Вольга Карач — кіраўніца цэнтру грамадзянскіх ініцыятываў «Наш дом». У верасні 2021г. беларускі КДБ унёс Карач у «спіс тэрарыстаў», а МУС Беларусі ў траўні 2022 г. аб'явіла арганізацыю «Наш дом» «экстрэмісцкім фармаваннем». Сябе Вольга Карач называе праваабаронцай, а арганізацыю «Наш дом» - праваабарончай.

У Вільні Карач жыве ўжо шмат гадоў, але заўсёды падкрэслівае, што не парывала сувязяў з Беларуссю. Толькі ў 2020г. яна абвясціла пра тое, што ўжо даўно было фактам: што яна збіраецца стала жыць у замежжы. Паводле словаў Вольгі Карач, разам з мужам і двума дзецьмі яны здымае прыватны дом на ўскраіне сталіцы, кошт арэндаванага жытла яна не называе. Колькі яна зможа заставацца ў Літве пасля прынятага ўладамі рашэння, пакуль не вядома.

Апошняе, што прыгадваюць у Віцебску ў сувязі з імем Вольгі Карач – гэта тое, што яна прадала незалежную мясцовую газету «Віцебскі кур“ер» менскаму ўладальніку Аляксею Шаблоўскаму. Рэдакцыйны калектыў звольніўся на знак пратэсту. Выданне, якое асвятляла жыццё віцебскага рэгіёну, паступова ператварылася ў дайджэст навінаў з усёй Беларусі.

Феліцыян Красоўскі