Майстар-кляс на тэму «Візуалізацыя online і offline» адбыўся 2 лютага ў Рэгіянальным рэсурсным цэнтры па разьвіцьці дадатковай адукацыі дарослых. Навучальнае мерапрыемства было арганізаванае грамадзкай арганізацыяй «Хрысьціянская садружнасьць дарослых і маладых». Вядоўцай выступіла Валерыя Ваўкагонава, экспэрт і супрацоўнік асьветніцкай установы «Офіс эўрапейскай экспэртызы і камунікацыі», запрошаная зь Менску.

Больш як 40 жыхароў Віцебскай вобласьці вызваленыя ад выплаты збору на фінансаваньне дзяржвыдаткаў у сувязі зь цяжкай жыцьцёвай сытуацыяй. Пра гэта паведаміла намесьніца начальніка інспэкцыі Міністэрства па падатках і зборах па Віцебскай вобласьці Тацяна Ліпская.