Згодна з пастановай Савета Міністраў, 20 красавіка, пройдзе рэспубліканскі суботнік, на якім жыхары вобласці будуць працаваць на сваіх працоўных месцах або ажыццяўляць добраўпарадкаванне тэрыторый населеных пунктаў і сацыяльных і іншых аб'ектаў. Заробленыя падчас суботніка грашовыя сродкі пойдуць на рэалізацыю розных праектаў у асноўным на будаўніцтва, рэканструкцыю і аднаўленне мемарыяльных комплексаў прысвечаных апошняй сусветнай вайне.

Згодна статдадзеным у 2023 годзе атрымалі жыллё і палепшылі жыллёвыя ўмовы 2 тыс. сем'яў і адзінокіх грамадзян. Сярод іх 500 маладых сем'яў, 900 шматдзетных сем'яў і 100 сем'яў, якія маюць права на атрыманне жылых памяшканняў сацыяльнага карыстання. На ўліку маючых патрэбу ў паляпшэнні жыллёвых умоў на канец 2023 года ў Віцебскім рэгіёне было 56,1 тыс. сем'яў, што на 1,8 тыс. менш, чым на канец 2022 года. Гэта стала магчымым, дзякуючы прынятаму ў 2022 годзе ўказу "Аб спрошчаным парадку прыёмкі ў эксплуатацыю аб'ектаў будаўніцтва".

Як паведаміў 12 красавіка сайт лепельскай раёнкі lepel-kraj.by, ваеннаслужачыя і ваеннаабавязаныя, якія прызываліся на ваенныя зборы ў 19-ю асобную гвардзейскую механізаваную брыгаду Паўночна-заходняга аператыўнага камандавання, вяртаюцца ў пункт пастаяннай дыслакацыі пасля брыгаднага тактычнага вучэння.

Камітэт дзяржкантролю Віцебскай вобласці прыняў меры па скарачэнні аб'ектаў звышнарматыўнага незавершанага будаўніцтва.У лістападзе мінулага года на пасяджэнні калегіі Камітэта дзяржкантролю Віцебскай вобласці мясцовым органам улады было прапанавана забяспечыць няўхільнае выкананне мерапрыемстваў, накіраваных на скарачэнне аб'ектаў звышнарматыўнага незавершанага будаўніцтва.У цэлым па выніках 2023 года Віцебская вобласць скараціла іх на 168 аб'ектаў.

На пасяджэнні калегіі Камітэта дзяржкантроля Віцебскай вобласці была зроблена выснова пра тое, што колькасць зваротаў да мясцовых органаў улады мае тэндэнцыю да скарачэння, тым часам як колькасць зваротаў у КДК адчувальна расце. У 2023 г. іх паступіла значна болей, чым у 2022г., піша абласная газета «Витебские вести».

Жыхары Віцебскага рэгіёну на платформе "Зручны горад" стварылі петыцыю №5820 для збору подпісаў для звароту ў Міністэрства інфармацыі Рэспублікі Беларусь наконт таго, што мясцовае дзяржСМІ «Витебские вести» (далей – “ВВ”) распаўсюдзілі недакладную інфармацыю.

Прадстаўнікі ПРААН правялі 28 сакавіка сумесна з камітэтам эканомікі аблвыканкама, семінар, прысвечаны праекту міжнароднай тэхнічнай дапамогі "Падтрымка намаганняў Рэспублікі Беларусь у нацыяналізацыі і лакалізацыі Мэт устойлівага развіцця". У рамках праекта беларусы могуць выйграць гранты да 22 тыс. долараў ЗША пры фінансавай падтрымцы з боку Урада Расійскай Федэрацыі.

У Віцебскай вобласці працуюць каля 5 тысяч лекараў і 13,5 тысяч сярэдніх медыцынскіх работнікаў. Пра гэта паведамілі на выніковай калегіі галоўнага ўпраўлення па ахове здароўя Віцебскага аблвыканкама. Прычым начальнік упраўлення Міхаіл Вішнявецкі заўважыў, што ў рэгіёне адчуваецца кадравы голад у гэтай сферы.

Загадам Міністэрства абароны на пасаду ваеннага камісара Віцебскай вобласці назначаны палкоўнік Дзмітрый Вальфовіч. Гэта родны брат цяперашняга Дзяржаўнага Сакратара Савета бяспекі Рэспублікі Беларусь генерал-лейтэнанта Аляксандра Вальфовіча.

Галоўнае статыстычнае ўпраўленне Віцебскай вобласці Нацыянальнага статыстычнага камітэта Беларусі апублікавала статыстыку адносна жанчын да міжнароднага свята 8 Сакавіка.