Пра супольную ініцыятыву ДАІ і моладзевага атраду аховы правапарадку талачынскай арганізацыі БРСМ распавёў Тэлеграм-канал «Молодёжь Витебской области». 21 лютага там быў выкладзены відэаролік з няхітрым сюжэтам: супрацоўнікі ДАІ спыняюць машыны, маладыя людзі з БРСМ уручаюць кіроўцам памяткі пра дату «рэферэндуму».

Талачынскі раённы аддзел сьледчага камітэту распачаў крымінальную справу ў дачыненьні 25-гадовага жыхара Талачынскага раёну за «ўхіленьне ад мерапрыемстваў прызыву на вайсковую службу» (ч.1 арт. 435 КК РБ). Мужчыне пагражае да двух гадоў пазбаўленьня волі.

У 2015 годзе жыхара Талачына Дзьмітрыя Голубева прызналі вінаватым у наўмысным забойстве інспэктара прыродааховы і асудзілі на пажыцьцёвае зьняволеньне (ч.2. арт.139 КК). Усё адбылося хутка: ад моманту затрыманьня да абвяшчэньня прысуду прайшло ўсяго паўгоду. Але і падчас сьледзтва, і на судзе мужчына сьцьвярджаў, што наўмысна не забіваў – здарыўся няшчасны выпадак…

Калі ў Беларусі за 10 месяцаў бягучага году азначылася тэндэнцыя зьніжэньня злачыннасьці сярод непаўналетніх, то на Віцебшчыне назіраецца адваротная карціна. Больш таго, павялічылася колькасьць учыненых падлеткамі асабліва цяжкіх злачынстваў.

Аграэкасядзіба зьявілася на базе СШ №2 у Талачыне. Рэальным жа гэта стала дзякуючы настаўніцы Тамары Сушковай. Менавіта яна перамагла ў конкурсе разьвіцьця мясцовых ініцыятыў ад ААН і выйграла грант на рэалізацыю гэтай самай ініцыятывы ў памеры 18 тысяч даляраў.

Асобныя праваслаўныя сьвятары аказаліся ўцягнутыя ў сумнеўную актыўнасьць. Датычнай аказалася і віцебская арганізацыя беларускіх афганцаў «Братэрства».