У Мёрах ЖКГ плянуе зьнішчыць 51 дрэва Фота: Вольга Вішнеўская, mijory.by

Мёрскі раённы выканаўчы камітэт выносіць на грамадзкае абмеркаваньне праект рашэньня аб выдачы дазволу на выдаленьне аб'ектаў расьліннага сьвету ў сувязі з тым, што дрэвы перашкаджаюць эксплёатацыі аб'ектаў дарожна-транспартнай інфраструктуры гораду Мёры па адрасе вул. Ізварын, раён моста паміж азёрамі.

У сувязі з гэтым УП ЖКГ Мёрскага раёну плянуе выдаліць 51 дрэва.

Жыхары гораду Мёры могуць выказаць сваё меркаваньне па гэтым пытаньні на сходзе, які адбудзецца а 14:00, 26 кастрычніка 2017 г. каля ўваходу ў гарадзкі парк "Паўвостраў".

Сход праводзіць начальнік аддзелу жыльлёва-камунальнай гаспадаркі Мёрскага райвыканкаму Георгі Паўлавіч Бушуноў. Кантактны тэлефон 4 12 32. Ахвотным узяць удзел у сходзе неабходна мець пашпарт ці іншы дакумэнт, які пацьвярджае асобу.

mijory.by

Залагініцца каб дадаць камэнтары