“Ці жывы мой сын?” Маці Тараса Аватарава наведала калёнію “Віцьба-3”
Маці асуджанага на 5 гадоў добраахвотніка ўкраінскага корпусу АТА Тараса Аватарава, які паведаміў у паштоўцы пра пагрозы жыцьцю, 14 сьнежня дамаглася сустрэчы з адміністрацыяй калёніі “Віцьба-3”. Яна хацела даведацца пра сапраўдны стан здароўя сына. Ёй паведамілі, што Тарас Аватараў скаргаў на здароўе ня мае і яму ніхто не пагражае.
Удзельнік вайны на Данбасе паскардзіўся, што яму не даюць спаць у калёніі «Віцьба-3»
Тарас Аватараў, добраахвотнік украінскага войска, асуджаны ў Беларусі за незаконнае абарачэньне і кантрабанду выбуховай прылады, ужо месяц ня можа спаць у віцебскай калёніі, у якой адбывае пакараньне. Пра гэта вязень паведаміў сваёй маці Людміле Посьпіх.
Былы вязень калёніі “Віцьба-3” Алан Сьміт заўзеў на “Стэмфард Брыдж” за БАТЭ – у знак салідарнасьці
Такім чынам брытанец, які правёў два гады ў папраўчай калёніі №3 пад Віцебскам, выказаў салідарнасьць са зьняволенымі ў Беларусі, якім, каб пагуляць у футбол, даводзіцца плаціць грошы адміністрацыі.
Брытанец распавёў пра карупцыю ў калёніі “Віцьба-3”
Былы вязень папраўчай калёніі № 3 (пас. Віцьба, Віцебскі р-н) Алан Сьміт, асуджаны ў Беларусі за «арганізацыю незаконнай міграцыі», пачаў выкрываць карупцыю ў пэнітэнцыярнай установе. Першае сэлфі, зробленае ў калёніі, ён выклаў 3 кастрычніка ў Facebook. Мужчына сьцьвярджае, што фота ён зрабіў тэлефонам, які незаконна ў калёнію пранёс галоўны апэратыўнік Ільля Цыркуноў.
Чырвоны Крыж – праваабаронцу: Мы выконваем свае функцыі ва ўзаемадзеяньні з ДВП
З прапановай узяць на сябе абавязак апекавацца іншаземцамі, якія знаходзяцца ў вязьніцах Беларусі, зьвярнуўся ў рэспубліканскі Чырвоны Крыж віцебскі праваабаронца Леанід Сьвецік. І атрымаў дзіўны адказ за подпісам намесьніцы генэральнага сакратара арганізацыі Раманіі Скамарошкі. Яна паведаміла, якімі законамі кіруецца Беларускае Таварыства Чырвонага Крыжа, якая дзяржаўная структура выконвае функцыі ў сфэры выкананьня і адбыцьця пакараньняў, але ні слова не напісала па сутнасьці прапановы.
У калёніі “Віцьба-3” брытанец Алан Сьміт абвясьціў галадоўку
У папраўчай калёніі № 3 у пасёлку Віцьба пад Віцебскам абвясьціў галадоўку грамадзянін Вялікай Брытаніі Алан Сьміт. Пра гэта паведаміла яго жонка Магдалена Валінска ў сацыяльнай сетцы «Фэйсбук».
Японскі мастак Даічы Ёшыда, які правёў 1 год і 9 месяцаў за кратамі, выйшаў на волю
Японец адбываў пакараньне ў папраўчай калёніі №3 пад Віцебскам. Ён быў асуджаны за нелегальны перавоз агнястрэльнай зброі. 22 траўня Даічы вызвалілі, 23 траўня ў менскім аэрапорце яго сустрэлі маці і брат. Яму забаронены ўезд у Беларусь на 5 гадоў.
Грамадзянін Вялікай Брытаніі скардзіцца ў ДВП на ўмовы ўтрыманьня ў папраўчай калёніі № 3
«Гэтае месца завецца «папраўчая калёнія», але насамрэч гэта ня так. Гэтае месца забівае чалавечую душу і спараджае злосьць сярод вязьняў», – напісаў пра ПК № 3 жыхар Лёндану Алан Сьміт начальніку Дэпартамэнту выкананьня пакараньняў МУС Алегу Маткіну.
Японскі мастак Даічы Ёшыда 22 траўня выйдзе на волю зь віцебскай калёніі
Тэрмін пакараньня японскага мастака Даіча Ёшыда зьменшаны да 1 году 9 месяцаў зьняволеньня. Даічы Ёшыда выйдзе на волю 22 траўня. Пра гэта сям’я зьняволенага паведаміла Радыё Свабода.
Пікет ля амбасады Беларусі ў Лёндане: Bring Human Rights to Vićba IK 3
12 сакавіка каля беларускай амбасады ў Лёндане прайшоў пікет у падтрымку грамадзяніна Вялікай Брытаніі Алана Сьміта, які адбывае тэрмін у папраўчай калёніі №3 пад Віцебскам па абвінавачаньні ў арганізацыі нелегальнай міграцыі.