Суд Кастрычніцкага раёну Віцебску аштрафаваў на 6 базавых велічынь 19-гадовую навучэнку каледжу Марыю Амасовіч, якая ад 20 кастрычніка знаходзіцца ў СІЗА. Нягледзячы на такое рашэнне, з ізалятару дзяўчыну не выпусцілі: яе зноў затрымалі па новых пратаколах. Марыя застанецца за кратамі да панядзелка.

Апублікавана ў Суд

22 кастрычніка адразу некалькі віцяблян былі запрошаныя для размовы ва Ўпраўленне следчага камітэту па Віцебскай вобласці ў якасці сведкаў у крымінальнай справе, заведзенай па факце нападзення на супрацоўніка МУС падчас сутычкі пратэстоўцаў з міліцыяй 6 верасня на вуліцы Праўды ў Віцебску.

Апублікавана ў Рознае

На 20-гадовую дзяўчыну завялі крымінальную справу за хуліганства. Віцяблянку падазраюць у тым, што яна пашкодзіла службовы мікрааўтобус. Пра гэта паведаміла прэс-служба МУС РБ.

Апублікавана ў Рознае

Суд Кастрычніцкага раёну Віцебску 21 кастрычніка пакараў штрафам у памеры 24 базавыя велічыні віцяблянку Наталлю Перунову. Яе прызналі вінаватай ва ўдзеле «у несанкцыянаваных вулічных шэсцях» 6 і 23 верасня. Жанчына працуе на прадпрыемстве «Віцебскаблсаюздрук», прадае газеты ў шапіку, яе заробак у два разы меншы за прысуджаны штраф.

Апублікавана ў Суд

20 кастрычніка ў судзе Першамайскага раёну Віцебску суддзя Міхаіл Юрчанка, вывучыўшы матэрыялы адміністрацыйных справаў сяброў-пенсіянераў Анатоля Мацьвеева і Аляксандра Нікіценкі, пастанавіў вярнуць матэрыялы ў РАУС для выпраўлення дапушчаных недахопаў.

Апублікавана ў Суд

Суд Кастрычніцкага раёну Віцебску 20 кастрычніка адправіў справу Вячаслава Лазарава, абвінавачанага ў незаконным вырабе і распаўсюдзе прадукцыі сродкаў масавай інфармацыі (ч.2 арт 22.9 КаАП), на дапрацоўку. Адміністрацыйную справу разбіраў суддзя Ілля Белавус.

Апублікавана ў Суд

Суд Кастрычніцкага раёну Віцебску 19 кастрычніка аштрафаваў кандыдатку ў майстры спорту і былую масажыстку зборнай Беларусі па лыжных гонках Ганну Рошчынскую за ўдзел у мірных шэсцях 13 і 20 верасня (арт. 23.34 КаАП). Яе прызналі вінаватай  і аштрафавалі на 12 базавых велічынь.

Апублікавана ў Суд

17 кастрычніка ў памяшканні «Еўрапейскага клуба» прайшоў сход віцебскіх актывістаў партыі БНФ. На парадку дня стаяла некалькі пытанняў: абранне дэлегатаў на агульнарэспубліканскі з'езд і абмеркаванне палітычнай сітуацыі ў краіне, якая склалася пасля прэзідэнцкіх выбараў.

Апублікавана ў Рознае

Суд Віцебскага раёну 16 кастрычніка аштрафаваў на 7 базавых велічынь (189 рублёў) жыхарку аграгарадку Кастрычніцкая 56-гадовую Валянціну Крыштопенка – інваліда першай групы. Жанчыну абвінавацілі ва ўдзеле ў несанкцыянаваных маршах пратэсту, якія прайшлі ў Віцебску 4 і 11 кастрычніка, паведамляе TUT.BY.

Апублікавана ў Суд

Паводле пратаколу, 4 кастрычніка журналістка-фрылансерка Алена Шабуня ўзяла ўдзел у несанкцыянаваным шэсці па Маскоўскім праспекце. Была заўважаная ў групе людзей, якія выказвалі свой пратэст супраць вынікаў прэзідэнцкіх выбараў. Дапушчанае ёй адміністрацыйнае правапарушэнне кваліфікаванае паводле ч.1. арт. 23.34.

Апублікавана ў Суд