Віцебскі гарвыканкам 27 сакавіка зацьвердзіў план дадатковых мерапрыемстваў па прафіляктыцы і зьніжэньні распаўсюджваньня каранавірусу і іншых рэсьпіраторных інфэкцый, паведаміла Радыё Свабода. Сярод захадаў - абмежаваньне паездак у камандзіроўкі, скасаваньне заняткаў у ВНУ, забарона на масавыя мерапрыемствы ды іншае. Але карантын - не абвешчаны.

Апублікавана ў Сацыяльныя правы

Віцебскі гарвыканкам даў афіцыйны адказ на патрабаваньне праваабаронцы Леаніда Сьвеціка неадкладна ўвесьці карантын у навучальных установах гораду. «З улікам прафіляктычных мерапрыемстваў для папярэджваньня і мінімізацыі распаўсюду каронавіруснай інфэкцыі ў горадзе Віцебску прыняцьце дадатковых мер на дадзены момант не патрабуецца», – лічаць улады.

Апублікавана ў Сацыяльныя правы

Віцебскі праваабаронца Леанід Сьвецік зьвярнуўся да гарадзкіх уладаў з прапановай зрабіць тэрміновыя і неадкладныя захады карантыннага характару ў сувязі з пандэміяй каронавірусу. У прыватнасьці – аб’явіць карантын ва ўсіх навучальных установах Віцебску, забараніць правядзеньне масавых мерапрыемствах з удзелам больш за 20 чалавек, адкрыта і праўдзіва інфармаваць грамадзян аб санітарнай абстаноўцы.

Апублікавана ў Праваабаронцы

У суботу 27 ліпеня старшыня Віцебскага гарвыканкаму Віктар Нікалайкін сустрэўся з жыхарамі гораду, каб абмеркаваць пэрспэктывы разьвіцьця абласнога цэнтру. У сустрэчы ўзялі таксама ўдзел кіраўнікі раённых адміністрацыяў і прадстаўнікі ўсіх гарадзкіх службаў.

Апублікавана ў Дзяржава

“Пакуль касьмічныя караблі барозьняць прасторы сусьветнага акіяну, у горадзе Віцебску спраўляць свае натуральныя патрэбы даводзіцца ў прыбіральнях кшталту “сарцір”, якіх у горадзе процьма”, – паскардзіўся ў электронным звароце ў Віцебскі гарвыканкам праваабаронца Павал Левінаў. І папрасіў чыноўнікаў “павярнуцца тварам да туалетаў”. Як ні дзіўна, да просьбы прыслухаліся…

Апублікавана ў Праваабаронцы

Віцебскі гарвыканкам даслаў афіцыйны адказ на пэтыцыю з просьбай забараніць продаж алькагольных напояў у зоне адпачынку на набярэжнай Віцьбы. Улады пішуць, што гандляваць алькаголем на разьліў у аб’ектах грамадзкага харчаваньня ў парку на набярэжнай Віцьбы можна, бо гэта не супярэчыць дзейнаму заканадаўству.

Апублікавана ў Дзяржава

Віцебскія актывісты грамадзкага аб’яднаньня “Альтэрнатыва” сабралі каля 1000 подпісаў пад зваротам у Віцебскі гарвыканкам з прапановай разьмясьціць у цэнтры гораду шыльдачкі з гістарычнымі назвамі вуліцаў. Нядаўна атрымалі адказ. Улады пішуць, што нанясеньне гістарычных назваў “можа прынесьці пэўныя нязручнасьці для жыхароў і гасьцей гораду…”

Эканамічны суд Віцебскай вобласьці спагнаў на карысьць вайсковых частак больш за 3000 рублёў зь Віцебскага гарвыканкаму і Талачынскага райвыканкаму. Гэта кампэнсацыя шкоды, якая была прычыненая дзяржаве “неабгрунтаваным прызывам на вайсковую службу” двух грамадзян, непрыдатных да яе праз стан здароўя.

Апублікавана ў Суд

6 ліпеня ў адміністрацыі Кастрычніцкага раёну Віцебску адбудзецца адкрытае абмеркаваньне пытаньняў гандлю сьпіртным у зоне адпачынку на Віцьбе.

Апублікавана ў Дзяржава

Пляцоўка для выгулу сабак зьявілася ў двары дамоў №7 (корп. 1 и 2) на вуліцы Чкалава ў верасьні 2014 году. Яе зрабілі бяз згоды з жыхарамі прылеглых да яе дамоў, і яна адразу прычынілася да канфлікту паміж жыхарамі і ўладальнікамі чатырохногіх гадаванцаў. Канфлікт не разьвязваецца ўжо цягам 5 гадоў.

Апублікавана ў Сацыяльныя правы