Згодна з пратаколам аб адміністрацыйным правапарушэнні Валерый, у сацыяльнай сетцы «Аднакласнікі», размясціў відэаматэрыял дэструктыўнага характару пад назвай «В.Жырыноўскі пра А.Лукашэнку» з лагатыпам «Белсат». Там жа ў раздзеле “групы” работнікі міліцыі знайшлі падпіску на групу “Афіцыйная група Хартыі'97”. Усе гэтыя публікацыі ўлады раней уключылі ў рэспубліканскі спіс экстрэмісцкіх матэрыялаў.

У судовым паседжанні мужчына сваю віну не прызнаў, і настойваў на тым, што ён экстрэмісцкіх матэрыялаў на сваёй старонцы ў сацыяльнай сетцы «Аднакласнікі» не размяшчаў.

Тым не менш, суддзя Балаболава палічыла дачыненне і віну ў здзяйсненні правапарушэння Максіменкам даказанымі і на падставе ч.2 арт.19.11 КаАП пакарала яго арыштам тэрмінам на дзесяць сутак.

Пётр Лабкоўскі