Ксяндза Вячаслава Барка ўтрымліваюць у віцебскім СІЗА
3-га снежня ў судзе Расонскага раёну пробашча мясцовай парафіі ксяндза Вячаслава Барка асудзілі да 10 сутак арышту. Святара прызналі вінаватым у правапарушэнні паводле артыкулу 17.10 КаАП («Прапаганда або публічная дэманстраванне і (або) распаўсюд нацысцкай сімволікі і атрыбутыкі»). Вячаслаў Барок адбывае пакаранне ў СІЗА-2 Віцебску, перадае Беларускае Радыё Рацыя.
Каталіцкай верніцы прысудзілі 10 сутак арышту за малітву каля касцёлу
Віцяблянка Ала Рошчынская 13 лістапада прыйшла да катэдральнага касцёлу Езуса Міласэрнага ў Віцебску, каб памаліцца за супакой душы забітага Рамана Бандарэнкі. Усклала кветкі да крыжу, запаліла лампадку, разам з іншымі стала ў ланцуг памяці. 7 снежня суд Першамайскага раёну Віцебску пакараў яе за гэта 10 суткамі адміністрацыйнага арышту. Жанчыну затрымалі адразу па сканчэнні працэсу.
Арцыбіскуп Кандрусевіч: Удзельнічайце ў набажэнствах Вялікага тыдня праз СМІ
Старшыня Канфэрэнцыі Каталіцкіх Біскупаў у Беларусі арцыбіскуп Тадэвуш Кандрусевіч 3 красавіка заклікаў вернікаў у сувязі з пандэміяй каронавірусу ўстрымацца ад наведваньня касьцёлаў і ўдзельнічаць у сьвяточных набажэнствах з дапамогай анлайн-трансляцый, паведамляе catholic.by.
Каталікі прайшлі па Віцебску працэсіяй – каля 500 удзельнікаў (фота)
У суботу 1 чэрвеня каталіцкія сьвятары і вернікі прайшлі па гораду працэсіяй Божага Цела. У рэлігійным шэсьці, якое пачалося пасьля ўрачыстай імшы ў катэдральным касьцёле Езуса Міласэрнага, узяла ўдзел паўтысячы чалавек. Калёну суправаджалі міліцыянты і мэдыкі.
Біскуп Віцебскі: Шчыры жаль, але камунізм у нас яшчэ ня скончыўся…
Горкія словы пра камунізм, які ў нас, на жаль, “яшчэ ня скончыўся”, біскуп Віцебскі Алег Буткевіч сказаў напрыканцы нядзельнай імшы ў катэдральным касьцёле, на якой вернікі парафіі разьвіталіся са сваім пробашчам Паўлам Кнурэкам. Ксёндз-паляк Павал Кнурэк пакідае Беларусь, бо ўлады забаранілі яму служыць у нашай краіне.
Адміністрацыя прэзыдэнта адказала віцебскім вернікам на просьбу аб вяртаньні ксяндза Паўла Кнурэка
Віцебскія вернікі-каталікі атрымалі адказ з Адміністрацыі прэзыдэнта на просьбу дазволіць пробашчу катэдральнага касьцёлу ў Віцебску ксяндзу Паўлу Кнурэку служыць у Беларусі. Адміністрацыя выказала меркаваньне, што Ўпаўнаважаны па справах рэлігіяў і нацыянальнасьцяў, які не працягнуў ксяндзу дазвол на служэньне, беларускага заканадаўства не парушаў.
“Неразуменьне і абурэньне”. Віцебскія каталікі зьвярнуліся да Лукашэнкі
Віцебскія вернікі-каталікі просяць прэзыдэнта паспрыяць у вырашэньні пытаньня аб вяртаньні ў Беларусь ксяндза Паўла Кнурэка – пробашча парафіі Езуса Міласэрнага ў Віцебску. Пад зваротам да Лукашэнкі падпісаліся 465 чалавек.
Віцебскія каталікі атрымалі адказ на зварот аб вяртаньні пробашча катэдральнага касьцёлу
Вернікі парафіі Езуса Міласэрнага ў Віцебску 6 лютага атрымалі адказ на калектыўны зварот да Ўпаўнаважанага па справах рэлігій і нацыянальнасьцяў Леаніда Гулякі, у якім прасілі перагледзець рашэньне аб забароне служэньня ў Беларусі пробашча Паўла Кнурэка. Адказ адмоўны.
Пробашчу катэдры ў Віцебску забаранілі служыць у Беларусі. Каталікі зьбіраюць подпісы
За адзін дзень пад зваротам да Упаўнаважанага ў справах рэлігіі і нацыянальнасьцяў Леаніда Гулякі падпісалася каля 300 чалавек. Віцебскія каталікі выказваюць незадавальненьне і патрабуюць, каб ім вярнулі іх духоўнага айца і пробашча парафіі Езуса Міласэрнага ў Віцебску Паўла Кнурэка. Пазьней тэкст звароту быў апублікаваны на пляцоўцы Petitions.by.
“Гэта ня сьведчыць, што мы дармаеды”. Біскуп Віцебскі – пра “няўдзел у эканоміцы”
Біскуп Віцебскі Алег Буткевіч закрануў падчас перадкаляднай прэс-канфэрэнцыі некаторыя этычныя аспэкты “дармаедзтва” як зьявы. Чалавек мае абавязак працаваць і мусіць выплачваць падатак, але ёсьць яшчэ адзін прынцып…