У паведамленьні ўдакладняецца, што сярод студэнтаў, якія вучацца ў дзяржаўных установах на дзённай форме навучаньня, доля «бюджэтнікаў» складае 57,6%.
Паводле Белстату, у 2019 годзе студэнтамі сталі 5,7 тысяч чалавек.
Найбольшая колькасьць першакурсьнікаў выбрала спэцыяльнасьці тэхнічнага і будаўнічага профілю (22,1%), крыху меней – эканамічнага і юрыдычнага профіляў (18,6%), яшчэ менш – сацыяльнай накіраванасьці (16,9%) і сельскагаспадарчага профілю (16,4%), сама меней студэнтаў выбрала пэдагагічныя (15,3%) і гуманітарныя (8,4%) спэцыяльнасьці.
Выпуск адмыслоўцаў з установаў вышэйшай адукацыі ў 2019 годзе
Графіка: vitebsk.belstat.gov.by
У 2019 годзе ВНУ скончылі 5,8 тыс. чалавек, кожны чацьверты зь іх атрымаў спэцыяльнасьць эканамічнага профілю.
У разьліку на 10 тысяч чалавек насельніцтва Віцебскай вобласьці прыпадае 230 студэнтаў і магістрантаў ВНУ.
Зьміцер Міраш