Пяцёра жыхароў Віцебску, сяброў КХП БНФ, зьвярнуліся ў адміністрацыі Першамайскага і Чыгуначнага раёнаў Віцебску па дазвол правесьці акцыі да 98-х угодкаў утварэньня Беларускай Народнай Рэспублікі.

Апублікавана ў Мірныя сходы

Апазыцыянэра затрымалі пасьля ўскладаньня кветак да помніку Караткевічу і памятнай дошкі Быкаву. Пра гэта паведаміла Алена Каваленка: «Яна Дзяржаўцава затрымалі каля 14 гадзін на вуліцы Кірава ў Віцебску, ён вяртаўся дадому пасьля ўскладаньня кветак з нагоды Дня Волі да помніку Ўладзімеру Караткевічу і памятнай дошкі Васілю Быкаву. А да гэтага сваякі актывіста паведамілі, што да яго прыходзілі двое міліцыянтаў дадому. Да мяне 10 хвілін таму прыйшла суседка і сказала, што мяне таксама шукалі два міліцыянты».

Апублікавана ў Затрыманьні

У Наваполацку прадстаўнікі палітычных партыяў і дэмакратычных грамадзкіх арганізацыяў падалі заяўку на правядзеньне пікету ў Дзень Волі, 25 сакавіка. Мэта пікету - патрабаваньне ад уладаў Беларусі неадкладнага вызваленьня палітвязьняў.

Апублікавана ў Акцыі

Прычына забароны ўжо традыцыйная: адсутнасьць дамоваў на абслугоўваньне акцыі мэдыкамі, камунальнымі службамі і міліцыяй. Пры гэтым раённае міліцэйскае кіраўніцтва наўпрост заявіла ініцыятарам пікету, што заключаць папярэднія дамовы адмаўляецца.

Апублікавана ў Акцыі

Кастрычніцкі райсуд Віцебску адмовіў двум актывістам, якія хацелі ў судовым парадку змусіць цэнтральную гарадзкую паліклініку падпісаць дамову на мэдычнае абслугоўваньне ўдзельнікаў сьвяткаваньня Дня Волі. Але суд не пагадзіўся прызнаць, што забарона вынесеная з парушэньнямі — як адпаведнага рашэньня выканкаму, так і беларускага заканадаўства.

Апублікавана ў Суд

Віцебская актывістка Антаніна Піванос працягвае сваё змаганьне ў судзе за тое, каб дзяржава выканала рашэньне Камітэту ААН па правох чалавека ў дачыненьні да яе. У адрозьненьне ад першага паседжаньня, што праходзіла пяцьцю днямі раней, 30 красавіка ў суд прыйшоў таксама прадстаўнік адказчыка – галоўнага ўпраўленьня Міністэрства фінансаў Рэспублікі Беларусь па Віцебскай вобласьці.

Апублікавана ў Суд

Падчас сёлетняга сьвяткаваньня Дня Волі Антаніна Піванос нарэшце змагла ўручыць падарунак віцебскаму распаўсюдніку незалежнай прэсы Барысу Хамайду. Габэлен, на якім актывістка вышыла словы малітвы «Ойча наш», падобны да габэлену, які яна зьбіралася падарыць спадару Хамайду яшчэ ў 2008 годзе, на 90-я ўгодкі абвяшчэньня незалежнасьці БНР. Але тады спроба зрабіць гэта аказалася няўдалай: Антаніну Піванос схапілі міліцыянты, габэлен адабралі, а саму актывістку судзілі нібыта за парушэньне закону «Аб масавых мерапрыемствах у Рэспубліцы Беларусь».

Апублікавана ў Рознае

У Віцебску затрыманыя сябры партыі БНФ — цяперашні старшыня абласной арганізацыі Леанід Аўтухоў і былы кіраўнік гэтай структуры Кастусь Смолікаў. У гандлёвым цэнтры «Эвіком» яны раздавалі ўлёткі з запрашэньнем на мітынг 25 сакавіка. Цяпер актывісты знаходзяцца ў ізалятары часовага ўтрыманьня, суд над імі адбудзецца 25 сакавіка.

Апублікавана ў Акцыі

Актывісты «Гавары праўду», руху “За свабоду”, аргкамітэту БХД, сабраліся разам для абмеркаваньня правядзеньня Дня Волі ў Віцебску, нягледзячы на афіцыйную забарону мясцовых уладаў. Удзельнікам сустрэчы было прапанавана напярэдадні сьвяткаваньня Дня Волі напісаць лісты палітвязьням. Усім прысутным былі раздадзеныя адмысловыя буклеты з адрасамі палітвязьняў, улёткі. Удзельнікамі сустрэчы было напісана каля 40 лістоў.

Апублікавана ў Рознае

Актывісты “Беларускай хрысьціянскай дэмакратыі” 14 сакавіка разам з прадстаўнікамі дэмакратычнай грамадзкасьці Віцебску ў межах падрыхтоўкі да Дня Волі ўзялі ўдзел у агульнанацыянальнай дыктоўцы паводле “Лістоў з-пад шыбеніцы” Кастуся Каліноўскага. Потым прысутныя далучыліся да “Хвалі салідарнасьці” і напісалі лісты падтрымкі палітвязьням.

Апублікавана ў Акцыі