Назіральнікі адзначаюць невысокую актыўнасьць на выбарчых участках. Ужо з самай раніцы па кватэрах выправіліся групы са скрынямі для галасаваньня, бо на ўчасткі ня дужа сьпяшаўся нават «самы надзейны электарат» – пэнсіянэры.

20 і 21 жніўня ў Віцебску прайшлі трэнінгі для назіральнікаў аргкамітэту БХД кампаніі “Права выбару” па Віцебскай-Чкалаўскай выбарчай акрузе №18, дзе кандыдатам ад Правацэнтрысцкай кааліцыі ідзе прамоўца БХД Тацяна Севярынец (зарэгістраваная кандыдатам ў дэпутаты як вылучэнец ад АГП). Падрыхтавана 30 назіральнікаў.

Віцебскі назіральнік за правядзеньнем выбараў у беларускі парлямэнт праваабаронца Леанід Сьвецік ня здолеў дамагчыся ад работнікаў Цэнтральнай выбарчай камісіі краіны праверкі Беларускага таварыства Чырвонага Крыжа (БТЧК), а менавіта: ці выкарыстоўвае арганізацыя замежную фінансавую дапамогу, якую атрымлівае, для правядзеньня выбараў.

Цэнтральная камісія Рэспублікі Беларусь па выбарах і правядзеньні рэспубліканскіх рэфэрэндумаў адмовіла праваабаронцу Леаніду Сьвеціку ў разглядзе дзесяці яго прапаноў па ўдасканаленьні выбарчых працэдур, забесьпячэньні адкрытасьці галасаваньня і падліку галасоў. Прычым усе прапанаваныя ім зьмены, паводле сьцьверджаньня праваабаронцы, не патрабуюць унясеньня зьменаў у дзейны Выбарчы кодэкс краіны.

На пазачарговыя прэзыдэнцкія выбары, якія адбыліся 25 траўня ва Ўкраіне, прыехалі больш за 3 тысячы міжнародных назіральнікаў. Сярод іх былі і беларусы. За тым, як ажыцьцяўляецца волевыяўленьне ўкраінскага народу, назіралі некалькі дзесяткаў актывістаў зь Беларусі. Адным зь іх быў віцебскі праваабаронца Леанід Сьвецік, які распавёў «Дыялёгу» пра свае ўражаньні ад знаходжаньня ва Ўкраіне.

Каардынатар аргкамітэту па стварэньні партыі “Беларуская хрысьціянская дэмакратыя” ў Віцебскай вобласьці Тацьцяна Севярынец атрымала адказ ад старшыні Цэнтральнай выбарчай камісіі Лідзіі Ярмошынай на тое, што назіральнікі на выбарчым участку №46 у Віцебску ня мелі магчымасьці аглядаць падлік галасоў.

У Воршы назіральнікаў абмяжоўваюць у магчымасьці сачыць за выбарчым працэсам. Пра такія факты паведаміў Яўген Анішчанка, сябар аргкамітэту па стварэньні партыі БХД, кандыдат у дэпутаты па Будаўнічай акрузе №3 і назіральнік на ўчастку №6 па Маладзёжнай выбарчай акрузе №8.

Назіральнікі, якія адсочваюць, як праходзіць датэрміновае галасаваньне, адзначаюць шматлікія выпадкі парушэньня выбарчага заканадаўства на ўчастках у Віцебску. Так, большасьць назіральнікаў адзначае, што на час абедзеннага перапынку скрыні для галасаваньня пакідалі пад аховай міліцыі не апячатанымі.

Віцебская настаўніца, якая напярэдадні асноўнага дня галасаваньня на парлямэнцкіх выбарах са скуры вылузвалася, абы толькі вытурыць з выбарчага ўчастку назіральніка ад БХК сябра КХП БНФ Яна Дзяржаўцава, будзе пакараная штрафам у памеры ад 4-х да 10 базавых велічынь. Падчас выбараў, што завяршыліся нядаўна, Натальля Русанава была намесьніцай старшыні ўчастковай выбрачай камісіі, што месьцілася ў гімназіі № 4 Віцебску. У звычайным жа жыцьці яна зьяўляецца завучам гэтай самай гімназіі.

Незалежнага назіральніка ад Беларускага Хэльсынскага Камітэту Яна Дзяржаўцава выдалілі 22 верасьня з ўчастку №14 Віцебскай-Чыгуначнай выбарчай акругі №19. Ён нібыта перашкаджаў працаваць камісіі. Пра гэта сам назіральнік даведаўся, калі прыйшоў на выбарчы ўчастак пасьля абеду. Як распавёў “Дыялёгу” Ян Дзяржаўцаў, дзеля таго, каб пазбавіць яго права назіраць за выбарамі, была скліканая ўся камісія. Сямнаццаць чалавек выбарчай камісіі адзінагалосна прагаласавалі за тое, каб выдаліць назіральніка з участку. Яму нават ня далі слова.