Aгітацыйны пікет у Воршы з удзелам Някляева: людзі баяліся падыходзіць
Аршанскія апазыцыйныя кандыдаты правялі супольны агітацыйны пікет каля Дому культуры чыгуначнікаў. Падтрымаць актывіста кампаніі «Гавары праўду» Канстанціна Анташкевіча прыехаў Уладзімер Някляеў. Але аршанцы пераважна праходзілі міма ці нават абыходзілі пікетоўцаў.
Актывіст пабыў кандыдатам у дэпутаты толькі 4 гадзіны
20 лютага ў 11 гадзін раённая выбарчая камісія ўручыла актывісту кампаніі “Гавары праўду” Яраславу Берніковічу пасьведчаньне кандыдата ў дэпутаты Глыбоцкага райсавету. А а 15-й гадзіне з камісіі патэлефанавалі з папярэджаньнем, што ягоную рэгістрацыю анулююць.
Віцебскі абласны суд не задаволіў скаргу актывіста кампаніі “Гавары праўду”
29 студзеня адзін зь лідэраў грамадзянскай кампаніі «Гавары праўду» Сяргей Вазьняк абскарджваў у Віцебскім абласным судзе адмову ў рэгістрацыі сваіх ініцыятыўных груп. Суд падтрымаў ранейшыя адмовы раённай і абласной выбарчых камісіяў. Актывіст зьбіраўся балятавацца ў Талачынскі раённы і Коханаўскі сельскі саветы праз збор подпісаў.
«Гавары праўду» заклікае жыхароў Віцебску станавіцца кандыдатамі ў дэпутаты (відэа)
Лідзія Сагідуліна, каардынатар кампаніі «Гавары праўду» па Віцебскай вобласьці, зьвярнулася да грамадзян з заклікам стаць кандыдатамі ў дэпутаты мясцовых саветаў. Ахвотныя запрашаюцца далучыцца да каманды будучых кандыдатаў ад «Гавары праўду», якіх сёньня, паводле Лідзіі Сагідулінай, у рэгіёне ўжо некалькі дзясяткаў чалавек.
«Падробныя» жыроўкі ад «Гавары праўду» зьявіліся ў паштовых скрынках віцебчукоў
Жыхары Віцебску пачалі знаходзіць у сваіх паштовых скрынях дзіўныя «жыроўкі» - яны зьмяшчаюць астранамічныя сумы камунальных плацяжоў і папярэджаньні пра рост коштаў з 1 студзеня 2014 году на розныя паслугі. Калі перавярнуць «жыроўку», то аказваецца, што гэта перадвыбарчая ўлётка грамадзянскай кампаніі «Гавары праўду».
Віцебскія актывісты прапагандуюць ідэі “Народнага рэфэрэндуму”
Віцебскія валянтэры кампаніі «Гавары праўду» распаўсюдзілі каля 10 000 улётак з заклікам да грамадзян падтрымаць «Народны рэфэрэндум». Ва ўлётках распавядаецца, што такое рэфэрэндум і як можна ўнесьці пытаньне ды ўзяць непасрэдны ўдзел у кампаніі.
Вяскоўцы ў Глыбоцкім раёне пратэстуюць супраць закрыцьця пошты
Жыхары вёскі Верхняе Глыбоцкага раёну патрабуюць пакінуць у іх паштовае аддзяленьне — адзінае на некалькі навакольных вёсак. Збор подпісаў пад калектыўнымі лістамі — ініцыятыва актывіста кампаніі «Гавары праўду» Яраслава Берніковіча.
Віцебскі абласны суд не задаволіў скаргу Андрэя Андрэева
Актывіст партыі левых «Справядлівы сьвет» Андрэй Андрэеў абскарджваў у абласным судзе штраф, якім пакарала яго судзьдзя Кастрычніцкага райсуду Віцебску Алена Протас за распаўсюд інфармацыйных матэрыялаў кампаніі «Гавары праўду». Справу разглядала судзьдзя Ірына Смалякова. Довады Андрэя Андрэя, які сьцьвярджаў, што права на распаўсюд інфармацыі дадзена яму Канстытуцыяй – найвышэйшым законам Рэспублікі Беларусь, не пераканалі судзьдзю, і пастанова ў дачыненьні да актывіста пакінутая ў сіле.
Распаўсюдніка ўлётак кампаніі «Гавары праўду» аштрафавалі на 2 мільёна
Судзьдзя Кастрычніцкага райсуду Віцебску Алена Протас прызнала сябра партыі левых «Справядлівы сьвет» Андрэя Андрэева вінаватым у парушэньні артыкулу 22.9 КаАП (парушэньне заканадаўства аб сродках масавай інфармацыі) і прысудзіла яму штраф у памеры 20 базавых велічынь. Такому пакараньню партыйны актывіст быў падвергнуты за распаўсюд друкаванай прадукцыі кампаніі «Гавары праўду». Гэтая прадукцыя, маўляў, зьяўляецца сродкам масавай інфармацыі, не зарэгістраваным у Рэспубліцы Беларусь.
У Віцебску затрымалі распаўсюдніка ўлётак пра «Народны рэфэрэндум»
Віцебскі актывіст Андрэй Андрэеў распаўсюджваў улёткі з інфармацыяй пра «Народны рэфэрэндум». Пра яго затрыманьне паведаміла каардынатарка кампаніі “Гавары праўду” па Віцебскай вобласьці Лідзія Сагідуліна: за спадаром Андрэевым сачылі невядомыя з цывільнай машыны. Kалі ён увайшоў у адзін з пад’ездаў, праз пару хвілін увайшлі і яны, прапанавалі праехаць зь імі ў Кастрычніцкі РАУС Віцебску.