Жыхара Віцебска затрымалі на мяжы і аштрафавалі за распаўсюд «экстрэмісцкіх матэрыялаў»
Справу Івана Шаўчэнкі разбіраў суддзя Лёзненскага суда Аляксей Лапушынскі. Dіцябляніна затрымалі на мяжы з Расейскай Федэрацыяй – на памежным пераходзе Завольша, што ў Лёзненскім раёне -- і склалі пратакол пасля праверкі мабільнага тэлефона. Суд, у выніку якога жыхара Віцебска аштрафавалі на 20 базавых велічынь ( 1110 рублёў), адбыўся 25 жніўня.
Жыхарку Наваполацка аштрафавалі за фотаздымак сабачкі: суд вырашыў, што гэта быў «пікет»
Стаў вядомы працяг гісторыі ціску на сям’ю Грудніцкіх. Наваполацкага лекара-стаматолага Аляксандра Грудніцкага двойчы асудзілі на 15 сутак, ягоную жонку Аллу Грудніцкую двойчы аштрафавалі. Прычым апошні штраф, які прысудзіла суддзя Наваполацкага гарсуду Зінаіда Балаболава, складае ажно 3700 рублёў – 100 базавых велічынь. Апрача гэтага, у жанчыны забралі два тэлефоны – у заклад, каб змусіць яе сплаціць абодва штрафы, агульная сума якіх – 4810 рублёў.
Улады аштрафавалі палітвязня за ачарненне асобы Пуціна і Мядзведзева праз нацысцкія сімвалы
Суддзя суда Расонскага раёна Рада Дамініч 14 жніўня пастанавіла пакараць штрафам у памеры 333 рублёў палітвязня Мікалая Машарскага за тое, што ён у сацыяльных сетках распаўсюдзіў публікацыі, якія змяшчалі нацысцкую атрыбутыку і сімволіку (ч.1 арт.19.10 КаАП). Адміністрацыйная справа была разгледжана без удзелу Мікалая, які зараз утрымліваецца ў Віцебскім абласным следчым ізалятары па абвінавачанні ў падрыхтоўцы асоб для ўдзелу ў групавых дзеяннях, якія груба парушаюць грамадскі парадак (ч.2 арт. 342) і абразе прэзідэнта (ч.1 арт. 368) КК РБ.
За «экстрэмізм» і недазволены пікет улады буйна аштрафавалі жыхара Сянно
Суддзя суда Сенненскага раёна Іна Досава 6 ліпеня за распаўсюд "экстрэмізму" ў сацыяльных сетках і правядзенне масавае мерапрыемства аштрафавала на 1850 рублёў мясцовага жыхара Паўла Якубовіча.
Улады за распаўсюд «экстрэмізму» аштрафавалі жыхарку Талачынскага раёна
Суддзя суда Талачынскага раёна Алеся Саян 21 ліпеня за распаўсюд «экстрэмісцкіх» матэрыялаў у сацыяльнай сетцы пакарала штрафам у памеры 1110 рублёў мясцовую жыхарку маці двух дзяцей Насту Іванову.
Супрацоўніцу Талачынскага лясгаса аштрафавалі на 1110 рублёў «за экстрэмізм»
Штраф Вікторыі Казун, маці траіх дзяцей, 21 ліпеня прысудзіла суддзя Талачынскага райсуду Наталля Барысавец. У той самы дзень у Талачынскам райсудзе была асуджана да такога самага штрафу яшчэ адна жанчына з трыма дзецьмі – Вольга Кубарская. Яе судзіла Алеся Саян, якая толькі нядаўна пачала кар“еру суддзі. Абедзьвюх жанчын аштрафавалі з распаўсюд экстрэмісцкіх матэрыялаў – рэпосты ў сацыяльных сетках з інтэрнэт-рэсурсаў, якія ў Беларусі прызаныя «экстрэмісцкімі».
За адміністраванне сацыяльных сетак і рэпосты штраф 120 базавых велічыняў і канфіскацыя тэлефона
Суддзя Глыбоцкага суда Аляксандр Аляксеенка прысудзіў маладой жанчыне з Глыбокага Надзеі Маліноўскай 25 ліпеня штраф памерам 4440 беларускіх рублёў і канфіскаваў тэлефон “Samsung A41”.
За пікет з сацыяльных сетак улады аштрафавалі на буйную суму жыхарку Оршы
Суддзя суда Аршанскага раёна і Оршы Мікалай Драгуноў 27 ліпеня за правядзенне пікету ў сацыяльных сетках пастанавіў аштрафаваць на 1110 рублёў аршанку Інгу Тыльчык.
Талачынскі суд аштрафаваў за «распаўсюд экстрэмізму» шматдзетную маці з Талачына
Вінаватай паводле ч.2 арт.19.11 КаАП прызналі Вольгу Кубарскую, маці чацьвярых дзяцей. На яе старонцы ў сацыяльнай сетцы міліцыянты знайшли рэпосты з адной з суполак, прызнаных у Беларуси экстрэмісцкімі. Суддзя Алеся Саян пакарала жанчыну штрафам у памеры 1110 рублёў. Таксама суд пастанавіў канфіскаваць тэлефон Кубарскай.
Былую палітзняволеную Ірыну Пярцову аштрафавалі па адміністрацыйнай справе
Ірына Пярцова – адна з удзельніц палітычных перфомансаў, за якія 20 траўня 2022г. былі асуджаны чацвёра жыхароў Віцебска. Усе яны атрымалі розны тэрмін зняволення, Ірына Пярцова – найменшы. Суддзя Віцебскага раённага суду Міхаіл Зубеня прызнаў жанчыну вінаватай паводле ч. 2 арт. 339 Крымінальнага кодэкса (Хуліганства, здзейсненае групай асобаў), і з улікам таго, што ў яе ёсць малое дзіця, асудзіў да двух гадоў пазбаўлення волі ў калоніі. Яна ўжо выйшла на волю, але высветлілася, што яна вінаватая зноў – за тое, што не выдаліла з тэлефона здымкі пра пратэстныя падзеі 2020 г.