Валянтэр каманды Ціханоўскай у Віцебску Аляксандар Мацяюк быў затрыманы ўвечары 7 жніўня. Сёньня стала вядома пра затрыманьне чатырох незалежных назіральнікаў. Усім «шыюць» дробнае хуліганства – правапарушэньне паводле арт. 17.1 КаАП. Затрыманьні працягваюцца.

Апублікавана ў Затрыманьні

Актывістку Юлію Ўласенка затрымалі і зьмясьцілі ў ізалятар часовага ўтрыманьня 7 жніўня за заклік у Тэлеграм-чаце арганізавана пайсьці на футбольны матч ФК «Віцебск» – «Іслач». На яе склалі пратакол паводле арт. 23.34 КаАП. Але бліжэй да палуначы Юлію выпусьцілі на волю – у яе паднялася тэмпэратура. Яе маці – блогерка Алена Янушкоўская – застаецца за кратамі.

Апублікавана ў Затрыманьні

Віцебскі актывіст «Народнай Грамады» і валянтэр каманды Ціханоўскай Аляксандар Якушкоў быў затрыманы 4 жніўня і зьмешчаны ў ізалятар часовага ўтрыманьня. За кратамі ён мусіць правесьці 8 сутак арышту, якія яму прысудзілі за ўдзел у перадвыбарчых пікетаваньнях і якія ня далі адбыць напоўніцу да выбараў. Пра гэта паведаміў «Віцебскай Вясьне» паплечнік Якушкова Алег Паўлаў.

Апублікавана ў Затрыманьні

3 жніўня ў судзе Чыгуначнага раёну Віцебску меўся адбыцца суд над віцяблянкай Вольгай Бабінскай, якая пасьля затрыманьня 31 ліпеня правяла трое сутак у ізалятары. Дзяўчыну вінавацяць ва ўдзеле ў несанкцыянаваным масавым мерапрыемстве (ч.1, арт. 23.34) – велапрабегу. Вольгу прывезьлі ў суд толькі пасьля абеду, але разгляд справы так і не адбыўся – матэрыялы вярнулі на дапрацоўку ў міліцыю.

Апублікавана ў Суд

У панядзелак 3 жніўня быў затрыманы віцебскі актывіст Уладзімер Кійко. Яго зьмясьцілі ў ізалятар часовага ўтрыманьня (ІЧУ) адбываць арышт, які яму прысудзілі яшчэ 7 ліпеня за ўдзел у «ланцугу салідарнасьці». Пра затрыманьне паведаміў брат Уладзімера Яраслаў, зь якім яны меліся сёньня зарэгістравацца назіральнікамі на выбарах.

Апублікавана ў Затрыманьні

Каардынатар ініцыятыўнай групы Сьвятланы Ціханоўскай у Віцебску Ўладзімер Кійко 7 чэрвеня быў пакараны за ўдзел у «ланцугу салідарнасьці» на 10 сутак адміністрацыйнага арышту. Але за кратамі ў ізалятары часовага ўтрыманьня (ІЧУ) правёў толькі суткі і быў вызвалены без тлумачэньняў прычын.

Каардынатара ініцыятыўнай групы Сьвятланы Ціханоўскай у Віцебскай вобласьці Уладзімера Кійко затрымалі 6 ліпеня, калі ён явіўся па позьве ў Кастрычніцкі РАУС Віцебску. Пасьля складаньня пратаколу актывіста кінулі ў ізалятар часовага ўтрыманьня. 7 ліпеня суд Кастрычніцкага раёну Віцебску прызнаў яго вінаватым у парушэньні заканадаўства аб масавых мерапрыемствах (ч.3 арт. 23.34 КаАП) і пакараў 10 суткамі арышту.

Апублікавана ў Суд

Віцебскую блогерку Алену Янушкоўскую некалькі разоў зьмяшчалі ў віцебскі ізалятар часовага ўтрыманьня (ІЧУ) пасьля затрыманьняў. Да суду яна правяла за кратамі ІЧУ шэсьць сутак. Там напісала скаргі на непрымальныя і нялюдзкія ўмовы ўтрыманьня. Нядаўна атрымала адказ ад начальніка віцебскага ІЧУ Ўладзімера Сасіноўскага.

Апублікавана ў Пэнітэнцыярная сыстэма

Віцяблянін Мікола Качурэц быў асуджаны па двух пратаколах – за ўдзел у пікетаваньнях 31 траўня і 7 чэрвеня. Судзьдзя Алена Цыганкова прысудзіла яго да 10 сутак адміністрацыйнага арышту. 23 чэрвеня актывіст выйшаў на волю, але сустрэць яго каля ізалятару часовага ўтрыманьня не атрымалася: Качурца адразу адвезьлі ў Чыгуначны РАУС для прафіляктычнай размовы. Адпусьцілі толькі пасьля яе.

Апублікавана ў Пэнітэнцыярная сыстэма

Суд Чыгуначнага раёну Віцебску 15 чэрвеня прызнаў актывіста Міколу Качурца вінаватым у парушэньні заканадаўства аб масавых мерапрыемствах (ч.3 арт. 23.34) і пакараў яго адміністрацыйным арыштам на 10 сутак. Двое сутак актывіст правёў у ізалятары часовага ўтрыманьня (ІЧУ) яшчэ да суду. Судовае паседжаньне праходзіла ў рэжыме скайп-канфэрэнцыі.

Апублікавана ў Суд