Справа Сяргея Міхалевіча - адна с тых, што былі распачатыя супраць жыхароў Глыбокага пасля  "хапуну", які сілавікі наладзілі ў райцэнтры ў верасні-кастрычніку мінулага года. Тады на заангажаваных Тэлеграм-каналах выклалі 5 відэаролікаў з “пакаяльнымі” відэа мясцовых жыхароў, якія прызнаваліся, што бралі ўдзел у пратэстах супраць вынікаў мінулых прэзідэнцкіх выбараў. Некалькі чалавек на гэтых відэа мелі відавочныя фізічныя пашкоджанні, нанесеныя, верагодна, падчас затрыманняў.

Затрымана падчас “хапуну” было каля 20 чалавек. Частку з іх асудзілі адразу па адміністрацыйных артыкулах, а частку перавезлі ў віцебскі СІЗА, прад'явіўшы ім крымінальныя абвінавачанні.

На цяперашні момант вядома прынамсі пра 7 судоў па такіх справаў. У канцы студзеня і пачатку лютага ў судзе Глыбоцкага раёна па ч. 1 арт. 342 КК  судзілі  Дзмітрыя і Івана Піскуновічаў. Іх у “экстрэмісцкі пералік” уключылі  ў мінулым месяцы. У пачатку сакавіка ў пералік “эсктрэмістаў” на сайце МУС уключылі  Ігара Шкетава і Рамана Васілевіча, таксама асуджаных за “удзел у масавых беспарадках”. Цяпер - прадпрымальніка Сяргея Міхалевіча, якога судзілі ў канцы лютага.

Вядома, што 10 сакавіка ў судзе Глыбоцкага раёна судзілі Аляксандра Шэлепня, а 12 сакавіка - Людмілу Пацэвіч.Абодвух - па ч. 1 арт. 342 КК. Прысуды пакуль не вядомыя. Усіх землякоў судзіў суддзя Глыбоцкага райсуда Андрэй Тарасевіч.

Марыя Пятрэнка