У Віцебску падчас «ланцугу салідарнасьці» былі затрыманыя 7 чалавек – фота
У Віцебску падчас «ланцугу салідарнасьці» з палітвязьнямі, які прайшоў 19 чэрвеня – у апошні дзень збору подпісаў за патэнцыйных кандыдатаў на прэзыдэнцтва, былі затрыманыя 7 чалавек. Сярод іх – віцебская актывістка і блогерка Алена Янушкоўская і яе дачка Юлія. Вядома, што Алену Янушкоўскую зьмясьцілі да суду ў ізалятар часовага ўтрыманьня, Юлію – адпусьцілі. Імёны астатніх затрыманых высьветліць пакуль не ўдалося.
Суды за пікет 31 траўня: Янушкоўскай – 1080 рублёў штрафу, Паўлаву – 5 сутак, Мацеюку – 7
Віцебкую блогерку Алену Янушкоўскую, якую затрымалі 5 чэрвеня і да суду зьмясьцілі ў ізалятар часовага ўтрыманьня, прызналі сёньня вінаватай ва ўдзеле ў несанкцыянаваным мітынгу, які, паводле міліцыі, адбыўся ў Віцебску 31 траўня. Суд Віцебскага раёну аштрафаваў жанчыну на 40 базавых велічынь. Яшчэ двух актывістаў – Алега Паўлава і Аляксандра Мацеюка прысудзілі адпаведна да 5 і 7 сутак адміністрацыйнага арышту.
Алена Янушкоўская абскардзіла папярэджаньне пракуратуры: «Вы сталі на шлях запалохваньня!»
Блогерка Алена Янушкоўская накіравала пракурору Віцебскай вобласьці скаргу на афіцыйнае папярэджаньне, якое на мінулым тыдні ёй вынесла раённая пракуратура. «Замест таго, каб стаць на абарону маіх правоў на свабоду мірных сходаў і выказваньня меркаваньняў пракурор Віцебскага раёну Шклярэўскі стаў на шлях запалохваньня», – сьцьвярджае актывістка.
Блогерку Алену Янушкоўскую афіцыйна папярэдзіла пракуратура
Актывістка і блогерка Алена Янушкоўская атрымала 13 траўня позву з пракуратуры Віцебскага раёну і мусіла сёньня явіцца да пракурора, але праз рэжым самаізаляцыі рабіць гэта адмовілася. У пракуратуру яе прывезьлі супрацоўнікі Віцебскага РАУС. З Аленай Янушкоўскай правялі размову і ўручылі афіцыйнае папярэджаньне пра недапушчальнасьць парушэньня заканадаўства.
Віцебскую блогерку Алену Янушкоўскую выклікаюць у пракуратуру
Віцебская блогерка і актывістка БХД Алена Янушкоўская атрымала позву ў пракуратуру. Паперу Янушкоўскай уручылі два супрацоўнікі міліцыі ў цывільным, якія прыяжджалі да яе дадому. У пракуратуру трэба зьявіцца 14 траўня, паведаміла актывістка.
Судзьдзі не адтэрмінавалі выплату штрафаў, прысуджаных Алене Янушкоўскай
Віцебскую актывістку і блогерку Алену Янушкоўскую шэсьць разоў судзілі за ўдзел і заклікі да ўдзелу ў акцыях за незалежнасьць Беларусі. Агульная сума штрафаў, прысуджаных Янушкоўскай, сягае 4590 рублёў. Актывістка зьвярнулася з просьбай, каб суды дазволілі адтэрмінаваць выплату такіх вялікіх грошай, але атрымала адмовы.
Абласны суд не задаволіў ніводнай з шасьці скаргаў віцебскіх актывістаў
19 лютага віцебскія актывісты Аляксандар Дуброўскіх, Тацяна Севярынец і Алена Янушкоўская спрабавалі ў абласным судзе абскардзіць рашэньні судоў ніжэйшай інстанцыі, якія пакаралі іх штрафамі за «парушэньні заканадаўства аб масавых мерапрыемствах» (арт. 23.34 КаАП). Актывістаў штрафавалі за дзеяньні, зьвязаныя з адстойваньнем незалежнасьці Беларусі.
Блогерку Янушкоўскую аштрафавалі шосты раз. Агульная сума штрафаў – 4725 рублёў
18 лютага суд Віцебскага раёну разгледзеў чарговую адміністрацыйную справу, заведзеную ў дачыненьні да віцебскай актывісткі і блогеркі Алены Янушкоўскай. За рэпост, зроблены ў «Фэйсбуку», яе абвінавацілі ў парушэньні заканадаўства аб масавых мерапрыемствах (ч.1, арт. 23.34 КаАП) і аштрафавалі на 30 базавых велічынь.
Яшчэ 1485 рублёў штрафаў. У Віцебску працягваюцца суды над абаронцамі незалежнасьці
24 студзеня ў Віцебску адбыліся два адміністрацыйныя працэсы над удзельнікамі акцый у падтрымку незалежнасьці Беларусі. Суд Чыгуначнага раёну на 25 базавых велічынь аштрафаваў віцябляніна Аляксандра Якушкова, а Віцебскі раённы суд пакараў штрафам у памеры 30 базавых Алену Янушкоўскую.
Тры суды – тры штрафы. Прыхільнікаў незалежнасьці аштрафавалі на 2160 рублёў
23 студзеня ў судзе Першамайскага раёну Віцебску судзьдзя Міхаіл Юрчанка аштрафаваў грамадзкіх актывістак Натальлю Сьпірыдонаву на 25 базавых велічынь, а Тацяну Севярынец – на 30. У той жа час у судзе Віцебскага раёну Міхаіл Зубеня прысудзіў Алене Янушкоўскай 25 б.в. Усіх трох зьвінавацілі паводле ч.1, арт. 23.34 КаАП.