Больш за 8,5 тыс. чалавек заявілі ў падатковыя органы пра тое, што не павінны выплачваць збор на фінансаваньне дзяржаўных выдаткаў. Збольшага гэта грамадзяне, якія знаходзіліся за мяжой і прадставілі пацьвярджальныя дакумэнты, у тым ліку ў электронным выглядзе. Амаль у 80% выпадкаў пытаньне вырашанае станоўча, падаткавікі анулявалі адпаведныя апавяшчэньні.
Паводле слоў Тацяны Ліпскай, падчас працы з апавяшчэньнямі паўстала шмат нюансаў. Часам падаткавікі самі запытвалі інфармацыю, якая сьведчыць пра адсутнасьць у грамадзяніна абавязку па выплаце збору. Таму, калі грамадзянін мае права на льготу, ён можа падаць у падатковы орган дакумэнты любым зручным спосабам. Для гэтага няма неабходнасьці ісьці ў падатковы орган. Гэта можна зрабіць па пошце, у тым ліку ў электронным выглядзе, скарыстаўшыся сэрвісам «Электронны зварот» на сайце Міністэрства па падатках і зборах.
Усяго ў Віцебскай вобласьці было накіравана каля 61 тыс. апавяшчэньняў, найбольшая колькасьць – жыхарам Віцебску (каля 21 тыс.), у тым ліку жыхарам Першамайскага раёну абласнога цэнтру амаль 11 тыс. А ў Талачынскім раёне зафіксаваны выпадак выплаты збору па выніках ужо 2016 года, пры гэтым грамадзянін, які добраахвотна заявіў пра свой няўдзел у фінансаваньні дзяржвыдаткаў у 2016 годзе, атрымаў зьніжку 10%.
Збор ўжо заплацілі 3,7 тыс. грамадзян, у бюджэт паступіла больш як 1 млн. рублёў.