Згодна з пратаколам, які паступіў з мясцовага АУС у суд, Генадзь у сацыяльнай сетцы «Facebook», у раздзеле «Падпіскі» захоўваў інфармацыю суполак экстрэмісцкага характару: «Чай з малінавым варэннем», «charter97.org», «Фонд салідарнасці BYSOL/Belarus solidarity foundation » і «Тактычная група Беларусь». Гэтыя інфармацыйныя крыніцы раней уладамі былі ўключаны ў рэспубліканскі спіс экстрэмісцкіх матэрыялаў.

Суддзя Болоболова ў судовым працэсе ацаніла ўсе наяўныя доказы і прыйшла да ўнутранай перакананасці, што віна Вазьміцеля даказанай цалкам і на падставе ч.2 арт.19.11 КаАП пастанавіла пакараць мужчыну адміністрацыйным арыштам тэрмінам на 15 сутак.

Святлана Глаголева