Перарэгістравалі Рэспубліканскую партыю працы і справядлівасці, у якую ўваходзіла Эльвіра Мірсалімава
Праўда, заўзятая віцебская прыхільніца «русского мира» у апошнія гады гэты факт сваёй біяграфіі замоўчвае. У сацыяльных сетках можна сустрэць хіба згадкі пра тое, што яна – прадстаўніца прарасейскага руху «Гражданское согласие». Аднак інтэрнэт памятае ўсё: у тым ліку і тое, што ў 2019 г. Эльвіра Мірсалімава вылучалася ад Рэспубліканскай партыі працы і справядлівасці ў дэпутаты Парламента па Віцебскай-Чыгуначнай акрузе №19. І называла сябе намесніцай старшыні гэтай партыі па моладзевай палітыцы.
Кожны 12-цы жыхар Мёршчыны – беспрацоўны, сёлета праз Цэнтр занятасці ўладкавалі толькі 6 чалавек
Па выніках работы за 2022 год Мёршчыну ўлады аднеслі да тэрыторый з напружанай сітуацыяй на рынку працы. Нядаўна ў Мёрах прайшло пасяджэнне па садзейнічанні занятасці насельніцтва раёна.
Запраўка з біяпрыбіральнямі як астравок цывілізацыі і ФАП як месца адпачынку
Сайт браслаўскай раёнкі рэканструяваную нядаўна запраўку з усталяванымі біяпрыбіральнямі назваў астраўком цывілізацыі, а мясцовая чыноўніца ФАП у вёсцы Урбаны - і медустановай, і месцам адпачынку вяскоўцаў.
Кур'ера з Віцебску пакаралі арыштам за пікет і “экстрэмізм” у сацыяльных сетках
Суддзя суда Першамайскага раёна Віцебска Наталля Карабліна 31 траўня пастанавіла арыштаваць на 15 сутак за правядзенне пікетавання ў сацыяльнай сетцы «Вконтакте» жыхара Віцебска працуючага кур'ерам Уладзіміра Казлова. Таксама тая ж суддзя 19 чэрвеня за распаўсюд «экстрэмізму» ў сацыяльных сетках пакарала Уладзіміра такім жа чынам.
Віцебскія ўлады гатовы шчодра аддзячыць школьнікаў і педагогаў за перамогі ў конкурсах і на алімпіядах
Дэпутаты аблСавета 20 красавіка заснавалі прэміі для навучэнцаў, якія перамаглі або сталі прызёрамі рэспубліканскіх і міжнародных алімпіяд па вучэбных прадметах ці на рэспубліканскіх конкурсаў даследчых работ, а таксама для педагагічных работнікаў, якія падрыхтавалі такіх навучэнцаў.
Твітэр «Віцебскай Вясны» таксама прызналі «экстрэмісцкімі матэрыяламі»
Адпаведнае рашэнне, што даволі нечакана, прыняў суд Ленінскага раёну Берасця. У судовай пастанове ад 19 чэрвеня гаворыцца, што «экстрэмісцкімі матэрыяламі» прызнаны «кантэнт у акаўнце «Вiцебская Вясна» сацыяльнай сеткі Twitter. Гэты рэсурс, заснаваны ў верасні 2018г., мае каля 250-ці сталых чытачоў. Праваабаронцы просяць усіх быць асцярожнымі: калі вы знаходзіцеся ў Беларусі, то пазбягайце каментароў і рэпостаў з інтэрнэт- рэсурсаў «Віцебскай Вясны». Падпіска на іх таксама можа быць расцэнена як распаўсюд «экстрэмісцкіх матэрыялаў».
Беларусы адзначаюць Дзень нараджэння палітзняволенай Яны Пінчук
Сёння, 28 чэрвеня, маладой жанчыне з Віцебску спаўняецца 26 гадоў. У гэты дзень Яна атрымала віншаванні з многіх гарадоў свету. А менавіта з Кішынёва, Рыгі, Навасібірску, Бруселя, Белграда, Варшавы, Мілана, Жэневы і інш. Вось што палітзняволенай напісалі суайчыннікі з Санкт-Пецярбургу.
Расейская ядзерная зброя будзе ўвозіцца ў Беларусь праз Віцебскую вобласць?
Па інфармацыі «Супольнасці чыгуначнікаў Беларусі», дастаўка ядзернай зброі і звязанага з ёй абсталявання на станцыі БЧ пройдзе ў два этапы. Першы этап адбыўся ў чэрвені 2023 года. У гэтым месяцы са станцый расійскай чыгункі на станцыю Прудок, Гарадоцкага раёна (Віцебскае аддзяленне БЧ) было запланавана тры адпраўкі агульнай колькасцю 16 вагонаў.
Віцебскія гарадскія ўлады не спраўляюцца з рамонтам дарог
Жыхары Віцебску на інфармацыйным рэсурсе "Зручны горад" стварылі петыцыю №5640, у якой заклікаюць чыноўнікаў Віцебскага гарвыканкама і гарадскую пракуратуру прыняць меры, каб хутка і якасна адрамантаваць дарогі паміж вул. Чарняхоўскага і вул. Чкалава. Зварот ужо знайшоў падтрымку ў 21 жыхара паўночнай сталіцы. Збор подпісаў па петыцыі працягнецца да 4 ліпеня.
Віцебскі абласны суд пакінуў ў сіле пастанову пра арышт актывісткі Валянціны Болбат
Актывістка з Верхнядзвінску спрабавала абскардзіць пастанову, вынесеную 19 чэрвеня суддзёй Наваполацкага суду Зінаідай Балаболавай: тая прысудзіла Валянціне Болбат 30 сутак арышту за парушэнне ч 2. арт. 19.11 КаАП і ч. 3 арт. 24.23 КаАП. Абласны суд скаргу не падтрымаў і пакінуў рашэнне суду першай інстанцыі без зменаў.