У траўні 2020 году ў Полацку пачаў працаваць цэнтар прававой дапамогі для сацыяльна ўразьлівых грамадзян. Дзейнасьць цэнтру «Адвакацыя» накіраваная на прававую асьвету людзей і дапамогу ў абароне правоў і свабод чалавека. Людзям, якія знаходзяцца ў сацыяльна ўразьлівым становішчы, адмыслоўцы цэнтру дапамагаюць бясплатна.

Апублікавана ў Сацыяльныя правы

У сераду 3 чэрвеня ў сваім доме ў Полацку быў затрыманы мясцовы актывіст і блогер Алесь Круткін. Паводле паведамленьняў Алеся ў сацсетках, яго затрымлівалі 7 супрацоўнікаў МУС, у тым ліку амапаўцы. Пасьля затрыманьня ў доме правялі ператрус, канфіскавалі аргтэхніку.

Апублікавана ў Затрыманьні

Удзельнікаў стрымаў блогера Сяргея Ціханоўскага, якія праходзілі на Віцебшчыне, абвінавацілі ў парушэньні заканадаўства пра масавыя мерапрыемствы. Суды праходзілі патаемна: сябрам і нават сваякам рэдка калі ўдавалася трапіць на працэсы, піша Беларускае Радыё Рацыя.

Апублікавана ў Суд

На патрабаваньне спыніць будоўлю кадэцкай вучэльні каля Сафійскага сабору на Верхнім Замку ў Полацку, мясцовыя ўлады адказалі, што працы «праводзяцца ў межах існага заканадаўства аб ахове гісторыка-культурнай спадчыны і Кодэксу аб культуры». Сьцьвярджаюць, што вядзецца археалягічнае назіраньне, а мэханічная вібрацыя – пад кантролем.

Апублікавана ў Культурныя правы

У 2019 годзе суд Полацкага раёну і гораду Полацку разгледзеў 66 пазоваў аб высяленьні наймальнікаў памяшканьняў дзяржаўнага жылфонду і іхных сем’яў без забесьпячэньня іншым жыльлём. 34 пазоўныя заявы задаволеныя, 29 неплацельшчыкаў за камунальныя паслугі ўжо выселеныя з дамоў, па сутнасьці – выкінутыя на вуліцу.

Апублікавана ў Сацыяльныя правы

Пэтыцыю з патрабаваньнем спыніць будаўніцтва кадэцкай вучэльні на тэрыторыі Верхняга замку ў Полацку, якую адправілі ў Адміністрацыю прэзыдэнта і Савет Міністраў, была перанакіраваная ў Віцебскі аблвыканкам. Разглядаць яе будуць у галоўным ўпраўленьні адукацыі. Гэта вынікае з афіцыйных адказаў, якія атрымалі аўтары электроннага звароту.

Апублікавана ў Культурныя правы

Адміністрацыя ААТ «Полацак-Шкловалакно» не дапушчае прадстаўніка Свабоднага прафсаюзу Беларускага ў камісію па вядзеньні калектыўных перамоваў. Але Дэпартамэнт дзяржаўнай інспэкцыі працы лічыць, што наймальнік правоў працоўных на калектыўныя перамовы не парушае.

Апублікавана ў Правы працоўных

На інтэрнэт-пляцоўцы «Зручны горад» зьявілася пэтыцыя з патрабаваньнем спыніць усе будаўнічыя працы на полацкім Верхнім замку, дзе ў сьнежні 2019 году пачалі руйнаваць былы шпітальны гарадок, каб на ягоным месцы узьвесьці карпусы кадэцкай вучэльні. Аўтары пэтыцыі лічаць, што гэтыя працы зьнішчаюць культурныя напластаваньні і нясуць пагрозу самому Сафійскаму сабору.

Апублікавана ў Культурныя правы

Актывіст грамадзянскай кампаніі «Эўрапейская Беларусь» Алесь Круткін быў 28 студзеня асуджаны на 15 сутак Полацкім судом. Гэтак яго пакаралі за ўдзел у мірных акцыях у абарону незалежнасьці краіны, якія праходзілі ў Менску ў сьнежні 2019 году. Суд над актывістам прайшоў у закрытым рэжыме, паведамляе «Эўрапейская Беларусь».

Апублікавана ў Суд

У Полацку і Наваполацку праходзяць суды над удзельнікамі акцыі за незалежнасьць Беларусі. 4-га студзеня паўтара дзясятка актывістаў сфатаграфаваліся каля Сафійскага сабору, склаўшы з раздрукаваных на паперы літар слова «Незалежнасьць». Некалькі чалавек трымалі бел-чырвона-белыя сьцягі, паведамляе Беларускае Радыё Рацыя.

Апублікавана ў Суд