Віцебчукі не зьбіраюцца спыняць пратэсты супраць зьнішчэньня парку Партызанскай славы
У панядзелак, 10 кастрычніка, грамадзкія актывісты Віцебску цягам гадзіны зьбіралі подпісы ля помніка Караткевічу. Яны выступаюць супраць зьнішчэньня парку, пераносу помніка беларускаму пісьменьніку і зносу гістарычнага будынка музэю Міная Шмырова. Усё гэта адбудзецца, калі будзе рэалізаваны генэральны плян забудовы гораду пры будаўніцтве Паўночнага моста.
Віцебскі гарвыканкам: Падстаў для пераносу будаўніцтва Сафійскага сабору няма
Законных падстаў для забароны або пераносу будаўніцтва Сафійскага сабору ў Віцебску, які плянуецца пабудаваць у парку па вуліцы Чэхава, на іншую пляцоўку няма. Пра гэта гаворыцца ў адказе начальніка аддзелу архітэктуры і горадабудаўніцтва Віцебскага гарвыканкаму Андрэя Макеева каардынатару аргкамітэту па стварэньні партыі БХД у Віцебскай вобласьці Тацяне Севярынец.
Па пяць базавых – за сьпевы
Судзьдзя Кастрычніцкага райсуду Віцебску Ўладзімер Царыкаў прызнаў пікетаваньне, праведзенае 27 ліпеня насупраць летняга амфітэатру кандыдатамі ў дэпутаты Тацянай Севярынец, Георгіем Станкевічам і Аленай Шабуняй, несанкцыянаваным масавым мерапрыемствам.
Суд па адміністрацыйнай справе супраць віцебскіх кандыдатаў у дэпутаты працягнецца 26 верасьня
22 верасьня у Кастрычніцкім райсудзе Віцебску судзьдзя Ўладзімер Царыкаў разьбіраўся ў акалічнасьцях адміністрацыйнага правапарушэньня, якое супрацоўнікі РАУС угледзелі ў сумесным выкананьні траімі кандыдатамі ў дэпутаты ад «правай кааліцыі» гімну «Магутны Божа». Гімн прасьпявалі падчас выбарчай кампаніі на пікеце па зборы подпісаў.
Віцебскія актывісты дамагліся стварэньня офіса дзіцячых лекараў
Пэдыятрычная амбуляторыя лекараў агульнай практыкі зьявіцца ў мікрараёне Білева. Перамогай віцебскіх актывістаў называе гэты факт каардынатарка ініцыятывы “За якасную мэдыцыну для ўсіх” Тацяна Севярынец.
У Віцебску на адным баку вуліцы дзейнічае выбарчае заканадаўства, а на другім – адміністрацыйнае
З такой аргумэнтацыяй міліцыянтаў сутыкнуліся Алена Шабуня, Тацяна Севярынец і Георгі Станкевіч, якіх абвінавачваюць у несанкцыянаваным пікетаваньні. Актывісты ж настойваюць, што праводзілі пікет па зборы подпісаў.
У сацыяльных сетках распаўсюджваюцца абразьлівыя матэрыялы пра віцебскіх незалежных кандыдатаў
Невядомыя асобы, якія хочуць дыскрэдытаваць дэмакратычных актывістаў, выкарыстоўваюць фота- і відэаматэрыялы з інтэрнэту. У выніку ў сацыяльнай сетцы “Вконтакте” зьявіліся відэаролікі зь пікетаў Тацяны Севярынец, Алены Шабуні і Георгія Станкевіча, але з зусім іншым гукавым шэрагам. Актывісты мяркуюць, што падчас падрыхтоўкі ролікаў маглі быць выкарыстаныя відэазапісы, зробленыя міліцэйскімі апэратарамі.
Супраць трох віцебскіх кандыдатаў адноўленыя адміністрацыйныя справы за сьпевы на пікеце
Алена Шабуня, Тацяна Севярынец і Георгі Станкевіч трапілі пад увагу міліцыі 27 ліпеня за сьпевы на пікеце па зборы подпісаў. Супрацоўнік Кастрычніцкага РАУС апытаў актывістаў, супраць якіх была распачатая адміністрацыйная вытворчасьць нібыта за несанкцыянаваную вулічную акцыю. 11 жніўня ўсім тром паведамілі, што справы спыненыя. Аднак абласная ўправа міліцыі вырашыла, што райаддзел не ўлічыў нейкія акалічнасьці, і справы аднавілі.
Тацяна Севярынец: Жаданьня дапамагаць людзям я не згублю ніколі
Кандыдатка ў дэпутаты па Віцебскай-Чкалаўскай выбарчай акрузе №18 Тацяна Севярынец удзень 26 жніўня правяла пікет у мікрараёне Білева. Падчас пікету яна спалучыла агітацыйныя задачы з элемэнтамі дзіцячага мастацкага пленэру пад назвай «У Білеве няма. А я мару...»: білеўскія дзеці малявалі свае мары. А ўвечары ў актавай залі школы №46 адбылася сустрэча з выбаршчыкамі.
БХД навучыла віцебчукоў быць назіральнікамі на выбарах
20 і 21 жніўня ў Віцебску прайшлі трэнінгі для назіральнікаў аргкамітэту БХД кампаніі “Права выбару” па Віцебскай-Чкалаўскай выбарчай акрузе №18, дзе кандыдатам ад Правацэнтрысцкай кааліцыі ідзе прамоўца БХД Тацяна Севярынец (зарэгістраваная кандыдатам ў дэпутаты як вылучэнец ад АГП). Падрыхтавана 30 назіральнікаў.