Сёлета ў лютым у Віцебскім абласным судзе 38- гадовага Максіма Старасценку судзілі па двух крымінальных артыкулах - ч. 3 арт. 293 КК РБ ( удзел у масавых беспарадках) і ч. 1 арт. 130 КК РБ ( распальванне варожасці або варажнечы). У чым звінавацілі Максіма Сарасценку і які вырак вынес суддзя Яўген Буруноў, пакуль не вядома - суд праходзіў у закрытым рэжыме. На сайце МУС пазначана, што мужчына ўжо "адбывае пакаранне".
50-гадовага аршанца Андрэя Фалькова паводле ч.1 арт.342 (арганізацыя групавых дзеянняў, якія груба парушаюць грамадскі парадак, альбо актыўны ўдзел у такіх дзеяннях) судзілі ў судзе Заводскага раёна Мінска. Найверагодней, ён асуджаны да “хіміі” - у “экстрэмісцкім” пераліку на сайце МУС пазначана “судзімасць не пагашана”.
Па тым самым артыкуле асуджаны і 57-гадовы жыхар Глыбокага Сяргей Міхалевіч. Яго справу сёлета ў лютым разбіраў суд Глыбоцкага раёна. Меркавана, ён таксама асуджаны да "хіміі" - у "ээкстрэмісцкім пераліку МУС насупраць яго прозвішса пазначана "судзімасць не пагашана". Крымінальны пераслед глыбачаніна распачаўся пасля міліцэйскага хапуна, праведзенага ў Глыбокім восенню мінулага года. У выніку за ўдзел у пратэстах 2020 года судзілі мінімум 7 глыбачан, пяцёра з іх ужо таксама трапілі ў "экстрэмісцкі" пералік на сайце МУС. Гэта Дзмітрый і Іван Піскуновічы, Ігар Шкетаў, Раман Васілевіч, а цяпер і Сяргей Міхалевіч.
У пералік "асобаў, схільных да экстрэмісцкай дзейнасці", уключылі віцебскага лекара Аляксандра Рандарэнку, асуджанага да 4 гадоў калоніі паводле ч.1 арт.130 - 1 (рэабілітацыя нацызма) і ч.1 арт.130 (распальванне расавай, нацыянальнай, рэлігійнай або іншай варожасці ці варажнечы). Яго крымінальную справу ў снежні 2024 года разбіраў Віцебскі аласны суд. Аляксандар Рандарэнка прызнаны палітвязнем.
Мужчыну затрымалі ўвесну мінулага году і спярша судзілі па ч.1 арт.24.23 і ч. 1 арт. 19.10 КаАП. У судзе Рандарэнка казаў, што падчас распіцця спіртовых напояў, у чат-рулетцы з незнаёмым, які аказаўся правакатарам, ён выказаў лозунг грамадска-палітычнага характару, пры гэтым прадэманстраваўшы вымпел з выявай сцяга Украіны жоўта-сіняга колеру. Летась 6 снежня блізкі да сілавікоў Тэлеграм-канал «Северная столица» прадэманстраваў аператыўныя фотаздымкі Аляксандра Рандарэнкі, збітага падчас затрымання.
Мікалай Ратмістраў