Афіцыйнае папярэджаньне наконт недапушчальнасьці ўдзелу ў несанкцыянаваных мерапрыемствах далі жыхару Віцебску Аляксею Саламаненку. Несанкцыянаваным пікетам пракуроры палічылі стрым блогера Сяргея Ціханоўскага, які прыяжджаў у Віцебск 30-га красавіка, перадае Беларускае Радыё Рацыя.

Апублікавана ў Мірныя сходы

Блогерка Алена Янушкоўская накіравала пракурору Віцебскай вобласьці скаргу на афіцыйнае папярэджаньне, якое на мінулым тыдні ёй вынесла раённая пракуратура. «Замест таго, каб стаць на абарону маіх правоў на свабоду мірных сходаў і выказваньня меркаваньняў пракурор Віцебскага раёну Шклярэўскі стаў на шлях запалохваньня», – сьцьвярджае актывістка.

Апублікавана ў Свабода слова

Пракуратура гораду Віцебску вынесла афіцыйнае папярэджаньне адміністратарцы Тэлеграм-каналу «Краіна для жыцьця» Юліі Барсуковай пра недапушчальнасьць парушэньня заканадаўства аб масавых мерапрыемствах. Папярэджаньне вынесенае 14 траўня.

Апублікавана ў Мірныя сходы

Актывістка і блогерка Алена Янушкоўская атрымала 13 траўня позву з пракуратуры Віцебскага раёну і мусіла сёньня явіцца да пракурора, але праз рэжым самаізаляцыі рабіць гэта адмовілася. У пракуратуру яе прывезьлі супрацоўнікі Віцебскага РАУС. З Аленай Янушкоўскай правялі размову і ўручылі афіцыйнае папярэджаньне пра недапушчальнасьць парушэньня заканадаўства.

Апублікавана ў Свабода слова

Віцебская блогерка і актывістка БХД Алена Янушкоўская атрымала позву ў пракуратуру. Паперу Янушкоўскай уручылі два супрацоўнікі міліцыі ў цывільным, якія прыяжджалі да яе дадому. У пракуратуру трэба зьявіцца 14 траўня, паведаміла актывістка.

Апублікавана ў Свабода слова

У 2019 годзе ў органах пракуратуры Віцебскай вобласьці было разьвязана больш за 5000 зваротаў грамадзян. З гэтай колькасьці цалкам ці часткова было задаволена 27% зваротаў, паведамляе арганізацыйна-кантрольны аддзел пракуратуры Віцебскай вобласьці.

Апублікавана ў Дзяржава

Толькі на тэрыторыі Віцебску ў 2019 годзе было зафіксавана 5 выпадкаў сьмерці ад перадазаваньня наркатычнымі сродкамі, паведамілі ў пракуратуры Віцебскай вобласьці. Адзначаецца, што пазалетась, у 2018 годзе, сьмерцяў з прычыны ўжываньня наркотыкаў наогул не рэгістраваліся.

Апублікавана ў Рознае

У 2019 годзе за ўчыненьне 217 карупцыйных злачынстваў да крымінальнай адказнасьці ў Віцебскай вобласьці прыцягнулі 105 службовых асобаў. Такую лічбу агучылі падчас абласной каардынацыйнай нарады па барацьбе са злачынствам і карупцыяй.

Апублікавана ў Дзяржава

За 9 месяцаў 2019 году ад гвалтоўных злачынстваў супраць полавай недатыкальнасьці ў рэгіёне пацярпеў 21 непаўнагадовы. Такая статыстыка была агучаная падчас каардынацыйнай нарады, якая адбылася на днях у пракуратуры Віцебскай вобласьці.

Апублікавана ў Правы дзіцяці

Сьледчае ўпраўленьне УСК па Віцебскай вобласьці завяршыла расьсьледаваньне крымінальнай справы аб незаконным абарачэньні наркатычных сродкаў і псыхатропных рэчываў, учыненым групай асобаў. Па справе праходзяць чатыры хлопцы, траім зь якіх – 19 гадоў, паведамляе прэс-служба УСК па Віцебскай вобласьці.

Апублікавана ў Рознае