Маці асуджанага на 5 гадоў добраахвотніка ўкраінскага корпусу АТА Тараса Аватарава, які паведаміў у паштоўцы пра пагрозы жыцьцю, 14 сьнежня дамаглася сустрэчы з адміністрацыяй калёніі “Віцьба-3”. Яна хацела даведацца пра сапраўдны стан здароўя сына. Ёй паведамілі, што Тарас Аватараў скаргаў на здароўе ня мае і яму ніхто не пагражае.

Апублікавана ў Пэнітэнцыярная сыстэма

Тарас Аватараў, добраахвотнік украінскага войска, асуджаны ў Беларусі за незаконнае абарачэньне і кантрабанду выбуховай прылады, ужо месяц ня можа спаць у віцебскай калёніі, у якой адбывае пакараньне. Пра гэта вязень паведаміў сваёй маці Людміле Посьпіх.

Апублікавана ў Пэнітэнцыярная сыстэма

ААТ «Аршанскі авіярамонтны завод» афіцыйна перайшло пад кантроль беларускай дзяржавы, а ўкраінская «Мотор Січ» выйшла са складу акцыянэраў, піша БелаПАН. Гэта пацьвердзілі ў Дзяржаўным камітэце маёмасьці. Украінцы кажуць, зь імі разьлічыліся за 60% акцыяў заводу.

Апублікавана ў Дзяржава

Украінская экспэртка Тацяна Кавальчук зь няўрадавай арганізацыі «Маладая Чаркашчына» правяла ў Віцебску сустрэчу зь мясцовымі грамадзянскімі актывістамі на тэму «Адвакацыя грамадзкіх інтарэсаў: украінскі досьвед».

Апублікавана ў Праваабаронцы

Акцыі ў падтрымку вязьня Алега Сянцова, які з 14 траўня галадае ў расейскай папраўчай калёніі «Белы мядзьведзь» у горадзе Лабытнангі (Ямала-Нянецкая аўтаномная акруга), праходзяць 1 і 2 чэрвеня ва ўсім сьвеце. Не засталіся ўбаку і жыхары Віцебску.

Апублікавана ў Акцыі

На міжнародным турніры для спартоўцаў з парушэньнямі зроку, што прайшоў у Віцебску ў сакавіку, выступіла каманда з Данецку, якая пазыцыянавала сябе як «зборная ДНР».

Арт-праект pARTisan сумесна з паблікам “Маладое кіно” зладзілі ў Віцебску паказ дакумэнтальных стужак маладых рэжысэраў з Украіны і Беларусі. “Ленінапад” Сьвятланы Шымко выклікаў вострую дыскусію. А дэбютны фільм віцяблянкі Вольгі Прусак “БЕЛ-79” атрымаў захапляльныя водгукі. Кінапрагляд адбыўся ў віцебскім арт-цэнтры VZAP.

Апублікавана ў Культурныя правы

Грамадзяне Ўкраіны некалькі месяцаў безвынікова шукаюць хоць якую працу ў Віцебску. Маладая пара ў адчаі зьвярнулася па дапамогу ў сацыяльныя сеткі і атрымала безьліч саркастычных камэнтароў. Карыстальнікі раілі як мага хутчэй купляць зваротны білет: “тут сваіх абадранцаў хапае”. “Гэта ж у якой краіне трэба жыць, каб прыехаць у РБ на заробкі?..” – пішуць.  Украінцы ж пакуль не здаюцца…

Апублікавана ў Мігранты

Пэнсіянэрка Антаніна Піванос меркавала зладзіць публічнае вышываньне ўкраінскай сымболікі і адначасна даць людзям праўдзівую інфармацыю пра падзеі ва Ўкраіне. Заявы аб правядзеньні пікетаваньняў дасылала ў адміністрацыі ўсіх трох раёнаў Віцебску, але адусюль атрымала адмовы.

Апублікавана ў Акцыі

Вайсковыя вучэньні яшчэ не пачаліся, але ўжо выклікалі пратэставыя настроі сярод жыхароў розных куткоў краіны. Ня стаў выключэньнем і Віцебскі раён, дзе невядомыя прымацавалі некалькі расьцяжак антываеннага зьместу: «Рускі салдат, ідзі дамоў!!!» Надпісы адмыслова зробленыя па-расейску.

Апублікавана ў Акцыі
Старонка 1 з 5