Каталіцкі святар Вячаслаў Барок выйшаў на волю з віцебскага СІЗА
У Віцебску пасля 10 сутак арышту, прысуджаных за размяшчэнне ў сацсетках выявы плакату Уладзіміра Цэслера «Стоп Лукашызм», выйшаў на волю ксёндз Вячаслаў Барок – пробашч парафіі святога Язафата Кунцэвіча ў Расонах. Яго вызвалілі ўвечары 13 снежня. На волі айца Вячаслава сустракалі некалькі дзясяткаў людзей, паведамляе Беларускае Радыё Рацыя.
Ксяндза Вячаслава Барка ўтрымліваюць у віцебскім СІЗА
3-га снежня ў судзе Расонскага раёну пробашча мясцовай парафіі ксяндза Вячаслава Барка асудзілі да 10 сутак арышту. Святара прызналі вінаватым у правапарушэнні паводле артыкулу 17.10 КаАП («Прапаганда або публічная дэманстраванне і (або) распаўсюд нацысцкай сімволікі і атрыбутыкі»). Вячаслаў Барок адбывае пакаранне ў СІЗА-2 Віцебску, перадае Беларускае Радыё Рацыя.
Каталіцкай верніцы прысудзілі 10 сутак арышту за малітву каля касцёлу
Віцяблянка Ала Рошчынская 13 лістапада прыйшла да катэдральнага касцёлу Езуса Міласэрнага ў Віцебску, каб памаліцца за супакой душы забітага Рамана Бандарэнкі. Усклала кветкі да крыжу, запаліла лампадку, разам з іншымі стала ў ланцуг памяці. 7 снежня суд Першамайскага раёну Віцебску пакараў яе за гэта 10 суткамі адміністрацыйнага арышту. Жанчыну затрымалі адразу па сканчэнні працэсу.
Віцяблянам, якія паклалі дзве ружы на прыступкі УУС, прысудзілі «суткі» і папярэдзілі
Суд Кастрычніцкага раёну Віцебску пакараў адміністрацыйным арыштам і папярэджаннем жыхароў абласнога цэнтру Таццяну Арэх і Яўгена Іванова за ўскладанне кветак на прыступкі будынку ўпраўлення ўнутраных спраў аблвыканкаму. Суд прызнаў іх вінаватымі ва ўчыненні несанкцыянаванага пікетавання (арт. 23.34 КаАП).
У Віцебску падчас і пасля маршу памяці Рамана Бандарэнкі затрымалі каля 25 чалавек
Паводле звестак віцебскіх праваабаронцаў, міліцыянты затрымалі каля 25 удзельнікаў мірнага шэсця, прысвечанага памяці беларуса Рамана Бандарэнкі, які быў жорстка збіты невядомымі і памёр у менскім шпіталі. Марш памяці прайшоў у Віцебску 15 лістапада. Удзел у шэсці ўзяла каля 300 віцяблян.
Міколу Качурцу прысудзілі 15 сутак арышту. Ён не затрыманы
Суд Першамайскага раёну Віцебску 5 лістапада пастанавіў пакараць вядомага віцебскага актывіста Міколу Качурца адміністрацыйным арыштам на 15 сутак за ўдзел у вулічным шэсці, якое адбылося 20 верасня. На суд Мікола Качурэц не прыйшоў. Ягоную справу разглядала суддзя Вераніка Барысава.
Пачаўся працэс над 18-гадовай Сафіяй Цярэнцьевай. У справе з'явіўся другі пратакол
18-гадовая віцяблянка Сафія Цярэнцьева 29 кастрычніка зладзіла ў падтрымку рэпрэсаваных студэнтаў адзіночны пікет. У той жа дзень дзяўчына была адлічаная з тэхналагічнага каледжа, яе затрымалі і змясцілі ў СІЗА, дзе правяла трое сутак. 4 лістапада адміністрацыйную справу (ч.3 арт. 23.34 КаАП), заведзеную ў дачыненні Цярэнцьевай, пачаў разглядаць суд Кастрычніцкага раёну Віцебску.
З СІЗА выйшлі Казакевіч і Лазараў. Пасля вызвалення ў кватэры Казакевіча адбыўся ператрус
14 кастрычніка ў судзе Першамайскага раёну Віцебску суддзя Міхаіл Юрчанка разгледзеў дзве адміністрацыйныя справы ў дачыненні да журналіста «Белсату» Змітра Казакевіча і адну ў дачыненні да аператара «Белсату» Вячаслава Лазарава. Да суду журналісты трое содняў правялі ў СІЗА. Суд праходзіў у анлайн-рэжыме праз Skype.
Актывіст «Народнай Грамады» Алег Паўлаў выйшаў з СІЗА пасля 8 сутак арышту
8 кастрычніка з віцебскага СІЗА пасля 8 содняў адміністрацыйнага арышту на волю выйшаў актывіст Алег Паўлаў. Некалькі дзясяткаў сяброў і паплечнікаў сустракалі яго каля ізалятару. Для Паўлава гэта быў ужо трэці арышт за ўдзел у масавых шэсцях і акцыях. Да гэтага актывіст адбыў за кратамі 10 сутак.
Затрыманыя 24 верасня Сафія Цярэнцьева і Паліна Нітчанка застаюцца за кратамі СІЗА
24 верасня ў Віцебску адбыліся масавыя затрыманні ўдзельнікаў мірных маршаў, якія прайшлі ў горадзе 20 і 23 верасня. Сярод затрыманых – віцебскія студэнты Паліна Нітчанка, Наста Чарнавок, Антон Панамарэнка, Данііл Кісялёў, а таксама навучэнка аднаго з віцебскіх каледжаў Сафія Цярэнцьева. Усе затрыманыя былі змешчаныя ў СІЗА, бо ізалятар часовага ўтрымання на рамонце. 25 верасня многія з затрыманых заставаліся за кратамі.